Заява аб прызнанні журналістаў Паўла Падабеда і Вячаслава Лазарава палітычнымi зняволенымi

29 March 2023, 10:25 AM
Заява аб прызнанні журналістаў Паўла Падабеда і Вячаслава Лазарава палітычнымi зняволенымi

На фота: затрыманні журналістаў у Беларусі ў 2020 годзе

Заява аб прызнанні Паўла Падабеда і Вячаслава Лазарава палітычнымi зняволенымi

Сумесная заява праваабарончых арганізацый Беларусі

Днём 20 студзеня 2023 года быў затрыманы журналіст Павел Падабед. У той жа дзень у яго доме прайшоў ператрус, у выніку якога былі канфіскаваны камп'ютар і іншыя носьбіты інфармацыі. Пасля журналісту прысудзілі 15 сутак адміністрацыйнага арышту па артыкуле 19.11 КаАП (распаўсюд экстрэмісцкіх матэрыялаў), якія ён адбываў у СІЗА Мінскага раёна. 4 лютага 2023 года, у дзень сканчэння адбывання адміністрацыйнага пакарання, Павел Падабед не выйшаў на волю і быў пераведзены ў СІЗА №1 Мінска. Пасля на журналіста завялі крымінальную справу па артыкуле 361-4 Крымінальныя кодэксы (спрыянне экстрэмісцкай дзейнасці).

Павел Падабед – відэааператар, які супрацоўнічаў з незалежнымі СМІ. Раней журналіста неаднаразова затрымвалі падчас асвятлення палітычных акцый у Беларусі, у тым ліку, пасля 2020 года.

Павел Падабед

Увечары 9 лютага 2023 года праваахоўныя органы Віцебска затрымалі журналіста Вячаслава Лазарава пасля правядзення ператрусу ў яго доме, падчас якога былі выняты мабільныя тэлефоны і відэакамера. У той жа дзень ператрус прайшоў таксама і па месцы прапіскі жонкі Вячаслава. Вячаслава Лазарава даставілі ў Следчы камітэт і практычна суткі родныя не ведалі пра яго далейшы лёс. 11 лютага 2023 года родныя даведаліся пра тое, што журналіста ўтрымліваюць у Віцебскім ІЧУ. Пасля стала вядома, што Вячаславу Лазараву прад'яўлены абвінавачанні па частцы 1 артыкула 364-1 Крымінальнага кодэкса (спрыянне экстрэмісцкай
дзейнасці).

Вячаслаў Лазараў – журналіст-фрылансер, які ўжо затрымліваўся ў 2020 годзе падчас асвятлення пратэстных акцый.

Вячаслаў Лазараў


Празмерна шырокае і расплывістае вызначэнне «экстрэмісцкай дзейнасці», прадугледжанае беларускім заканадаўствам, дазваляе ўладам маніпуляваць фармулёўкамі дзеля неправамернага абмежавання права на інфармацыю, свабоды слова і свабоды асацыяцый. З 2021 года назіраецца масавая практыка адвольнага прызнання «экстрэмісцкімі матэрыяламі» публікацый незалежных СМІ, разам з абвешчаннем беларускіх СМІ «экстрэмісцкімі фармаваннямі». Адной з самых абуральных формаў пераследу зʼяўляецца прыцягненне журналістаў да крымінальнай адказнасці ў звязку з удзелам у экстрэмісцкім фармаванні ці садзейнічанні экстрэмісцкай дзейнасці.

Мы, ніжэй падпісаныя арганізацыі, лічым, што дзеянні ў дачыненні да Паўла Падабеда і Вячаслава Лазарава з’яўляюцца працягам мэтанакіраванай палітыкі ўладаў па абмежаванні распаўсюду непадцэнзурнай інфармацыі ў краіне і працягам наступу на свабоду слова. Пасля прэзідэнцкіх выбараў 2020 года ў Беларусі заблакаваныя дзясяткі грамадска-палітычных сайтаў і сайтаў медыя, шэраг друкаваных выданняў вымушаныя былі спыніць выхад, журналісты і супрацоўнікі медыясектара Беларусі знаходзяцца ў зняволенні.

Улічваючы дадзеныя акалічнасці, мы прыходзім да высновы, што рэальнымі падставамі крымінальнага пераследу Паўла Падабеда і Вячаслава Лазарава з’яўляюцца палітычныя матывы, скіраваныя на спыненне ці змяненне характару ix публічнай дзейнасці дзеля законных мэтаў у сувязі з негвалтоўным ажыццяўленнем свабоды выказвання меркаванняў і распаўсюду інфармацыі. На падставе гэтага, кіруючыся п. 2.1, 3.1 Кіраўніцтва аб вызначэння паняцця «палітычны зняволены», прынятага на ІІІ Беларускім праваабарончым форуме, мы, прадстаўнікі беларускіх праваабарончых арганізацыяй, заяўляем аб прызнанні Паўла Падабеда і Вячаслава Лазарава палітычнымі зняволенымі і патрабуем:

  • неадкладнага вызвалення Паўла Падабеда і Вячаслава Лазарава і спынення ў дачыненні да ix крымінальнага пераследу;

  • адмовы ад выкарыстання метадаў крымінальнага пераследу як інструменту ціску на свабоду выказвання меркавання, ці іншыя правы і свабоды;

  • неадкладнага спынення рэпрэсій, а таксама вызвалення ўсіх палітычных зняволеных.

Беларуская асацыяцыя журналістаў;

Беларускі Хельсінкскі камітэт;

Lawtrend;

Праваабарончы цэнтр "Вясна";

Беларускі дом правоў чалавека імя Б.Звозскава

"Прававая ініцыятыва".

See more news

Заява праваабарончай супольнасці. Патрабуем рэабілітацыі асуджаных удзельнікаў мірных сходаў
18 September 2023, 9:56 AM
Заява праваабарончай супольнасці. Патрабуем рэабілітацыі асуджаных удзельнікаў мірных сходаў
Нам вядомыя імёны і абставіны справаў людзей, якія ў пакаранне за ажыццяўленне права на мірныя сходы былі пазбаўленыя волі: заключаны пад варту, асуджаныя да пазбаўлення або абмежавання волі, арышту, а да цяперашняга часу вызваленыя без рэабілітацыі і кампенсацыі нанесенай шкоды.
Заява праваабаронцаў Беларусі аб прызнанні дзесяці палітычных зняволеных (Дзмітрый Макееў і іншыя)
11 September 2023, 9:42 AM
Заява праваабаронцаў Беларусі аб прызнанні дзесяці палітычных зняволеных (Дзмітрый Макееў і іншыя)
Мы патрабуем ад уладаў Беларусі неадкладна вызваліць палітвязняў Дзмітрыя Макеева, Антона Хадкевіча, Дзмітрыя Гудзеева, Арцёма Караткевіча, Валянціна Штэрмера, Антона Шыбута, Руслана Рабкаўца, Вольгу Брыцікаву, Аляксандра Кухарэнку і Аляксандра Балонкіна, неадкладна вызваліць усіх палітычных зняволеных і спыніць палітычныя рэпрэсіі супраць грамадзян краіны.
Заява праваабаронцаў Беларусі аб прызнанні 15 новых палітычных зняволеных (Юрый Ташкінаў і іншыя)
11 September 2023, 9:32 AM
Заява праваабаронцаў Беларусі аб прызнанні 15 новых палітычных зняволеных (Юрый Ташкінаў і іншыя)
Мы, прадстаўнікі беларускай праваабарончай супольнасці, заяўляем аб прызнанні палітычнымі зняволенымі Юрыя Ташкінава, Аляксандра Скатарэнкі, Сяргея Нікіціна, Міхаіла Мякекі, Ганны Скрыган, Анатоля Сашунова, Івана Янчука, Жанны Волкавай, Веранікі Ніколкінай, Сяргея Леанюка, Андрэя Паротнікава, Максіма Лапаціна, Андрэя Лапаціна, Сяргея Кострыжа, Вадзіма Пацэнкі.
Заява праваабаронцаў Беларусі аб прызнанні 10 палітычных зняволеных (Аляксей Аўдзееў і іншыя)
04 September 2023, 11:04 AM
Заява праваабаронцаў Беларусі аб прызнанні 10 палітычных зняволеных (Аляксей Аўдзееў і іншыя)
Мы патрабуем ад уладаў Беларусі неадкладна вызваліць Аляксея Аўдзеева, Дзяніса Хахлова, Надзею Старавойтаву, Вольгу Новікаву, Міхаіла Тумчонка, Кірыла Камарова, Вячаслава Янюка, Андрэя Шэшко, Аляксандра Пімашэнку, Сафію Багавец і спыніць іх крымінальны пераслед.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці