Кампанія "Праваабаронцы за свабодныя выбары" абвясціла аб запуску экспертнай місіі па назіранні за рэферэндумам

21 January 2022, 11:47 AM
Кампанія "Праваабаронцы за свабодныя выбары" абвясціла аб запуску экспертнай місіі па назіранні за рэферэндумам

Заява кампаніі “Праваабаронцы за свабодныя выбары”

У сувязі з аб'явай аб правядзенні рэферэндуму па зменах і дадатках у Канстытуцыю мы, прадстаўнікі кампаніі "Праваабаронцы за свабодныя выбары", хочам адзначыць наступнае.

Мы пацвярджаем сваю прыхільнасць пазіцыі беларускіх праваабарончых арганізацый па канстытуцыйнай рэформе, выкладзеную ў адпаведнай заяве ад 23.10.2020 года, і лічым важным працэс рэфармавання Канстытуцыі, у тым ліку дзеля забеспячэння рэальнага падзелу ўладаў, дзеля стварэння дадатковых мераў па абароне правоў чалавека.

На жаль, у апошнія паўтара года замест эфектыўнага дыялогу з людзьмі і грамадзянскай супольнасцю па абмеркаванні прапановаў наконт змены Канстытуцыі, дээскалацыі сітуацыі ў краіне ўлады яшчэ больш раскруцілі махавік рэпрэсій і пераследу іншадумцаў, прынялі пакет драконаўскіх зменаў у заканадаўства. Сітуацыю з асноўнымі правамі і свабодамі, гарантаванымі дзейснай Канстытуцыяй Беларусі і міжнароднымі абавязальніцтвамі краіны, напярэдадні абвешчанага рэферэндуму можна назваць сапраўднай катастрофай. Грамадства знаходзіцца ў атмасферы татальнага страху. Любыя крытычныя заўвагі з'яўляюцца нагодай для пераследу на працы, адвольнага пазбаўлення волі, ужывання гвалту і катаванняў. Шматлікія ўдзельнікі палітычнага працэсу, якія карыстаюцца падтрымкай значнай часткі беларускага грамадства, знаходзяцца ў зняволенні, некаторыя — дэ-факта ў выгнанні з краіны. За апошнія паўтара года краіну пакінулі, ратуючыся ад пераследу, больш за сто тысяч актыўных грамадзян. Разгромленыя незалежныя СМІ, дзясяткі журналістаў знаходзяцца ў зняволенні, сотні — у вымушанай эміграцыі. Сотні арганізацый грамадзянскай супольнасці былі ліквідаваныя, у тым ліку тыя, якія ўдзельнічалі ў выбарчых кампаніях, накіроўвалі назіральнікаў на выбары. Адзін з каардынатараў кампаніі і адзін з аналітыкаў у цяперашні момант знаходзяцца пад вартай. У такіх умовах зрабілася немагчымай рэалізацыя прынцыпу народаўладдзя, у тым ліку немагчымы паўнавартасны свабодны і дэмакратычны працэс прыняцця зменаў у Канстытуцыю.

Рэферэндум — гэта не толькі дзень галасавання. Любая свабодная і справядлівая выбарчая кампанія — гэта, найперш, атмасфера, умовы, калі ў поўнай ступені рэалізуюцца правы і свабоды, уключаючы свабоду слова, свабоду мірных сходаў і асацыяцый, права ўдзельнічаць у кіраванні сваёй дзяржавай, свабоду ад дыскрымінацыі. Важную ролю ва ўсталяванні і падтрыманні даверу да працэсу волевыяўлення грамадзянаў і ягоных вынікаў грае магчымасць паўнавартаснага назірання з боку нацыянальных і міжнародных назіральнікаў.

У гэтай сувязі кампанія "Праваабаронцы за свабодныя выбары" не бачыць магчымасці арганізоўваць, як раней, поўнамаштабнае назіранне за выбарчай кампаніяй, накіроўваць сваіх назіральнікаў у выбарчыя камісіі і на ўчасткі для галасавання падчас правядзення абвешчанага рэферэндуму па прыняцці зменаў і дадаткаў у дзейсную Канстытуцыю. Гэта вымушаная мера, абумоўленая асцярогай за бяспеку назіральнікаў. У той жа час, у сувязі з важкім значэннем дадзенай выбарчай кампаніі для грамадска-палітычных працэсаў, што адбываюцца ў краіне, і ўплывам на правы чалавека, мы абвяшчаем аб запуску экспертнай місіі па назіранні за працэсам правядзення рэферэндуму, прадметам якой будзе ацэнка яго адпаведнасці міжнародным стандартам, што тычацца правядзення сапраўднай, свабоднай і дэмакратычнай выбарчай кампаніі.

Заява апублікаваная на сайце ПЦ "Вясна"

See more news

Заява праваабаронцаў Беларусі аб прызнанні трох новых палітвязняў (Павел Наздра і іншыя)
23 May 2022, 10:38 AM
Заява праваабаронцаў Беларусі аб прызнанні трох новых палітвязняў (Павел Наздра і іншыя)
Мы прызнаем палітвязнямі і патрабуем ад улад Беларусі неадкладна вызваліць палітвязняў Дзмітрыя Кандраценку, Паўла Наздру, Аляксандра Лучыновіча.
Заява праваабаронцаў Беларусі аб прызнанні 11 новых палітвязняў (Алена Балтрукова і іншыя)
23 May 2022, 10:08 AM
Заява праваабаронцаў Беларусі аб прызнанні 11 новых палітвязняў (Алена Балтрукова і іншыя)
Мы патрабуем ад уладаў Беларусі неадкладна вызваліць Івана Чарнаморчанку, Іллю Вайцеховіча, Андрэя Лакцевіча, Алену Балтрукову, Івана Куляшова, Іну Шырокую, Дар’ю Верамейчык, Владислава Новицкого, Дар’ю Ляўко, Дзяніса Карэйа-Ландзіма і Дзмітрыя Лукшу і спыніць іх крымінальны пераслед.
Заява беларускіх праваабаронцаў аб прызнанні сямі новых палітвязняў (Марыя Шагіева і іншыя)
16 May 2022, 8:14 AM
Заява беларускіх праваабаронцаў аб прызнанні сямі новых палітвязняў (Марыя Шагіева і іншыя)
Мы патрабуем ад уладаў Беларусі неадкладна вызваліць Яўгена Андрэева, Віталя Мелеха, Яўгена Люлькавіча, Марыю Шагіеву, Сяргея Каменева, Уладзіміра Бялова, Аляксандра Дзям’янцава, спыніць іх крымінальны пераслед.
Заява аб прызнанні палітвязнямі прадстаўнікоў незалежных прафсаюзаў
16 May 2022, 8:08 AM
Заява аб прызнанні палітвязнямі прадстаўнікоў незалежных прафсаюзаў
Мы патрабуем ад улад Беларусі неадкладна вызваліць палітзняволеных Аляксандра Ярашука, Сяргея Антусевіча, Генадзя Фядыніча, Вацлава Арэшку, Міхаіла Громава, Ірыну Буд-Гусаім, Міраслава Сабчука, Яніну Малаш, Віталя Чычмарова, Васіля Бераснёва і спыніць крымінальны пераслед.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці