Прэмія беларускай праваабарончай супольнасці

Прэмія ўручаецца штогод за дасягненні ў галіне правоў чалавека: праваабаронцу, журналісту і праваабарончай кампаніі ці ініцыятыве.

Гісторыя

Праваабарончая прэмія за дасягненні ў галіне правоў чалавека была заснаваная ў 2008 годзе “Праваабарончым Альянсам”.

Першымі лаўрэатамі сталі праваабаронца Барыс Звозскаў, адвакат Тамара Сідарэнка, журналіст Сямён Печанко.

Тамара Сідарэнка і Павел Сапелка на ўручэнні прэміі. 2008 год. Фота БелаПАН

За гады з моманту заснавання прэмія пашырылася і сёння ёсць прэміяй, якой беларуская праваабарончая супольнасць штогод адзначае праваабаронцу года, журналіста года, адваката года (да 2015 года) і ўпершыню ў 2016 годзе – праваабарончую кампанію ці ініцыятыву года - за ўнёсак у прасоўванне і абарону міжнароднага права правоў чалавека. У 2023 годзе з'явілася намінацыя «Праваабарончая салідарнасць».

Прэмія ўручаецца ў чатырох намінацыях:

«Праваабаронца года»

На намінацыю «Праваабаронца года» вылучаецца асоба, чые дзеянні за мінулы і папярэднія гады найбольш яскрава, выразна, эфектыўна спрыялі прасоўванню і/ці абароне правоў чалавека ў Беларусі.

«Журналіст/ка года»

На намінацыю «Журналіст/ка года» вылучаецца журналіст/ка альбо блогер/ка, які/якая цягам мінулага года найбольш актыўна і яскрава асвятляў/ла пытанні правоў чалавека ў Беларусі, альбо чые публікацыі, ТВ- ці радыёпраграмы мелі найвялікшы грамадскі рэзананс альбо ўплыў на вырашэнне праблем у галіне правоў чалавека і фундаметальных свабод у краіне.

«Праваабарончая кампанія (ініцыятыва) года»

На намінацыю «Праваабарончая кампанія (ініцыятыва) года» вылучаецца грамадская кампанія ці ініцыятыва, якая на працягу мінулага года/гадоў (калі дзейнасць мінулых гадоў паўплывала на сёлетнюю сітуацыю) мела значны ўплыў на вырашэнне той ці іншай праваабарончай праблемы, прыцягнула ўвагу грамадства да праблемы, а таксама спрыяла кансалідацыі праваабарончай супольнасці праз супольныя дзеянні.

«Праваабарончая салідарнасць»

На намінацыю «Праваабарончая салідарнасць» вылучаецца асоба, якая пацярпела ад рэпрэсіяў і ціску сёлета і/ці ў папярэднія гады за сваю дзейнасць па прасоўванні і/ці абароне правоў чалавека ў Беларусі.

Арганізацыі-заснавальніцы

Арганізацыямі-заснавальніцамі прэміі з’яўляюцца:

Беларуская асацыяцыя журналістаў
...
Беларускі дом правоў чалавека імя Барыса Звозскава
Беларускі Хельсінкскі камітэт
...
Праваабарончы цэнтр “Вясна”
Lawtrend
Беларускі ПЭН

ПАЛАЖЭННЕ аб вылучэнні на Прэмію беларускай праваабарончай супольнасці-2024

РЭГЛАМЕНТ аргкамітэта Прэміі-2024

ПРАЦЭДУРА адбора намінантаў у шорт-ліст-2024

Лаўрэаты прэміі

Лаўрэаты прэміі ад праваабарончай супольнасці мінулых гадоў:

2024

Наста Базар - праваабаронца года;

Дзіяна Пінчук, Фёдар Паўлючэнка - журналісты года;

Фонд беларускай салідарнасці BYSOL - ініцыятыва года.

Ігар Ільяш - праваабарончая салідарнасць года.

2023

Алег Агееў і Наталля Мацкевіч - праваабаронцы года;

Аляксандр Манцэвіч - журналіст года;

Служба эвакуацыі Фонда беларускай салідарнасці BYSOL - кампанія года.

Паліна Шарэнда-Панасюк - праваабарончая салідарнасць года.

2022

Наста Лойка - праваабаронца года;

Аксана Колб («Новы час») - журналіст года;

Міжнародны камітэт па расследаванні катаванняў у Беларусі - кампанія года.

2021

Марфа Рабкова, валанцёрская служба «Вясны» - праваабаронца года;

Дзяніс Івашын ( InformNapalm, «Новы час») - журналіст года;

Міжнародны медыяпраект «Жнівень 2020» - кампанія года.

2020

Таццяна Агеева, Беларускі дакументацыйны цэнтр - праваабаронца года (пасмяротна);

Кацярына Барысевіч (TUT.BY), Кацярына Андрэева, Дар'я Чульцова (Белсат) - журналісты года;

валанцёрская ініцыятыва дапамогі медыкам падчас эпідэміі ByCOVID19 - кампанія года.

2019

Леанід Судаленка, Гомельскі Цэнтр стратэгічнай цяжбы - праваабаронца года;

Ганна Соўсь, Радыё Свабода - журналіст года;

кампанія “Супраць будаўніцтва акумулятарнага завода ў Брэсце” (Раман Кісляк і інш.) - кампанія года.

2018

Вольга Смалянка, Цэнтр прававой трансфармацыі;

Генадзь Фядыніч і Ігар Комлік, Незалежны прафсаюз РЭП (праваабаронца года);

Ірына Леўшына, БелаПАН (журналіст года);

кампанія “Праваабаронцы супраць смяротнага пакарання (Андрэй Палуда, Паліна Сцепаненка і інш.) (праваабарончая кампанія/ініцыятыва года).

2017

Раіса Міхайлоўская, Беларускі дакументацыйны цэнтр (праваабаронца года);

Галіна Абакунчык, Радыё Свабода (журналіст года);

кампанія By_Help(Юлія Дарашкевіч, Аляксей Лявончык, Андрэй Стрыжак) (праваабарончая кампанія/ініцыятыва года).

2016

Сяргей Драздоўскі, Офіс па правах людзей з інваліднасцю (праваабаронца года);

Адар’я Гуштын і Зміцер Дрозд (журналісты года), Інтэрнэт-часопіс “Імёны” (праваабарончая ініцыятыва года).

2015

Валянцін Стэфановіч, Праваабарончы цэнтр “Вясна” (праваабаронца года);

Зміцер Лукашук, Еўрапейскае радыё для Беларусі (журналіст года);

Валеры Шчукін(асоба года).

2014

Алена Танкачова, Цэнтр прававой трансфармацыі Lawtrend (праваабаронца года);

Алена Панкратава, аўтарка цыкла перадач «Свабода ў турмах», ды сайт "Вясны" (журналіст года);

Людміла Казак(адвакат года).

2013

Андрэй Бандарэнка, "Платформа" (праваабаронца года); журналісты, якія робяць праграму "Маю права" на тэлеканале "Белсат" (журналісты года);

Гары Паганяйла, Беларускі Хельсінкскі камітэт (адвакат года).

2012

Любоў Кавалёва (праваабаронца года);

Анджэй Пачобут, "Gazeta Wyborcza" (журналіст года);

Аліна Шостак і Альвіна Дрыго (адвакаты года).

2011

Алесь Бяляцкі, "Вясна" (праваабаронца года);

фотажурналісты Юлія Дарашкевіч і Уладзь Грыдзін (журналісты года);

Марына Кавалеўская і Дар'я Ліпкіна (адвакаты года).

2009

Раман Кісляк (праваабаронца года);

Алег Груздзіловіч, "Радыё Свабода" (журналіст года);

Павал Сапелка (адвакат года).

2008

Барыс Звозскаў, Прававая ініцыятыва (праваабаронца года);

Сямён Печанко, "Наша Ніва" (журналіст года);

Тамара Сідарэнка (адвакат года).

Related news

11 December 2024, 12:34 PM

«На месцы Ігара Ільяша мог быць кожны з нас». Рэпартаж БАЖ з уручэння Праваабарончай прэміі-2024

10 снежня, у Міжнародны дзень правоў чалавека, аб’явілі вынікі Прэміі беларускай праваабарончай супольнасці 2024 года. Сёлета сярод пераможцаў аказаліся трое журналістаў.