Прынцыпы дзейнасцi праваабаронцаў Беларусi

Дакумент «Прынцыпы дзейнасці праваабаронцаў Беларусі»  — гэта звод прафесійных і этычных прынцыпаў, якія вызначаюць патрабаванні да праваабаронцы і яго прафесійнай дзейнасці.
Прынцыпы заснаваныя на маральных крытэрах і традыцыях праваабарончай дзейнасці ў Беларусі, на міжнародных стандартах і правілах праваабарончай дзейнасці.
Прынцыпы дзейнасцi праваабаронцаў Беларусi

МЭТА ПРЫНЦЫПАЎ

Мэта Прынцыпаў дзейнасці беларускіх праваабаронцаў – стварэнне ў праваабарончай супольнасці адказнай карпаратыўнай культуры, каб у беларускім грамадстве павдвышаліся давер і павага да праваабарончай супольнасці. Прынцыпы накіраваныя на аб’яднанне праваабарончай супольнасці. Прытрымлівацца гэтых прынцыпаў – маральны абавязак кожнага праваабаронцы.

Прынцыпы дзейнасці праваабаронцаў распаўсюджваюцца на дачыненні праваабаронцаў паміж сабой, з ахвярамі парушэнняў правоў чалавека, з дзяржаўнымі органамі, з міжнароднымі арганізацыямі, арганізацыямі грамадзянскай супольнасці, іншымі прафесійнымі супольнасцямі, сродкамі масавай інфармацыі.

У распрацоўцы дакументу ўдзельнічалі: Раіса Міхайлоўская, Таццяна Агеева, Уладзімір Букштынаў (ПУ “Беларускі дакументацыйны цэнтр”), Таццяна Равяка, Аня Герасімава, Уладзімір Яворскі (Беларускі дом правоў чалавека імя Барыса Звозскава), Алег Агееў (ГА “Беларуская асацыяцыя журналістаў”), Юрый Чавусаў (Асамблея няўрадавых дэмакратычных арганізацый), Павел Сапелка (Праваабарончы цэнтр “Вясна”), Алена Танкачова (ПУ “Цэнтар прававой трансфармацыі”), Дзмітрый Чарных, Гары Паганяйла (РПГА “Беларускі Хельсінкскі камітэт”).

Каманда экспертаў працавала над «кодэксам праваабаронцы» амаль год; былі праведзеныя фокус-групы ў розных гарадах Беларуси, удзел у якіх прынялі каля 70 праваабаронцаў з 20 арганізацыяў.

Дакумент адкрыты да далучэння. Далучыцца могуць праваабарончыя арганізацыі і праваабаронцы ў індывідуальнай якасці.

Паведаміць аб далучэнні можна праз электронны адрас info@bydc.info.

Спампаваць Прынцыпы дзейнасцi беларускіх праваабаронцаў [PDF]

Для мяне, паколькі наша арганізацыя займалася распрацоўкай этычных прынцыпаў праваабаронцаў, вельмі важна прыняцце іх усімі ўдзельнікамі Форуму. Вельмі хочацца, каб гэта быў аб’яднальны дакумент, каб нашая дзейнасць сапраўды адпавядала гэтым прынцыпам і дзякуючы гэтаму павялічылася эфектыўнасць працы праваабаронцаў, палепшыўся наш імідж у вачах грамадства.

Заклікаю ўсіх далучацца да гэтых прынцыпаў! Заклікаю да розных сумесных дзеянняў на аснове гэтых прынцыпаў!

Раіса Міхайлоўская,

Беларускі дакументацыйны цэнтр

Я лічу важным пазітыўным вынікам падтрымку этычных прынцыпаў як дакумента, які мае стратэгічнае значэння для развіцця ўсяго праваабарончага сектара і дэманструе добры прыклад для арганізацыяў, якія працуюць у іншых сферах. Дакумент этычнага самарэгулявання – паказчык спеласці гэтага сегмента грамадзянскай супольнасці.

Юрый Чавусаў,

Асамблея НДА

Калі пачыланася праца над Прынцыпамі, былі апасенні, што выкладзеныя ў ім стандарты стануць не аб’ядноўваючымі, а раз’ядноўваючымі: маўляў, тут сапраўдныя праваабаронцы, а тут не. Але па выніках можна казаць, што Прынцыпы з’яўляюцца аб’ядноўваючымі для праваабаронцаў: калі вы абараняеце і прасоўваеце правы чалавека, прытрымліваецеся прынцыпу ўніверсальнасці і робіце гэта мірнымі сродкамі – вы дзейнічаеце згодна з праваабарончымі стандартамі.

Але калі штосці з гэтых кампанентаў “выпадае”, то, можа, ваша дзейнасць у нейкім накірунку важная і карысная, але праваабарончай назваць яе не выпадае. Нельга быць за смяротнае пакаранне ці выступаць супраць бежанцаў і ЛГБТ і лічыць гэта праваабарончай пазіцыяй.

Таццяна Равяка,

Беларускі дом правоў чалавека імя Барыса Звозскава

Да Прынцыпаў дзейнасці беларускіх праваабаронцаў далучыліся наступныя арганізацыі і ініцыятывы:

  • РПОО «Белорусский Хельсинкский комитет»

  • ОО «Белорусская ассоциация журналистов»

  • ПУ «Белорусский документационный центр»

  • Правозащитное движение "Наша Беларусь"

  • Инициативная группа "Движение матерей 328"

  • ПЦ "Правовая помощь населению"

  • Инициативная группа "Идентичность и право"

  • Правозащитный центр "Вясна"

  • РОО "Правовая инициатива"

  • ПУ "Лига развития демократии "Гражданский вердикт"

  • Инициативная группа "За справедливый суд в Беларуси"

  • Общественное объединение "Могилёвский правозащитный центр"

  • Социально-информационное учреждение "ТаймАкт"

  • Таварыства беларускай мовы імя Францішка Скарыны 

  • Установа "Міжнародны Цэнтр Дзяцінства"

  • Грамадзянская ініцыятыва супраць беззаконня ў судах і пракуратуры

  • Беларускi ПЭН-цэнтр

  • Центр проблем детского развития "Левания"

  • Беларускі Дом правоў чалавека імя Б.Звозскава

  • Экспертно-правовое товарищество "Инициатива FORB"

  • Центр правовой трансформации (Lawtrend)

  • Гомельский Центр стратегической тяжбы

  • Учреждение "Консультационный центр по актуальным международным практикам и их имплементации в праве “Хьюман Константа” 

  • Адукацыйна-асьветніцкая ініцыятыва "Праўныя Дарэктары"  

  • МГА “Разуменне”

  • Инициатива "Правозащитники против пыток"

  • Просветительско-благотворительное учреждение "Комитет "Солидарность"

  • Общественно-информационная площадка "Белорусский центр поддержки"

Related news

Беларускі ДПЧ далучыўся да Кодэксу этыкі беларускіх праваабаронцаў
11 October 2017, 6:57 PM
Беларускі ДПЧ далучыўся да Кодэксу этыкі беларускіх праваабаронцаў
10 кастрычніка 2017 года Беларускі дом правоў чалавека імя Б. Звозскава далучыўся да “Прынцыпаў дзейнасці праваабаронцаў Беларусі”.
«З'яўленне Прынцыпаў дзейнасці праваабаронцаў сведчыць пра прафесіяналізацыю супольнасці»
06 September 2017, 10:49 AM
«З'яўленне Прынцыпаў дзейнасці праваабаронцаў сведчыць пра прафесіяналізацыю супольнасці»
У працэсе выпрацоўкі Прынцыпаў актыўны удзел прымалі і прадстаўнікі «Вясны».
Для чаго патрэбныя агульныя прынцыпы дзейнасці праваабаронцаў Беларусі?
31 August 2017, 5:55 PM
Для чаго патрэбныя агульныя прынцыпы дзейнасці праваабаронцаў Беларусі?
Дырэктар ВУ «Беларускі дакументацыйны цэнтр" Раіса Міхайлоўская дала інтэрв'ю сайту "Салідарнасць", у якім патлумачыла неабходнасць прыняцця гэтага дакумента.
У Магілёве абмеркавалі будучы кодэкс дзейнасці праваабаронцаў
10 February 2017, 7:56 AM
У Магілёве абмеркавалі будучы кодэкс дзейнасці праваабаронцаў
Прадстаўнікі Беларускага дакументацыйнага цэнтра і Беларускага Дома правоў чалавека Таццяна Агеева, Раіса Міхайлоўская і Уладзімір Яворскі 9 лютага прадставілі магілёўскім праваабаронцам варыянт магчымага кодэкса.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці