Заява аб прызнанні 10 чалавек палітычнымі зняволенымі (Таццяна Ліннік і іншыя)

14 June 2024, 11:36 AM
Заява аб прызнанні 10 чалавек палітычнымі зняволенымі (Таццяна Ліннік і іншыя)

заява прадстаўнікоў беларускай праваабарончай супольнасці

14 чэрвеня 2024 г.

У сувязі з павелічэннем колькасці выпадкаў асуджэння і пазбаўлення волі грамадзянаў краіны па шэрагу дыфамацыйных артыкулаў Крымінальнага кодэкса Рэспублікі Беларусь, а таксама ў сувязі са знявагай дзяржаўных сімвалаў Рэспублікі Беларусь ды і іншымі дзеяннямі, накіраванымі на правамерную реалізацыю свабоды выказвання меркаванняў, мы, прадстаўнікі беларускай праваабарончай супольнасці патрабуем спыніць пераслед правамерных форм выказвання меркаванняў, і ў  чарговы раз пацвярджаючы свае неаднаразова выказаныя патрабаванні па дэкрыміналізацыі дыфамацыі і недапушчальнасці пазбаўлення волі грамадзян за абразу службовых асобаў, дзяржавы, дзяржаўных органаў і сімвалаў (супольная заява ад 22 снежня 2020 г.), адзначаем наступнае:

Намі атрыманая інфармацыя пра пазбаўленне волі за абразу А.Лукашэнкі, прадстаўнікоў улады (супрацоўнікаў міліцыі), суддзяў і знявагу дзяржавы і дзяржаўных сімвалаў, іншыя формы рэалізацыі свабоды мяркаванняў, у тым ліку аб асуджэнні:

Таццяны Ліннік па арт. 369, 368, 391 Крымінальнага кодэкса за абразу прадстаўніка улады, А. Лукашэнкі і суддзі да двух гадоў пазбаўлення волі ў папраўчай калоніі;

Сяргея Бельскага па арт. 368 КК за абразу А. Лукашэнкі да двух гадоў 6 месяцаў пазбаўлення волі ў папраўчай калоніі;

Дзмітрыя Давыдава па арт. 367 КК за паклёп на А.Лукашэнку да двух гадоў пазбаўлення волі ў папраўчай калоніі;

Фёдара Маторына па арт. 367 КК за паклёп на А. Лукашэнку да трох гадоў 6 месяцаў абмежавання волі у папраўчай установе адкрытага тыпу, накіраваны для адбыцця пакарання;

Васіля Кавалёва па арт 369, 369-1 КК за абразу прадстаўніка ўлады, дыскрэдытацыю Беларусі да пазбаўлення волі у папраўчай калоніі;

Дзмітрыя Данільчыка па арт. 369, 368 КК за абразу прадстаўніка улады, А. Лукашэнкі да аднаго года пазбаўлення волі ў папраўчай калоніі;

Сяргея Гняўко па арт. 368 КК за абразу А. Лукашэнкі да чатырох гадоў 6 месяцаў пазбаўлення волі ў папраўчай калоніі;

Уладзіміра Кароткага па арт. 370 КК за здзек з дзяржаўных сімвалаў да двух гадоў пазбаўлення волі ў папраўчай калоніі;

а так сама пра змяшчэнне пад варту:

Андрэя Бурдзені па арт. 368, 367, 369, 130 КК за каментары ў адрас А. Лукашэнкі, прадстаўнікоў улады, расейскіх вайскоўцаў;

Мікалая Хілы па арт. 368 КК за абразу А. Лукашэнкі.

Мы лічым пераслед і пазбаўленне волі названых асоб палітычна матываваным, звязаным з мірнай рэалізацыяй выказвання меркавання, а іх саміх палітычнымі зняволенымі ў адпаведнасці з п. 3.1(а) Кіраўніцтва па вызначэнні паняцця “Палітычны зняволены”, і патрабуем ад уладаў Беларусі:

  • неадкладна вызваліць палітвязняў Таццяну Ліннік, Сяргея Бельскага, Дзмітрыя Давыдава, Фёдара Маторына, Васіля Кавалёва, Дзмітрыя Данільчыка, Сяргея Гняўко, Уладзіміра Кароткага, Андрэя Бурдзеню, Мікалая Хілу і спыніць крымінальны пераслед у дачыненні да іх;

  • прыняць захады, скіраваныя на дэкрыміналізацыю дыфамацыйных правапарушэнняў і адмену артыкулаў Крымінальнага кодэкса, якія прадугледжваюць адказнасць за абразу дзяржавы, дзяржаўных сімвалаў і службовых асобаў, а менавіта – арт. 188, 361, 367, 368, 369, 369-1, 370, 391 Крымінальнага кодэкса Рэспублікі Беларусь, і спыніць усе раней узбуджаныя па дадзеных артыкулах крымінальныя справы;

  • неадкладна вызваліць усіх палітычных зняволеных і спыніць палітычныя рэпрэсіі супраць грамадзян краіны.

Праваабарончы цэнтр "Вясна";

Прававая ініцыятыва;

Беларускі Хельсінкскі камітэт;

Беларускі дом правоў чалавека імя Барыса Звозскава;

Human Constanta;

Lawtrend;

Офіс па правах людзей з інваліднасцю;

Беларускі ПЭН.

See more news

Беларускі ПЭН пратэстуе супраць пераследу ўдзельнікаў святкавання Дня Волі
09 July 2024, 8:45 AM
Беларускі ПЭН пратэстуе супраць пераследу ўдзельнікаў святкавання Дня Волі
Беларускі ПЭН выказвае пратэст і звяртае ўвагу міжнароднай супольнасці на новы кірунак рэпрэсій супраць грамадзянскай супольнасці Беларусі – пераслед за ўдзел у святкаванні Дня Волі.
Заява праваабаронцаў Беларусі аб прызнанні 17 палітычных зняволеных (Дар'я Заяц і іншыя)
09 July 2024, 7:40 AM
Заява праваабаронцаў Беларусі аб прызнанні 17 палітычных зняволеных (Дар'я Заяц і іншыя)
Патрабуем ад уладаў Беларусі неадкладна вызваліць палітвязняў Дзмітрыя Пузікава, Дзяніса Семяніхіна, Дар’ю Заяц, Валерыю Драгун, Алену Карпенку, Андрэя Каралёва, Антона Пугача, Алену Дуброўскую, Івана Дзярновіча, Аляксандра Захарчыка, Юрыя Юрчука, Таццяну Макееву, Руслана Зголіча, Дзмітрыя Сіўко, Аляксандра Цюпу, Івана Мікшу, Аляксандра Сырыцу і спыніць крымінальны пераслед.
Заява аб прызнанні васьмі чалавек палітычнымі зняволенымі (Ірына Клязовіч і іншыя)
09 July 2024, 7:29 AM
Заява аб прызнанні васьмі чалавек палітычнымі зняволенымі (Ірына Клязовіч і іншыя)
Мы патрабуем ад уладаў Беларусі неадкладна вызваліць палітвязняў Ірына Клязовіч, Марыну Гацуру, Віктара Нікіфарава, Надзею Лескавец, Ірыну Погодаеву, Глеба Дудко, Жанну Дашкевіч, Іллю Гумбара.
Заява аб прызнанні Анджэя Юхневіча палітычным зняволеным
25 June 2024, 12:27 PM
Заява аб прызнанні Анджэя Юхневіча палітычным зняволеным
Мы, прадстаўнікі беларускіх праваабарончых арганізацый, выказваем свой пратэст з нагоды палітычнага пераследу і арышту Анджэя Юхневіча.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці