Патрабуем неадкладнага вызвалення валанцёраў фонда «Краіна для жыцця» (Марына Дуброўская і іншыя)

16 July 2021, 5:54 PM
Патрабуем неадкладнага вызвалення валанцёраў фонда «Краіна для жыцця» (Марына Дуброўская і іншыя)

Супольная заява беларускай праваабарончай супольнасці

Мінск, 16 ліпеня 2021 г.

9 ліпеня 2021 г. у г. Мінску супрацоўнікамі КГБ былі затрыманыя валанцёры фонда “Страна для жизни” Марына Дуброўская, Антон Сташэўскі, Юлія Сырых і Таццяна Астроўская.

13 ліпеня 2021 стала вядома, што валанцеры абвінавачаюцца ў злачынстве па ч. 2 арт. 361-2 КК (фінансаванне дзейнасці эстрымісцкага фармавання) і ім пагражае ад пяці да васьмі гадоў пазбаўлення волі. Усе чацвера былі ўзятыя пад варту ў СІЗА № 1.

У сувязі з гэтым, мы, прадстаўнікі беларускай праваабарончай супольнасці, адзначаем наступнае:

Прад’яўленне абвінавчвання валанёрам фонда “Страна для жизни” адбываецца на фоне ўзмацнення рэпрэсій у дачыненні да прадстаўнікоў грамадзянскай супольнасці краіны. 

Усе часцей для апраўдання масавых рэпрэсій у краіне ўлады выкарыстоўваюць г. зв. анты-экстрымісцкае заканадаўства – рэпрэсіўныя змены, ўнесеныя ў цэлы шэраг законаў краіны, як рэакцыя на падзеі мінулага году. Прыкрываючыся рыторыкай барацьбы з экстрымізмам і тэрарызмам, улады развязалі небывалыя рэпрэсіі ў дачыненні да палітычных апанентаў дзеючага рэжыму, незалежных журналістаў, правабаронцаў і іншых прадстаўнікоў грамадзянскай супольнасці.

Абвінавачванне ў фінансаванні экстрымісцкага фаміравання валанцёраў, якія ажыцяўляюць гуманітарную, дабрачынную дзейнасць па аказанні дапамогі ахвярам парушэння правоў чалавека, з’ўляецца заганнай практыкай. 

Мы ў чарговы раз адзначаем, што валанцерская дзейнасць па аказанні дапамогі ахвярам палітычных рэпрэсій не мае нічога агульнага з экстрымісцкай дзейнасцю, не з’яўляецца яе фінансаваннем, носіць выключна мірны характар і адпаведна пераследуе абсалютна легітымныя мэты. Такая дзейнасць апрыёры не можа быць крыміналізаваная, бо не носіць грамадсканебяспечны характар.

Канстытуцыя Беларусі гарантуе кожнаму грамадзяніну свабоду асацыяцыі з іншымі асобамі дзеля рэалізацыі супольных мэтаў. Гэтае свабода гарантаваная і арт. 22 Міжнароднага Пакта аб грамадзянскіх і палітычных правах і не можа падлягаць ніякім абмежаванням, акрамя тых, што ўстаноўленыя законам і з’яўляюцца неабходнымі ў дэмакратычным грамадстве ў мэтах нацыянальнай і грамадскай бяспекі, грамадскага парадку, аховы здароўя і маральнасці насельніцтва ці абароны правоў і свабодаў іншых асобаў.

Па нашым глыбокім перакананні Марына Дуброўская, Антон Сташэўскі, Юлія Сырых, Таццяна Астроўская не здзяйснялі якіх бы не было дзеянняў, якія б дазвалялі ўладам абмежаваць іх свабоду.

Мы ацэньваем іх пераслед, як палітычна матываваны, звязаны з іх мірнай дабрачыннай, гуманітарнай дзейнасццю і рэалізацыяй свабоды асацыяцыі.

Кіруючыся п. 3.1 а) Кіраўніцтва па вызначэнні паняцця “палітычны зняволены”, мы прызнаем дадзеных асобаў палітычнымі зняволенымі і патрабуем ад уладаў Беларусі:

  1. Неадкаладнага і безумоўнага вызвалення Марыны Дуброўскай, Антона Сташэўскага, Юліі Сырых, Таццяны Астроўскай і неадкладнага спынення іх крымінальнага пераследу.

  2. Вызвалення ўсіх палітычных зняволеных і спынення палітычных рэпрэсій у краіне.

Праваабарончы цэнтр "Вясна";

Беларускі дом правоў чалавека імя Барыса Звозскава;

Беларусі ПЭН-цэнтр;

РГА "Прававая ініцыятыва”;

Беларускі дакументацыйны цэнтр;

Кансультацыйны цэнтр па актуальных міжнародных практыках і іх імплементацыі ў праве " Хьюман канстанта";

РПГА "Беларускі Хельсінкскі камітэт";

Iніцыятыўная група "ідэнтычнасць і права".

See more news

Заява праваабарончых арганізацый Беларусі аб прызнанні дзевяці новых палітвязняў (Дзмітры Таратун і іншыя)
17 September 2021, 5:54 PM
Заява праваабарончых арганізацый Беларусі аб прызнанні дзевяці новых палітвязняў (Дзмітры Таратун і іншыя)
Мы патрабуем ад уладаў Беларусі неадкладна вызваліць палітвязняў Дзмітрыя Таратуна, Ірыну Вікхольм, Андрэя Астрацова, Арцёма Сокала, Канстанціна Дудзікава, Арцёма Шалегіна, Аляксея Алікіна, Яўгена Пятрова, Уладзіміра Кузуба і спыніць іх крымінальны пераслед.
Заява праваабарончых арганізацый Беларусі аб прызнанні сямі новых палітвязняў (Аляксей Салдаткін і іншыя)
16 September 2021, 7:48 PM
Заява праваабарончых арганізацый Беларусі аб прызнанні сямі новых палітвязняў (Аляксей Салдаткін і іншыя)
Мы патрабуем ад уладаў Беларусі неадкладна вызваліць з-пад варты Аляксея Салдаткіна, Віктара Фенчука, Аляксандра Багданава, Максіма Крука, Кірыла Волаха, Алега Караля, Мікалая Папеку і спыніць іх крымінальны пераслед.
Патрабуем неадкладнага перагляду прысудаў і вызвалення чацвярых палітычных зняволеных (Уладзімір Жук і іншыя)
15 September 2021, 8:50 AM
Патрабуем неадкладнага перагляду прысудаў і вызвалення чацвярых палітычных зняволеных (Уладзімір Жук і іншыя)
Мы прызнаём палітвязнямі Уладзіміра Жука, Аляксея Шчытнікава, Аляксандра Зайкоўскага, Арцёма Саковіча.
Заява праваабарончых арганізацый Беларусі аб прызнанні шасці новых палітвязняў (Аляксей Мінаў і іншыя)
13 September 2021, 3:04 PM
Заява праваабарончых арганізацый Беларусі аб прызнанні шасці новых палітвязняў (Аляксей Мінаў і іншыя)
Мы патрабуем ад уладаў Беларусі неадкладна вызваліць з-пад варты палітвязняў Аляксея Мінава, Глеба Койпіша, Аляксея Муравіцкага, Максіма Клімовіча, Дар’ю Чайко, Кірыла Пальчэўскага і спыніць іх крымінальны пераслед.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці