Адвакацыя правоў чалавека

Асноўная мэта адвакатавання на міжнародным узроўні - прыцягнуць увагу да сітуацыі з правамі чалавека ў Беларусі, каб міжнародная супольнасць крытыкавала беларускія ўлады за палітычныя рэпрэсіі і парушэнні правоў чалавека.
Беларускія праваабарончыя арганізацыі маюць вялікі досвед паспяховай адвакацыі правоў чалавека на міжнародным узроўні. Беларускаму дому правоў чалавека імя Барыса Звозскава належыць у гэтым працэсе каардынацыйная роля.
Адвакацыя правоў чалавека

Штогадовая каардынацыйная нарада

З 2011 года БДПЧ ладзіць штогадовыя каардынацыйныя нарады з удзелам прадстаўнікоў беларускіх і міжнародных арганізацый. Такія нарады маюць стратэгічны характар. Праваабаронцы вызначаюць прыярытэтныя пытанні і супольныя дзеянні на наступны год. Нарада дазваляе вызначыць прыярытэты адвакацыі на бліжэйшую будучыню; пытанні, якімі будзе займацца праваабарончая супольнасць; абмяняцца досведам, абмеркаваць супольную стратэгію.

Яскравы прыклад: у студзені 2017 года з’явілася ідэя правесці Паралельны форум перад самітам АБСЕ ў Мінску, і ў ліпені Паралельны форум адбыўся дзякуючы супольным намаганням беларускіх НДА і іх міжнародных партнёраў.

Таксама штогадовая студзеньская нарада – магчымасць беларускай праваабарончай супольнасці сустрэцца і пакамунікаваць са спецдакладчыкам ААН па сітуацыі з правамі чалавека ў Беларусі. Нажаль, спецдакладчык не мае магчымасці сустракацца з праваабаронцамі ў самой Беларусі, бо беларускія ўлады гэты мандат не прызнаюць і адмаўляюцца з ім супрацоўнічаць.

Лісты, заявы і заклікі

БДПЧ стала падтрымлівае супольныя заявы, лісты і заклікі беларускай праваабарончай супольнасці; актыўна ўдзельнічае ў іх напісанні; з’яўляецца аўтарам і ініцыятарам падпісання некаторых заяваў.

Таксама Дом ёсць сябрам Платформы грамадзянскай салідарнасці і далучаецца да заяваў у адказ на пераслед і запалохванне праваабаронцаў, грамадскіх і палітычных актывістаў і незалежных журналістаў у рэгіёне былога Савецкага Саюзу. Дом актыўна ўдзельнічае ў ініцыятывах Платформы ад моманту яе заснавання.

Супраца са спецдакладчыкам

БДПЧ шчыльна супрацоўнічае са спедцакладчыкам ААН па пытаннях правоў чалавека ў Беларусі. Спецдакладчык атрымлівае інфармацыю аб правах чалавека ў Беларусі, асабліва пра ўзмацненне рэпрэсій і запалохванняў, а таксама пра пераслед грамадскіх актывістаў і пратэстоўцаў.

У 2017 годзе БДПЧ разам з “Вясной” адстойвалі неабходнасць узнаўлення мандата спецдакладчыка. Пад эгідай БДПЧ беларускія праваабарончыя арганізацыі накіроўваюць дакладчыку свае аналізы і агляды бягучых падзей датычна правоў чалавека перад прэзэнтацыяй яго гадавога даклада.

Альтэрнатыўныя даклады

БДПЧ актыўна супрацоўнічае з кааліцыямі беларускіх праваабарончых арганізацый у распрацоўцы альтэрнатыўных дакладаў і ўдзельнічае ў іх далейшым прасоўванні.

Напрыклад, на 94-1 сэсіі КЛРД ў снежні 2017 года ў Жэневе дэлегацыяй беларускіх праваабарончых арганізацый быў прэзентаваны альтэрнатыўны даклад аб расавай дыскрымінацыі. У дэлегацыю беларускіх праваабаронцаў уваходзілі і выпускнікі адукацыйнай праграмы ILIA-By, чый удзел адбыўся ў межах адукацыйнага візіта ў Жэневу, арганізаванага БДПЧ разам з БХК.

Related news

Резолюция Европарламента: Остановить репрессии в Беларуси и отменить смертную казнь
24 May 2022, 11:24 AM
Резолюция Европарламента: Остановить репрессии в Беларуси и отменить смертную казнь
Европарламент подписал резолюцию о санкциях в отношении Беларуси и России. Телеграм-канал «Мая краіна Беларусь» собрал основные тезисы.
Віцэ-спікер Бундэстага Клаўдыя Рот: «Прэмія Карла Вялікага для Ціханоўскай, Калеснікавай і Цапкала – гэта сігнал далёка за межы Беларусі»
24 May 2022, 10:17 AM
Віцэ-спікер Бундэстага Клаўдыя Рот: «Прэмія Карла Вялікага для Ціханоўскай, Калеснікавай і Цапкала – гэта сігнал далёка за межы Беларусі»
Лідэры беларускага дэмакратычнага руху будуць узнагароджаныя сёлета прэміяй Карла Вялікага. Нямецка-швейцарская праваабарончая арганізацыя “Ліберэка” ўзяла каментар у Таццяны Хоміч, сястры Марыі Калеснікавай, і Клаўдыі Рот, віцэ-спікера Бундэстага.
Комитет защиты журналистов: «Задержание Дмитрия Лукши держалось в секрете, пока активисты случайно не узнали об этом через два месяца»
24 May 2022, 9:47 AM
Комитет защиты журналистов: «Задержание Дмитрия Лукши держалось в секрете, пока активисты случайно не узнали об этом через два месяца»
Правозащитная организация «Комитет защиты журналистов» выступила с заявлением по поводу появившейся информации о тайном аресте в Беларуси журналиста-фрилансера Дмитрия Лукши.
«Рэпарцёры без межаў» публікюць партрэты 27 зняволеных прадстаўнікоў СМІ ў Беларусі
24 May 2022, 9:16 AM
«Рэпарцёры без межаў» публікюць партрэты 27 зняволеных прадстаўнікоў СМІ ў Беларусі
23 траўня адзначаецца год з таго, як рэжым Аляксандра Лукашэнкі захапіў самалёт, каб арыштаваць журналіста Рамана Пратасевіча. Арганізацыя «Рэпарцёры без межаў» нагадвае свету, што ў беларускіх турмах зняволеныя 27 супрацоўнікаў СМІ, і заклікае іх вызваліць.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці