Вакансія БДПЧ. Мэнэджэр накірунку «Абарона і падтрымка»

12 October 2022, 2:07 PM
Вакансія БДПЧ. Мэнэджэр накірунку «Абарона і падтрымка»

Беларускі дом правоў чалавека абвяшчае вакансію: мэнэджэр накірунку «Абарона і падтрымка».

Тып пазіцыі (аб’ём занятасці): 100 %

Месцазнаходжанне: Вільнюс, Літва 

Пачатак працы: 1 лістапада 2022 г.

Арганізацыя: Беларускі дом правоў чалавека імя Барыса Звозскава

Узровень заробку: 1400-1800 €/месяц пасля  аплаты падаткаў, у залежнасці ад вопыту і кампетэнцыяў.

Аб арганізацыі: Беларускі дом правоў чалавека імя Барыса Звозскава (БДПЧ) заснаваны беларускімі праваабарончымі арганізацыямі ў 2006 годзе. Ён з’яўляецца сябрам Сеткі дамоў правоў чалавека, якая аб’ядноўвае больш за 90 праваабарончых няўрадавых арганізацый у 16 дамах розных краінаў. БДПЧ дзейнічае ў чатырох стратэгічных кірунках: адукацыя ў сферы правоў чалавека, узмацненне патэнцыяла праваабаронцаў і іх арганізацый, абарона і падтрымка праваабаронцаў і ахвяраў рэпрэсій, міжнароднае адвакатаванне.

Кароткае апісанне пазіцыі: мэнэджэр/кіраўнік накірунку “абарона і падтрымка” адказвае за планаванне, развіццё, агульную каардынацыю і рэалізацыю дзейнасці ў пазначаным накірунку, які ўключае некалькі больш вузкіх паднакірункаў. Праца ў рамках паднакірункаў ажыццяўляецца і каардынуецца адпаведнымі спецыялістамі і каардынатарамі. Пры неабходнасці, мэнэджэр дапамагае ў ажыццяўленні гэтай дзейнасці. Дзейнасць ажыццяўляецца паводле стратэгічнага і аперацыйнага планаў працы. Мэнэджэр падпарадкоўваецца выканаўчаму дырэктару БДПЧ і праграмнаму мэнэджэру (program  manager).

АБАВЯЗКІ

  • Ува ўзаемадзеянні з кіраўніцтвам БДПЧ і калегамі займацца стратэгічным планаваннем і развіццём праграмы дзейнасці накірунку;

  • падрыхтоўваць аперацыйныя (гадавыя) планы і справаздачы аб працы па накірунку; 

  • арганізоўваць і ажыццяўляць маніторынг і ацэнку праграмы (унутраную і вонкавую) ува ўзаемадзеянні з праграмным мэнэджэрам;

  • удзельнічаць у падрыхтоўцы праектных заявак і напісанні справаздачаў па праектах , у межах якіх рэалізуецца дзейнасць накірунку, і супольна з выканаўчым дырэктарам і праграмным спецыялістам весці камунікацыю з донарамі;

  • адказваць за падрыхтоўку, актуальны стан і выкананне палітыкаў і палажэнняў, згодна з якімі ажжыцяўляецца дзейнасць у рамках накірунку;

  • каардынаваць дзейнасць персаналу (каардынатараў і спецыялістаў), што ўваходзяць у накірунак «Абарона і падтрымка», дапамагаць выконваць іх задачы;

  • узаемадзейнічаць з кіраўніцтвам і супрацоўнікамі БДПЧ па пытаннях рэалізацыі дзейнасці ў рамках накірунку;

  • рыхтаваць інфармацыю і ўзаемадзейнічаць з кіраўніцтвам БДПЧ па пытаннях рэалізацыі працы па накірунку;

  • пры патрэбе, удзельнічаць у працы камітэтаў і іншых органаў, што прымаюць калегіяльныя рашэнні датычныя аказання паслуг і дапамогі ў рамках накірунку;

  • арганізоўваць і праводзіць рабочыя сустрэчы персаналу накірунку і паднакірункаў;

  • ажыццяўляць прэзэнтатыўныя функцыі ад імя накірунку і паднакірункаў;

  • выконваць іншыя функцыі ў межах арганізацыйнага і зместавага суправаджэння дзейнасці ў рамках накірунку.

ПАТРАБАВАННІ

Кандыдат павінны мець вышэйшую юрыдычную або іншую гуманітарную адукацыю, пажадана таксама – дадатковую адукацыю ў сферы правоў чалавека; валодаць ангельскай мовай на дастатковым для працы ўзроўні. 

ВЕДЫ, НАВЫКІ І ЗДОЛЬНАСЦІ 

  • агульныя веды ў сферы правоў чалавека;

  • веданне сітуацыі з правамі чалавека ў Беларусі агулам, а таксама права на свабоду асацыяцый, свабоду меркавання, свабоду мірных сходаў, і, у прыватнасці, права быць праваабаронцам;

  • інфармаванасць аб прававых і арганізацыйных умовах дзейнасці праваабарончых і іншых арганізацый грамадзянскай супольнасці;

  • арганізацыйныя навыкі – планаванне, дэлегаванне, праграмнае развіццё, маніторынг і ацэнка;

  • кіраванне праектамі ў некамерцыйнай сферы;

  • выдатнае валоданне беларускай, рускай і англійскай мовамі.

ТЭХНІЧНЫЯ НАВЫКІ 

  • Устойлівыя навыкі карыстання прадуктамі MS Office/LibreOffice, паштовымі кліентамі, папулярнымі інтэрнэт-браўзерамі, мэсэнджэрамі; 

  • пажадана: разуменне прынцыпаў бяспечнай камунікацыі.

ДОСВЕД

  • Досвед кіраўнічай або мэнэджэрскай працы, у тым ліку кіравання праектамі ў арганізацыі грамадзянскай супольнасці; 

  • досвед узаемадзеяння, у тым ліку ў сетцы, кааліцыях і інш., з праваабарончымі і іншымі арганізацыямі грамадзянскай супольнасці;

  • досвед абароны і прасоўвання правоў чалавека на нацыянальным і міжнародным узроўні.

Зацікаўленых просім даслаць CV і матывацыйны ліст (на беларускай, рускай ці ангельскай мове) не пазней за 30 кастрычніка на адрас  director@belhumanrights.house з пазнакай назвы вакансіі “мэнэджэр дапамогі” ў тэме.

Таксама пазначце, калі ласка, прынамсі адну асобу, хто мог бы даць рэкамендацыю вашай кандыдатуры, з кантактамі (e-mail, мабільны нумар, мэсэнджэры).

See more news

Руководство для иностранных граждан по организации работы в Грузии
14 November 2022, 9:55 AM
Руководство для иностранных граждан по организации работы в Грузии
Руководство для иностранных граждан по организации работы в Грузии подготовили эксперты Института гражданского общества и Международного центра некоммерческого права. Вклад в работу над данным руководством внесла и правозащитная организация «Lawtrend».
Псіхалагічная і псіхіятрычная падтрымка для актывістаў
19 October 2022, 8:55 AM
Псіхалагічная і псіхіятрычная падтрымка для актывістаў
Беларуская нацыянальная платформа і Беларускі нацыянальны моладзевы савет «РАДА» разам з партнёрамі абвяшчае пра магчымасць псіхалагічнай і псіхіятрычнай падтрымкі для актывістаў грамадзянскай супольнасці.
Набор на адукацыйны курс па асновах мэнэджмента арганізацый грамадзянскай супольнасці
17 October 2022, 5:44 PM
Набор на адукацыйны курс па асновах мэнэджмента арганізацый грамадзянскай супольнасці
Гэты курс аб тым, як кіраваць грамадскімі арганізацыямі і ініцыятывамі, – вызначаць мэты, планаваць праекты, матываваць каманду і забяспечыць яе эфектыўную працу, ацэньваць эфектыўнасць дзейнасці і падвышаць устойлівасць.
Vacancy at the Belarusian HRH: Program manager
13 October 2022, 6:41 AM
Vacancy at the Belarusian HRH: Program manager
The Program Manager is responsible for the planning, development, overall coordination/implementation, and supervision of strategic areas and projects of the BHRH activities; for fundraising, liaising with donors and partners.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці