Заява аб прызнанні васьмі чалавек палітычнымі зняволенымі (Віталь Хальчыцкі і іншыя)

заява прадстаўнікоў беларускай праваабарончай супольнасці

11 верасня 2025 г.

У сувязі з новымі выпадкамі асуджэння і пазбаўлення волі грамадзянаў краіны па шэрагу дыфамацыйных артыкулаў Крымінальнага кодэкса Рэспублікі Беларусь, а таксама ў сувязі са знявагай дзяржаўных сімвалаў Рэспублікі Беларусь ды і іншымі дзеяннямі, накіраванымі на правамерную реалізацыю свабоды выказвання меркаванняў, мы, прадстаўнікі беларускай праваабарончай супольнасці патрабуем спыніць пераслед правамерных форм выказвання меркаванняў, і ў  чарговы раз пацвярджаючы свае неаднаразова выказаныя патрабаванні па дэкрыміналізацыі дыфамацыі і недапушчальнасці пазбаўлення волі грамадзян за абразу службовых асобаў, дзяржавы, дзяржаўных органаў і сімвалаў (супольная заява ад 22 снежня 2020 г.),  адзначаем наступнае:

Намі атрыманая інфармацыя пра наступных асобаў, пазбаўленых волі за абразу А.Лукашэнкі і іншыя формы мірнай рэалізацыі свабоды мяркаванняў:

Віталь Хальчыцкі асуджаны па арт. 368 і 367 Крымінальнага кодэкса за абразу А.Лукашэнкі і паклёп у яго дачыненні да пазбаўлення волі ў папраўчай калоніі;

Васіль Бачко асуджаны па арт. 361 КК  за “заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь” да пазбаўлення волі ў папраўчай калоніі;

Павел Шумскі асуджаны па арт. 361 КК  за “заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь” да пазбаўлення волі ў папраўчай калоніі;

Андрэй Мартышоў асуджаны да пазбаўлення волі ў калоніі ва ўмовах агульнага рэжыму за заклікі да дзеянняў, скіраваных на прычыненне шкоды нацыянальнай бяспецы;

Дзяніс Чумакоў накіраваны на прымусовае псіхіятрычнае лячэнне ў стацыянары за абразу А.Лукашэнкі;

Арцём Сямёнаў асуджаны па арт. 361 КК  за “заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь” да пазбаўлення волі ў папраўчай калоніі;

Дзяніс Краўчук асужданы па арт 368 КК за абразу А.Лукашэнкі да абмежавання волі, накіраваны ў папраўчую установу для адбыцця пакарання;

Валянціна Навумава змешчана пад варту па арт. 367 КК па абвінавачванні ў паклёпе на А.Лукашэнку.

Мы лічым пераслед і пазбаўленне волі названых асоб палітычна матываваным, звязаным з мірнай рэалізацыяй выказвання меркавання, а іх саміх палітычнымі зняволенымі ў адпаведнасці з п. 3.1(а) Кіраўніцтва па вызначэнні паняцця “Палітычны зняволены”, і патрабуем ад уладаў Беларусі:

Неадкладна вызваліць палітвязняў Віталя Хальчыцкага, Васіля Бачко, Паўла Шумскага, Андрэя Мартышова, Дзяніса Чумакова, Арцёма Сямёнава, Дзяніса Краўчука, Валянціну Навумаву і спыніць крымінальны пераслед у дачыненні да іх.

Прыняць захады, скіраваныя на дэкрыміналізацыю дыфамацыйных правапарушэнняў і адмену артыкулаў Крымінальнага кодэкса, якія прадугледжваюць адказнасць за абразу дзяржавы, дзяржаўных сімвалаў і службовых асобаў, а менавіта – арт. 188, 361, 367, 368, 369, 369-1, 370, 391 Крымінальнага кодэкса Рэспублікі Беларусь, і спыніць усе раней узбуджаныя па дадзеных артыкулах крымінальныя справы.

Неадкладна вызваліць усіх палітычных зняволеных і спыніць палітычныя рэпрэсіі супраць грамадзян краіны.

Праваабарончы цэнтр "Вясна"

Беларускі Хельсінкскі Камітэт

Беларускі ПЭН

Прававая ініцыятыва

Respect-Protect-Fulfill