Human Constanta: Спорт і правы чалавека: аналітыка за красавік-чэрвень 2023
)
Сёньня сьвет прафэсійнага спорту зьмяняецца зь вялікай хуткасьцю. На гэта ўплываюць сацыяльна-палітычныя падзеі, што адбываюцца, зьмены ў кіраваньні міжнароднымі спартовымі арганізацыямі, а таксама вялікі попыт на зьмены ўмоваў працы з боку прафэсійных спартсмэн_ак.
У аналітыцы за красавік-чэрвень 2023 года праваабаронцы Human Constanta прааналізавалі найбольш значныя падзеі ў спорце праз прызму міжнародных стандартаў у галіне правоў чалавека і спорта.
З 2020 года тэма парушэньняў правоў чалавека стала штодзённай часткай беларускага спорту — пачынаючы абмежаваньнямі права на свабоду выказваньня меркаваньня, заканчваючы ўмовамі працы і дамоўнымі гульнямі. Аднак, у 2023 годзе міжнародная спартовая супольнасьць сфакусавалась на яшчэ адной праблеме — гэта допуск альбо нядопуск беларускіх і расейскіх атлет_ак на міжнародныя спаборніцтвы, у тым ліку на Летнія Алімпійскія Гульні (АГ) ў Парыжы ў 2024 годзе.
Напярэдадні Чэмпіянату свету (ЧС) па футболе сярод жанчын у спартыўнай супольнасьці актыўна абмяркоўвалася тэма траўматызму, а пытаньні няроўнай аплаты працы ўзнімаліся ня толькі ў футбольнай супольнасьці, але таксама ў тэнісе і баскетболе. У той жа час, мы падзяліліся некаторымі прыкладамі калабарацый, якія накіраваны на пераадоленьне гендэрнай няроўнасьці.
Штогод чэрвень лічыцца «месяцам гонару», таму шматлікія спартовыя стэйкхолдэр_кі арганізуюць спэцыяльныя кампаніі, уцягваючы прафэсійных спартсмэн_ак. У дадзеным тэксьце коратка апісваецца досьвед людзей, якія працуюць у прафэсійным спорце і зрабілі камінг-аут, і як гэта паўплывае на сучасны спартовы сьвет і на іх месца ў ім.
Напрыканцы мы зьвярнулі ўвагу на тэму расізма ў спорце, які моцна адбіўся на рэпутацыі гішпаньскай La Liga і федэрацыі футбола Гішпаніі. «Справа Vinicius Junior» — адзін з самых гучных скандалаў, які адбыўся ў 2023 годзе і абмяркоўваўся на вышэйшым узроўні дзяржаваў і міжнародных арганізацыяў.
Мы таксама закранулі тэму абароны прафэсійных спартсмэн_ак у кантэксьце вайны Расеі супраць Украіны, а таксама тэму бясьпекі спартсмэн_ак і заўзятар_ак падчас спартовых мерапрыемстваў.
Глядзiце таксама
)
)
)
)
)
Атрымаць падтрымку
