Пра Беларускі Дом правоў чалавека імя Барыса Звозскава

Пра Беларускі Дом правоў чалавека імя Барыса Звозскава

Пра нас

Беларускі Дом правоў чалавека імя Барыса Звозскава ў Вільні – гэта праваабарончая арганізацыя, місія якой – падтрымка і развіццё праваабарончага руху Беларусі. БДПЧ створаны 30 студзеня 2007 году беларускімі праваабарончымі арганізацыямі і Фондам Дамоў правоў чалавека (Нарвегія).
БДПЧ – гэта частка Міжнароднай Сеткі дамоў правоў чалавека, якая аб’ядноўвае больш за 90 праваабарончых арганізацый і 17 Дамоў правоў чалавека ў розных краінах. Мандат Сеткі Дамоў правоў чалавека – абараняць, умацоўваць і падтрымліваць праваабарончыя арганізацыі на месцы і аб’ядноўваць іх у міжнародную Сетку. БДПЧ супрацоўнічае з многімі Дамамі і арганізацыямі, якія іх заснавалі; а таксама з беларускімі і замежнымі праваабарончымі і іншымі грамадскімі арганізацыямі, каб палепшыць сітуацыю з правамі чалавека ў Беларусі і свеце, каб падтрымаць беларускіх праваабаронцаў і ўмацаваць іх арганізацыі.
13 гадоў
працуем, каб палепшыць сітуацыю з правамі чалавека
100 юрыстаў
прайшлi адукацыйную праграму Беларускага Дому правоў чалавека
56 праектаў
для падтрымкi і развіцця беларускай мовы і культуры
Спецдакладчык ААН аб стане правоў чалавека ў Беларусі збірае інфармацыю для даклада
03 February 2021, 6:27 PM
Спецдакладчык ААН аб стане правоў чалавека ў Беларусі збірае інфармацыю для даклада
Анаіс Марын, спецыяльны дакладчык аб стане правоў чалавека ў Беларусі, прапануе няўрадавым арганізацыям зрабіць унёсак у яе будучы пісьмовы даклад.
Беларускі ДПЧ далучыўся да Кодэксу этыкі беларускіх праваабаронцаў
11 October 2017, 6:57 PM
Беларускі ДПЧ далучыўся да Кодэксу этыкі беларускіх праваабаронцаў
10 кастрычніка 2017 года Беларускі дом правоў чалавека імя Б. Звозскава далучыўся да “Прынцыпаў дзейнасці праваабаронцаў Беларусі”.
Рэзалюцыя IV Беларускага праваабарончага форуму
20 October 2017, 9:00 PM
Рэзалюцыя IV Беларускага праваабарончага форуму
Прынята адзінагалосна ўдзельнікамі IV Беларускага праваабарончага форуму 21 кастрычніка 2017 г.
Стваральнік Беларускага дома правоў чалавека Барыс Звозскаў ва ўспамінах сяброў і калегаў
26 February 2019, 4:55 PM
Стваральнік Беларускага дома правоў чалавека Барыс Звозскаў ва ўспамінах сяброў і калегаў
26 лютага споўнілася 70 год з дня нараджэння Барыса Звозскава – праваабаронцы, якому належала ідэя стварэння Беларускага дома правоў чалавека.

Гісторыя

30 студзеня 2007 года ў Вільні адбыўся першы сход заснавальнікаў Дома - васьмі беларускіх праваабарончых арганізацый і Фонду Дамоў правоў чалавека. БДПЧ увайшоў у міжнародную Сетку Дамоў правоў чалавека.

Дата ўстаноўчага сходу стала афіцыйным адлікам пачатку дзейнасці Дома; а ідэя стварэння БДПЧ з'явілася яшчэ ў 2001 годзе — калі большасць недзяржаўных арганізацый Беларусі была знішчаная працэдурай "перарэгістрацыі". Тады не ацалела ніводная праваабарончая арганізацыя.

Беларускі дом правоў чалавека быў задуманы як выспа свабоды для беларускіх праваабаронцаў: месца для праваабарончых трэнінгаў, семінараў, імпрэзаў; і менавіта ў Вільні — бо ў Беларусі ладзіць такія сустрэчы было небяспечна і фактычна немагчыма.

З 2012 года Дом носіць імя Барыса Звозскава, беларускага праваабаронцы, якому належала ідэя стварэння БДПЧ і які ўдзельнічаў у дзейнасці Дома з першых яго дзён і да свайго заўчаснага сыходу.

Барыс Ігаравіч Звозскаў ва ўспамінах сяброў і калег.

Дзейнасць

Канкрэтныя праекты і дзеянні БДПЧ, скіраваныя на ажыццяўленне місіі, рэалізуюцца ў межах чатырох стратэгічных напрамкаў:

Дасягненні

Сярод дасягненняў Беларускага дома правоў чалавека імя Барыса Звозскава можна назваць наступныя:

  • БДПЧ аказвае экспертную падтрымку ў сферы праваабароны і лічбавай бяспекі для беларускіх НДА і міжнародных арганізацый;

  • БДПЧ стала надае паслугі, запатрабаваныя праваабаронцамі і ахвярамі палітычных рэпрэсій (прытулак, непасрэдная дапамога і падтрымка, арганізацыя сустрэчаў і прапанова памяшканняў для іх, пераклады важных дакладаў і зваротаў у міжнародныя органы і т.д.);

  • БДПЧ з’яўляецца пляцоўкай для камунікацыі і каардынацыі праваабарончых арганізацый і ініцыятываў Беларусі;

  • намаганні БДПЧ па міжнароднай адвакацыі паўплывалі на рашэнне аб увядзенні і працягненні мандата спецдакладчыка ААН аб стане правоў чалавека ў Беларусі;

  • больш за 120 юрыстаў, адвакатаў, праваабаронцаў навучаныя прымяненню міжнародных стандартаў у сваёй дзейнасці.

Мэта

Мы працуем у дэмакратычнай краіне, дзе створаныя спрыяльныя ўмовы для дзейнасці праваабарончых арганізацый; дзе грамадзянская супольнасць удзельнічае ў прыняцці рашэнняў на дзяржаўным узроўні.

Правы чалавека – адзін з прыярытэтаў дзяржаўнай палітыкі; створаныя эфектыўныя механізмы абароны правоў чалавека.

Праваабарончыя арганізацыі кансалідаваныя, маюць аўтарытэт і супрацоўнічаюць з арганізацыямі грамадзянскай супольнасці, прадстаўнікамі дзяржавы, бізнэса, выкарыстоўваюць свой уплыў для змены сітуацыі з правамі чалавека ў рэгіёне.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці