Заява аб прызнанні 10 чалавек палітычнымі зняволенымі (Павел Вераскоўскі і іншыя)

Заява праваабарончай супольнасці Беларусі

10 снежня 2025 года

Мы, прадстаўнікі праваабарончай супольнасці Беларусі, зноў адзначаем, што пазбаўленне волі і крымінальная адказнасць за розныя формы пратэснай актыўнасці выкарыстоўваюцца ўладамі як інструмент уціску грамадзянскага і палітычнага супраціву, іншадумства і антываенных выказванняў. Крымінальнае заканадаўства ў 2021 годзе стала больш узмоцненым і дапоўненае новымі складамі злачынстваў, якія ўлады выкарыстоўваюць выключна ў мэтах палітычных рэпрэсій.

Міністэрства ўнутраных спраў і Камітэт дзяржаўнай бяспекі ў пазасудовым парадку адвольна прызнаюць экстрэмісцкімі групы грамадзян, аб’яднаных грамадскімі або палітычнымі інтарэсамі, якія крытыкуюць дзеянні ўладаў і патрабуюць зменаў у дзяржаве і палітыцы, што ёй праводзіцца. Шэраг СМІ таксама прызнаныя экстрэмісцкімі фармаваннямі. Гэта, у сваю чаргу, адкрывае шлях да адвольнага прыцягнення да крымінальнай адказнасці і пазбаўлення волі іх удзельнікаў і рэспандэнтаў як непрапарцыйных захадаў абмежавання права на асацыяцыю і свабоды выказвання меркаванняў.

Так, стала вядома пра змяшчэнне пад варту і асуджэнне да пазбаўлення волі ў сувязі з узаемадзеяннем з "экстрэмісцкімі фармаваннямі" Паўла Вераскоўскага, Аляксандры Дуброўскай, Марыны Храмцовай, Андрэя Вяроўкіна, Аляксея Ягелы, Вольгі Строевай, Дзмітрыя Малахава, Канстанціна Мядзведзева, Леаніда Молахава, Наталлі Даронінай.

Мы прызнаём названых асоб палітвязнямі ў адпаведнасці з п. 3.1(а) Кіраўніцтва па вызначэнні паняцця "палітычны зняволены" і патрабуем ад уладаў Беларусі:

• неадкладна вызваліць палітычных зняволеных Паўла Вераскоўскага, Аляксандру Дуброўскую, Марыну Храмцову, Андрэя Вяроўкіна, Аляксея Ягелу, Вольгу Строеву, Дзмітрыя Малахава, Канстанціна Мядзведзева, Леаніда Молахава, Наталлю Дароніну;

• неадкладна вызваліць усіх палітычных зняволеных і спыніць палітычныя рэпрэсіі супраць грамадзян краіны.

Праваабарончы цэнтр “Вясна”;
Human Constanta;
Прававая ініцыятыва;
Беларускі Хельсінкскі камітэт;
Беларуская асацыяцыя журналістаў;
Respect-Protect-Fulfill;
Lawtrend;
Беларускі ПЭН.