Патрабуем неадкладнага вызвалення палітзняволеных студэнтаў і выкладчыцы БДУІР

24 November 2020, 11:51 AM
Патрабуем неадкладнага вызвалення палітзняволеных студэнтаў і выкладчыцы БДУІР

Супольная заява беларускіх праваабарончых арганізацый

Мінск, 23 лістапада 2020 г.

12 лістапада ўлады Беларусі нанеслі ўдар па адной з найстарэйшых моладзевых арганізацый краіны: рэпрэсіўныя органы затрымалі лідэраў і актывістаў Задзіночання Беларускіх Студэнтаў (ЗБС). У кватэрах сябраў студэнцкага аб’яднання і ў офісе арганізацыі адбыліся ператрусы.

Шэраг сябраў арганізацыі, яе прыхільнікаў і моладзевых актывістаў былі затрыманыя ў якасці падазраваных па арт. 342 КК (арганізацыя ці актыўны ўдзел у групавых дзеяннях, груба парушаючых грамадскі парадак) і змешчаныя ў СІЗА КДБ. Вядома, што частка з іх пазней была пераведзена ў СІЗА-1.

23 лістапада стала вядома, што Глебу Фіцнеру, Іллі Трахтэнбергу, Марыі Каленік, Вікторыі Гранкоўскай, Анастасіі Булыбенка, а таксама затрыманай выкладчыцы БДУІР Вользе Філатчанкавай былі прад’яўленыя абвінавачванні і абраная мера стрымання ў выглядзе ўтрымання пад вартай.

У сувязі з гэтым мы, прадстаўнікі беларускай праваабарончай супольнасці, яшчэ раз пацвярджаючы сваю пазіцыю, выказаную намі ў супольнай заяве ад 18.11.2020 з нагоды затрыманняў сябраў ЗБС, адзначаем, што іх пераслед з боку беларускіх уладаў звязаны з выключна мірным ажыццяўленнем абвінавачанымі свабодаў, гарантаваных Канстытуцыяй і міжнароднымі нормамі ў галіне правоў чалавека – свабоды выказвання свайго меркавання і свабоды мірных сходаў.

У гэтым кантэксце лічым пазбаўленне волі абвінавачаных адвольным і палітычна матываваным, а саміх Глеба Фіцнера, Іллю Трахтэнберга, Марыю Каленік, Вікторыю Гранкоўскую, Анастасію Булыбенка і Вольгу Філатчанкаву палітычнымі зняволенымі ў адпаведнасці з п. 3.1(а) Кіраўніцтва па вызначэнні паняцця “Палітычны зняволены”.

У сувязі з гэтым, мы, прадстаўнікі праваабарончых арганізацый Беларусі, патрабуем:

  1. Неадкладнага і безумоўнага вызвалення з-пад варты Глеба Фіцнера, Іллі Трахтэнберга, Марыі Каленік, Вікторыі Гранкоўскай, Анастасіі Булыбенка, Вольгі Філатчанкавай і спынення крымінальнага пераследу ў дачыненні да іх.

  2. Неадкладнага вызваленн ўсіх палітвязняў і спынення палітычных рэпрэсій у краіне.

Праваабарончы цэнтр “Вясна”;

РГА “Прававая ініцыятыва”;

Беларускі Дакументацыйны цэнтр;

РПГА “Беларускі Хельсінкскі камітэт”;

Кансультацыйны цэнтр па актуальных міжнародных практыках і іх імплементацыі ў праве “Хьюман Канстанта”;

Простае таварыства “Ініцыятыва FORB”;

Цэнтр прававой трансфармацыі Lawtrend;

ГА “Беларуская асацыяцыя журналістаў”;

Беларускі ПЭН-цэнтр;

Беларускі дом правоў чалавека імя Барыса Звозскава.

Share

See more news

Час вызвалення — цяпер! Маніфест з нагоды Дня палітвязняў
21 May 2025, 2:14 PM
Час вызвалення — цяпер! Маніфест з нагоды Дня палітвязняў
Вызваленне палітычных зняволеных — гэта не толькі пытанне справядлівасці, але і праяўленне чалавечнасці.
Заява аб прызнанні васьмі чалавек палітычнымі зняволенымі (Андрэй Сітнікаў і іншыя)
21 May 2025, 2:03 PM
Заява аб прызнанні васьмі чалавек палітычнымі зняволенымі (Андрэй Сітнікаў і іншыя)
Ацэньваючы ўсе гэтыя выпадкі крымінальнага пераследу, мы прыходзім да высновы аб існаванні ў кожным з іх палітычнага матыву пераследу абвінавачаных.
Заява аб прызнанні пяці чалавек палітычнымі зняволенымі (Анатоль Змітровіч і іншыя)
20 May 2025, 1:58 PM
Заява аб прызнанні пяці чалавек палітычнымі зняволенымі (Анатоль Змітровіч і іншыя)
Мы лічым пераслед і пазбаўленне волі названых асоб палітычна матываваным, звязаным з мірнай рэалізацыяй выказвання меркавання, а іх саміх палітычнымі зняволенымі.
Заява аб прызнанні сямі чалавек палітычнымі зняволенымі (Ала Пучынская і іншыя)
19 May 2025, 1:55 PM
Заява аб прызнанні сямі чалавек палітычнымі зняволенымі (Ала Пучынская і іншыя)
Мы патрабуем ад уладаў Беларусі неадкладна вызваліць палітычных зняволеных Алу Пучынскую, Мікіту Лосіка, Аляксея Кайдаша, Алега Лойку, Аляксандра Гардзеенку, Ганну Багінскую, Вольгу Аляксееву.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці