«З'яўленне Прынцыпаў дзейнасці праваабаронцаў сведчыць пра прафесіяналізацыю супольнасці»

06 September 2017, 10:49 AM
«З'яўленне Прынцыпаў дзейнасці праваабаронцаў сведчыць пра прафесіяналізацыю супольнасці»

Праваабарончы цэнтр “Вясна” далучыўся да “Прынцыпаў дзейнасці праваабаронцаў Беларусі”. Як паведаміў старшыня арганізацыі Алесь Бяляцкі, адпаведнае рашэнне было прынятае на паседжанні Рады 4 верасня.

Прынцыпы выпрацоўваліся супольна прадстаўнікамі розных беларускіх праваабарончых арганізацый на працягу амаль двух гадоў. Ініцыятарам гэтай справы выступіў Беларускі дом правоў чалавека імя Барыса Звозскава, каардынаваў працэс Беларускі дакументацыйны цэнтр, правёўшы шырокае абмеркаванне Прынцыпаў унутры праваабрончай супольнасці – дыскусіі праходзілі ў Мінску і рэгіёнах.

У выніку дакумент увабраў у сябе звод прафесійных і этычных правілаў, якія акрэсліваюць патрабаванні да праваабаронцы і яго дзейнасці, заснаваных на маральных крытэрыях і традыцыях праваабароны ў Беларусі, а таксама на міжнародных стандартах.

Прынцыпы, якія ўвайшлі ў дакумент, не рэгулююцца законам, абавязальніцтвамі перад органамі ўлады. Гэта тыя самаабмежаванні, з якімі арганізацыя і асобныя праваабронцы пагаджаюцца, будуць выконваць іх самастойна і добраахвотна.

Прынцыпы распаўсюджваюцца на ўзаемаадносіны праваабаронцаў паміж сабой, з ахвярамі парушэнняў правоў чалавека, з дзяржаўнымі органамі, з міжнароднымі арганізацыямі, арганізацыямі грамадзянскай супольнасці, іншымі прафесійнымі супольнасцямі, сродкамі масавай інфармацыі.

У працэсе выпрацоўкі Прынцыпаў актыўны удзел прымалі і прадстаўнікі “Вясны”. 

“Шэраг прынцыпаў, якімі сёння кіруюцца праваабронцы розных краін свету, былі сфармуляваныя і закладзеныя ва Усеагульнай дэкларацыі правоў чалавека, міжнародных пактах і іншых дакументах, - адзначыў Валянцін Стэфановіч.  – У распрацаваных намі прынцыпах, да якіх далучылася “Вясна”, мы дэкларуем, што ў сваёй дзейнасці будзем абапірацца ў тым ліку на маральныя крытэры і традыцыі праваабрончай дзейнасці ў Беларусі. Адным з нашых прынцыпаў з’яўляецца ўніверсальнасць правоў чалавека, што азначае, што мы прызнаем і абараняем кожнага без выключэння і дыскрымінацыі па якіх бы та ні было прыкметах, як напрыклад, расы, колеру скуры, полу, сэксуальнай арыентацыі, гендэрнай ідэнтычнасці, мовы, рэлігіі, палітычных і іншых перакананняў, нацыянальнага або сацыяльнага паходжання, маёмаснага становішча, нараджэння ці іншых абставінаў. Праваабаронца не можа дапускаць расісцкія, гамафобныя і іншыя прыніжаючыя выказванні, рознага роду дыскрымінацыю, выступаць за смяротнае пакаранне і гэтак далей”.

Праваабаронца лічыць, што асабліва важна гэта зараз, калі ўрады асобных краінаў спрабуюць перагледзець прынцып універсальнасці правоў чалавека і знайсці апраўданні для іх парушэння, часам апелюючы да культурнага рэлятывізму.

“Я лічу, што далучэнне да “Прынцыпаў дзейнасці праваабронцаў Беларусі” вельмі важна яшчэ і таму, што сведчыць пра спеласць, прафесіяналізацыю, дэпалітызацыю праваабрончай дзейнасці ў нашай краіне. Бо ёсць і пэўны канфлікт інтарэсаў, пры якім праваабронцы не павінны выкарыстоўваць сваю праваабрончую дзейнасць у палітычнай сферы, не быць ангажаванымі ў тую ці іншую палітчыную партыю, мэта якой – прыход да ўлады. Праваабаронцы на тое і праваабронцы, што яны кіруюцца сваімі прынцыпамі і падыходамі, і ставяць абарону правоў чалавека перад усім”.

Кіраўнік “Вясны” Алесь Бяляцкі, абвяшчаючы пра далучэнне да дакумента, выказаў спадзяванне, што “Прынцыпы, якія ўтрымліваюць шмат слушных і карысных думак і фармулёвак, паспрыяюць у тым ліку большай кансалідацыі беларускай праваабарончай супольнасці”.

На дадзены момант да Прынцыпаў далучыліся ПЦ “Вясна”, Беларускі Хельсінкскі камітэт, Беларуская асацыяцыя журналістаў, Беларускі дакументацыйны цэнтр, Праваабарончы рух “Наша Беларусь”, Рух “Маці 328”, ПЦ “Прававая дапамога насельніцтву”, Ініцыятыўная група “Ідэнтычнасць і права”, Беларускі ПЭН-Цэнтр, "Прававая ініцыятыва".

Дакумент адкрыты для далучэння як для праваабарончых арганізацый, так і для праваабаронцаў у індывідуальнай якасці.

Навіна паводле spring96.org

See more news

Беларускі ДПЧ далучыўся да Кодэксу этыкі беларускіх праваабаронцаў
11 October 2017, 6:57 PM
Беларускі ДПЧ далучыўся да Кодэксу этыкі беларускіх праваабаронцаў
10 кастрычніка 2017 года Беларускі дом правоў чалавека імя Б. Звозскава далучыўся да “Прынцыпаў дзейнасці праваабаронцаў Беларусі”.
Для чаго патрэбныя агульныя прынцыпы дзейнасці праваабаронцаў Беларусі?
31 August 2017, 5:55 PM
Для чаго патрэбныя агульныя прынцыпы дзейнасці праваабаронцаў Беларусі?
Дырэктар ВУ «Беларускі дакументацыйны цэнтр" Раіса Міхайлоўская дала інтэрв'ю сайту "Салідарнасць", у якім патлумачыла неабходнасць прыняцця гэтага дакумента.
У Магілёве абмеркавалі будучы кодэкс дзейнасці праваабаронцаў
10 February 2017, 7:56 AM
У Магілёве абмеркавалі будучы кодэкс дзейнасці праваабаронцаў
Прадстаўнікі Беларускага дакументацыйнага цэнтра і Беларускага Дома правоў чалавека Таццяна Агеева, Раіса Міхайлоўская і Уладзімір Яворскі 9 лютага прадставілі магілёўскім праваабаронцам варыянт магчымага кодэкса.
Increasingly severe restrictions on civic space and fundamental freedoms: UN hosts interactive dialogue on Belarus
24 September 2021, 1:44 PM
Increasingly severe restrictions on civic space and fundamental freedoms: UN hosts interactive dialogue on Belarus
The human rights situation in Belarus has continued to worsen in 2021, Michelle Bachelet, UN High Commissioner for Human Rights, said in her statement as part of an Interactive Dialogue on the interim oral update of OHCHR on the situation of human rights in Belarus within the 48th session of the Human Rights Council.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці