Грамадскае расследаванне катаванняў у Савецкім РУУС 9-13 жніўня 2020

26 чэрвеня 2023, 13:56
Грамадскае расследаванне катаванняў у Савецкім РУУС 9-13 жніўня 2020

«Давай, давай, забівай! Вы што, забыліся, у якой краіне жывяце?» 

Праваабаронцы з "Прававой ініцыятывы" і Міжнароднага камітэту расследавання катаванняў у Беларусі апублікавалі грамадскае расследаванне катаванняў у Савецкім РУУС 9-13 жніўня 2020.

З 9 па 13 жніўня 2020 года ў Савецкае РУУС прывозілі людзей, якія былі затрыманыя на мірных пратэстах у цэнтры Мінска. Нароўні з Акрэсціна, гэта адно з самых жорсткіх месцаў зняволення. За гэтыя 4 дні праз Савецкае РУУС прайшло 400-600 чалавек. Сілавікі забіралі ўсіх без разбору — сярод затрыманых апынуўся нават грамадзянін Ізраіля.

Умовы ўтрымання былі настолькі зверскімі, што некаторыя са сведкаў параўноўваюць РУУС з фашысцкім канцлагерам. Вось, што распавядалі людзі:

  • «... Хадзілі з аўтаматамі. Адчуванне было, што трапіў у канцлагер. Тузалі затворы аўтаматаў і пагражалі расстраляць усіх, калі хоць хтосьці пабяжыць».

  • «Там было вельмі шмат людзей, якіх не проста білі, а калечылі. Іх цягалі па зямлі, за рукі, быццам целы мёртвых. Яны былі акрываўленыя. Адцягнуўшы ў бок, аблівалі вадой і зноў білі. Крыкі былі жудасныя!»

  • «Перыядычна забіралі ў аддзел. Уключалі камеру, кажуць: «Ты, сука, АМАП хацеў спаліць?». Ты кажаш: «Не». Тады яны выключаюць, пачынаюць цябе біць. Потым паўтараюць пытанне, зноў уключаюць камеру, і ты ўжо адпаведна адказваеш: «Так, я там быў, я хацеў спаліць, я там хацеў...».

Гэты дакумент — чарговае грамадскае расследаванне Прававой ініцыятывы і Міжнароднага камітэта па расследаванні катаванняў у Беларусі. Мэта праваабаронцаў — правесці расследаванне па кожным РУУС. Аўтары расследвання хочуць дакладна ведаць, што менавіта адбывалася ў месцах затрымання ў пачатку жніўня і хто ў гэтым вінаваты.

Для гэтага расследавання праваабаронцы вывучылі 52 задакументаваныя імі гісторыі. Гэта 568 старонак тэксту і 137 старонак медыцынскіх даведак і дакументаў. На падставе гэтых матэрыялаў яны склалі храналогію падзеяў і правялі апазнанне сілавікоў, спрычыненых да катаванняў. Спіс фота і імёнаў патэнцыйных злачынцаў - напрыканцы дакумента.

ВАЖНА! Вінаватасць гэтых людзей можа даказаць толькі суд. Праваабаронцы не заклікаюць да гвалту і не выносяць прысуд. Мэта — паказаць, што рана ці позна нам становіцца вядома пра кожны выпадак катаванняў і жорсткага абыходжання. Аўтары хочуць, каб вы ведалі — яны захоўваюць усе доказы. І не дадуць рэжыму іх знішчыць. Аднойчы ўсе вінаватыя будуць прыцягнутыя да адказнасці, а дакументы дапамогуць справядліваму судоваму разбіральніцтву.

За апошнія 3 гады праваабаронцы "Прававой ініцыятывы" і "Міжнароднага камітэту расследвання катаванняў у Беларусі"  задакументавалі 1718 гісторый катаванняў. Праваабаронцы працягваюць дакументаваць старыя і новыя выпадкі, і не спыняцца, пакуль усе вінаватыя не будуць прыцягнутыя да адказнасці.

ЧЫТАЦЬ ПОЎНУЮ ВЕРСІЮ

Расследаванне на: 

Публікуецца паводле сайту "Прававой ініцыятывы"

Падзялiцца

Глядзiце таксама

Human Constanta: Первые приговоры за «‎экстремизм» без назначения наказания и решения судов по делу «‎Беларусского Гаюна»: обзор борьбы с «экстремизмом» в Беларуси за апрель-июнь 2025
18 жніўня 2025, 12:37
Human Constanta: Первые приговоры за «‎экстремизм» без назначения наказания и решения судов по делу «‎Беларусского Гаюна»: обзор борьбы с «экстремизмом» в Беларуси за апрель-июнь 2025
В обзоре отражены основные тенденции государственной политики по борьбе с «экстремизмом» и «терроризмом» в Беларуси и ее влияние на ситуацию в области прав человека с апреля по июнь 2025 года.
«Рэпарцёры без межаў» апублікавалі партрэты зняволеных беларускіх журналістаў
18 жніўня 2025, 12:29
«Рэпарцёры без межаў» апублікавалі партрэты зняволеных беларускіх журналістаў
Беларусь з’яўляецца ці не буйнейшай у свеце турмой для незалежных журналістаў, канстатуюць «Рэпарцёры без межаў».
Сітуацыя з правамі чалавека ў Беларусі застаецца жахлівай — LIBERECO
18 жніўня 2025, 12:26
Сітуацыя з правамі чалавека ў Беларусі застаецца жахлівай — LIBERECO
Выканаўчы дырэктар LIBERECO у Германіі Марка Фібер канстатаваў, што ў Беларусі “працягваецца крымінальны пераслед дысідэнтаў, удзельнікаў пратэстаў, журналістаў, праваабаронцаў і адвакатаў.
Адвокатку Николая Дедка лишили лицензии
18 жніўня 2025, 12:20
Адвокатку Николая Дедка лишили лицензии
Министерство юстиции лишило лицензии адвокатку Светлану Горбаток, об этом пишет пресс-служба ведомства.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці