Анлайн-сустрэча АБСЕ «Лічбавыя тэхналогіі і правы чалавека: магчымасці і выклікі»

12 і 13 ліпеня АБСЕ ладзіць трэцюю дадатковую анлайн-сустрэчу па чалавечым вымярэнні «Лічбавыя тэхналогіі і правы чалавека: магчымасці і выклікі».

На сустрэчы адбудзецца абмен думкамі паміж дзяржавамі-ўдзельніцамі АБСЕ, інстытутамі АБСЕ, міжнароднымі арганізацыямі, грамадзянскай супольнасцю ды іншымі зацікаўленымі бакамі па пытаннях лічбавых тэхналогій і правоў чалавека.

Сярод іншага, будуць закранутыя тэмы абароны персанальных звестак, магчымасці і выклікі выкарыстання штучнага інтэлекта.

Апісанне і праграма анлайн-канфэрэнцыі, праграма сайд-івэнтаў даступныя на старонцы падзеі на сайце АБСЕ.

Анлайн-рэгістрацыя ўдзельнікаў магчымая праз платформу АБСЕ і будзе адкрытая да 7 ліпеня, 17:00 па цэнтральнаэўрапейскім часе.