Школа лічбавай бяспекі DSS375

Школа лічбавай бяспекі DSS375 існуе, каб пашыраць веды аб лічбавай бяспецы сярод беларускіх праваабаронцаў і грамадскіх актывістаў.
Эксперты DSS375 праводзяць кансультацыі і тэхнічныя ацэнкі, трэнінгі і семінары для беларускіх праваабарончых і грамадскіх арганізацый і незалежных журналістаў; тэхнічныя ацэнкі для арганізацый і журналістаў з Расіі, Азербайджана, Украіны і Грузіі.
Школа лічбавай бяспекі DSS375

Кансультацыі і тэхпадтрымка

Праваабаронцы, актывісты і журналісты заўжды могуць атрымаць у DSS375 кансультацыі і тэхнічную падтрымку па пытаннях інфармацыйнай бяспекі. Спецыялісты патлумачаць, як абараніць вашыя кампутары, кампутарную тэхніку, працоўныя камунікацыі і інш.; пры патрэбе – зробяць гэта самастойна.

Якія практычныя задачы вам дапаможа вырашыць Школа лічбавай бяспекі DSS375? Пералік практычна не абмежаваны: гэта шыфраванне тэхнікі і звестак; абарона звестак і камунікацый, наладка бэкапаў, воблачных сэрвіваў; дапамога ў наладцы бяспечнага электроннага ліставання; наладка мадэмаў, роўтэраў, кропак доступа, прынтэраў і іншай тэхнікі; дапамога ў набыцці і ўсталяванні ліцэнзінзійнага праграмнага забеспячэння; і г.д. Кожнае ваша пытанне атрымлівае ўнікальнае рашэнне, якое адпавядае індывідуальным патрэбам.

Задача DSS375 – забяспечыць не толькі лічбавую бяспеку, але і бесперашкодную працу праваабарончых арганізацыяў, журналістаў і актывістаў.

Кансультацыі адбываюцца анлайн ці пры сустрэчы. Калі вам трэба абараніць ці наладзіць тэхніку, пішыце па адрасе: coordinator@dss375.org

Тэхнічны аўдыт, ацэнка рызыкаў

Праваабарончыя арганізацыі Беларусі могуць запрасіць спецыялістаў DSS375 зрабіць тэхнічны аўдыт і ацэнку рызыкаў. У такім выпадку спецыялісты цікавяцца, як адбываюцца камунікацыі і абмен інфармацыяй, якія менавіта звесткі трэба абараніць і адкуль можа пагражаць небяспека. Вынікам аўдыту будуць парады і прапановы ўсталяваць новыя правілы ў арганізацыі для абароны звестак; таксама па выніках аўдыту можна правесці трэнінг для сябраў арганізацыі.

Трэнінгі

Спецыялісты DSS375 па замове праваабарончых арганізацый могуць зладзіць трэнінг для яе сябраў і валанцёраў. Тэма трэнінгу вызначаецца праблемай ці задачай, звязанай з лічбавай бяспекай. Напрыклад, трэнінг можа мець на мэце навучыць сябраў арганізацыі карыстацца новай лічбавай платформай; шыфраваць уласныя прылады; абараняць інфармацыю правільнымі паролямі; шыфраваць ліставанне, уключаць двухфактарную аўтэнтыфікацыю; весці бяспечныя анлайн-камунікацыі; выпрацаваць агульныя правілы для арганізацыі, і т.д.

Канферэнцыі

Важным складнікам лічбавай бяспекі ёсць не толькі навучанне па схеме «настаўнік – вучань», але і гарызантальны абмен досведам. З гэтай мэтай перыядычна ладзяцца канферэнцыі па пытаннях лічбавай бяспекі, у якіх удзельнічаюць сябры і валанцёры праваабарончых і іншых грамадскіх арганізацый Беларусі, незалежныя журналісты. Удзельнікі канферэнцый расказваюць аб сваім досведзе бяспечных камунікацый, аб пагрозах і іх пераадольванні, абменьваюцца лепшымі практыкамі. Часта ў канферэнцыях удзельнічаюць запрошаныя эксперты, у тым ліку з іншых краінаў.

Рассылка

Рассылка Школы лічбавай бяспекі DSS375 распавядае аб значных падзеях у IT-сферы і тлумачыць, чаму гэтыя падзеі важныя (ці не) для Беларусі і працы праваабаронцаў і грамадскіх актывістаў.

Падпісацца тут.

Маніторынг інцыдэнтаў з лічбавай бяспекай

DSS375 збірае інфармацыю аб пагрозах, з якімі сутыкаюцца актывісты і праваабаронцы, каб зрабіць высновы і абараніцца ад падобнага ў будучыні. Інфармацыя збіраецца і пра зламысныя атакі, і пра тэхнічыя збоі: усё, што ўплывае на працаздольнасць праваабарончай супольнасці. Перыядычна падборка публічных інцыдэнтаў з лічбавай бяспекай публікуецца ў рассылцы і на сайце.

Калі з вамі адбыўся інцыдэнт з лічбавай бяспекай (дагляд і выманне тэхнікі на мяжы, канфіскацыя тэхнікі пры вобшуку, узламалі ці спрабавалі ўзламаць пошту і г.д.), і вы падазраеце, што гэта звязана з вашай прафесійнай дзейнасцю; калі вам патрэбная дапамога ці парада – калі ласка, паведаміце нам пра гэта:

ЗАПОЎНІЦЕ АНКЕТУ

альбо звяжыцеся наўпрост па адрасе: coordinator@dss375.org

Related news

Семь раз проверь, один раз удали. Где могут спрятаться ваши фото с протестов, когда вы думаете, что все удалили
18 September 2023, 11:24 AM
Семь раз проверь, один раз удали. Где могут спрятаться ваши фото с протестов, когда вы думаете, что все удалили
«Медиазона» предлагает превентивно покопаться в вашем телефоне и почистить его, чтобы обезопасить себя в случае досмотра.
Телеграм‑бот «Глаз бога» и «Магнит». Как милиционеры пробивают телефонные номера, почты и адреса беларусов
11 September 2023, 11:44 AM
Телеграм‑бот «Глаз бога» и «Магнит». Как милиционеры пробивают телефонные номера, почты и адреса беларусов
Чтобы узнать, что у вас есть «безопасная» почта, вычислить адрес или в каких городах вы были — можно не отбирать ваш телефон или карту. Милиционеры пользуются ботами, которые уже собрали всю эту информацию. «Медиазона» вместе с «Киберпартизанами» рассказывает, как устроен бот.
Human Constanta: Як грамадзкім арганізацыям ладзіць апытанкі і дбаць пра пэрсанальныя зьвесткі
24 August 2023, 11:34 AM
Human Constanta: Як грамадзкім арганізацыям ладзіць апытанкі і дбаць пра пэрсанальныя зьвесткі
Калі вы збіраеце, маеце доступ або іншым чынам выкарыстоўваеце персанальныя дадзеныя людзей (напрыклад, праз апытанкі ці формы рэгістрацыі), вам неабходна звярнуць увагу на адпаведнасць GDPR
Human Constanta: Чаму і як нам трэба клапаціцца пра прыватнасць персанальных звестак
29 June 2023, 7:42 AM
Human Constanta: Чаму і як нам трэба клапаціцца пра прыватнасць персанальных звестак
Сэнс прыватнасці – гэта не пра тое, каб схаваць інфармацыю, а пра тое, хто мае кантроль і каму мы давяраем.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці