Кансультацыі і трэнінгі па лічбавай бяспецы для грамадскіх актывістаў з Беларусі

Беларуская нацыянальная платформа Форуму грамадзянскай супольнасці разам з партнёрамі абвяшчае пра магчымасць кансультатыўнай падтрымкі для актывістаў грамадзянскай супольнасці па тэме лічбавай бяспекі.

Заяўка на атрыманне кансультатыўнай або трэнінгавай дапамогі па лічбавай бяспецы для актывістаў грамадзянскай супольнасці Беларусі (анкету можна запоўніць на беларускай ці расейскай мове).

Дапамога накіраваная на арганізацыі грамадзянскай супольнасці, ініцыятывы, актывістаў і актывістак, якія працягваюць сваю дзейнасць у Беларусі, ці па-за межамі на карысць Беларусі.

 У межах дапамогі аказваюцца наступныя паслугі:

1. Кансультацыі па лічбавай бяспецы: індывідуальныя і групавыя.

2. Тэматычныя трэнінгі па лічбавай бяспецы:

• карпаратыўныя для арганізацыяў, ініцыятываў і камандаў;

• трэнінгі для зборных груп (бяспечная камунікацыя, бяспечнае захоўванне інфармацыі, бяспека інфармацыі і сродкі шыфравання, базавыя наладкі сістэмы, паролі і бяспека ў сетцы, надзейныя паролі, VPN сэрвісы, мабільная бяспека і месэнджэры і г.д).

Падтрымка аказваецца на падставе заявак, якія разгледзіць спецыяльная Камісія.

Каб падаць заяўку на падтрымку, трэба даслаць запоўненую форму.

Калі засталіся пытанні пішыцце на пошту: orgpro@protonmail.com. У тэме паведамлення пазначце, калі ласка, «Лічбавая бяспека».