Заява аб прызнанні палітвязнямі удзельнікаў "Рабочага руху"

28 September 2021, 7:18 PM
Заява аб прызнанні палітвязнямі удзельнікаў "Рабочага руху"

28 верасня 2021 г.

Мы, прадстаўнікі праваабарончай супольнасці Беларусі, з усё большай трывогай адзначаем працяг беспрэцэндэнтных па маштабе рэпрэсій у адносінах да арганізацый і прадстаўнікоў нацыянальнай грамадзянскай супольнасці.

На працягу 21-23 верасня адбыліся арышты завадчан і прадстаўнікоў стачачных камітэтаў "Гродна Азота", Беларускага металургічнага заводу, Беларускай чыгункі і "Нафтана". Затрыманыя і змешчаныя ў СІЗА КДБ і СІЗА-3:

  1. СяргейШэлест, былы апаратчык цэха "Аміяк-3";

  2. АндрэйПагерыла, былы слесар-рамонтнік цэха "Аміяк-3";

  3. Уладзімір Жураўка, былы аператар ДПК цэха "Аміяк-3";

  4. ВалянцінЦераневіч, памочнік майстра на заводзе "Хімвалакно", намеснік старшыні Беларускага незалежнага прафсаюза "Гродна Азота";

  5. ДзмітрыйЕлісееў, супрацоўнік БМЗ;

  6. СвятланаЗыль, былая супрацоўніца БМЗ;

  7. Аляксандр Гашнікаў, супрацоўнік БМЗ;

  8. СяргейДзюба, Беларуская чыгунка;

  9. Максім Саковіч, старшы энергадыспетчар Беларускай чыгункі;

  10. ГаннаАблаб, Беларуская чыгунка;

  11. Аляксандр Капшуль, былы юрысконсульт ААТ "Нафтан", завода "Палімір".

Паводле інфармацыі праваабаронцаў, яны затрыманыя па падазрэнні ў здрадзе дзяржаве. Некаторыя затрыманыя падазраюцца ў змове ці іншых дзеяннях, учыненых з мэтай захопу дзяржаўнай улады. Таксама дзяржаўныя СМІ паведамілі пра завядзенне крымінальнай справы за стварэнне экстрэмісцкага фармавання: затрыманні звязваюць з дзейнасцю арганізацыі "Рабочы рух", прызнанай уладамі экстрэмісцкай. Мэтамі і патрабаваннямі гэтай арганізацыі, акрамя сацыяльна-эканамічных, былі спыненне ўжывання гвалту і пераследу з боку сілавых ведамстваў у адносінах да мірных грамадзянаў, вызваленне ўсіх палітычных зняволеных і адмена вынесеных у адносінах да іх судовых прысудаў, а таксама адстаўка А.Лукашэнкі з пасады прэзідэнта.

Мы ўпэўненыя, што сапраўдным матывам зняволення пералічаных асобаў з'яўляецца іх негвалтоўная дзейнасць па прасоўванні дэмакратычных каштоўнасцяў, а таксама правамерная рэалізацыя свабоды асацыяцый, свабоды меркаванняў і іх выказвання.

На падставе гэтага мы лічым пераслед і пазбаўленне волі прадстаўнікоў працоўнага руху палітычна матываваным, звязаным з негвалтоўнай дзейнасцю, накіраванай на абарону правоў чалавека і асноўных свабодаў, а іх саміх —палітычнымі зняволеныміў адпаведнасці з п. 3.1 Кіраўніцтва па вызначэнні паняцця "палітычны зняволены".

Мы патрабуем ад уладаў Беларусі неадкладна вызваліцьСяргея Шэлеста, Андрэя Пагерылу, Уладзіміра Жураўку, Валянціна Цераневіча, Дзмітрыя Елісеева, Святлану Зыль, Аляксандра Гашнікава, Сяргея Дзюбу, Максіма Саковіча, Ганну Аблаб, Аляксандра Капшуляі спыніць іх адвольны пераслед, спыніць рэпрэсіі і вызваліць усіх палітычных зняволеных.

Праваабарончы цэнтр "Вясна";

Беларускі дом правоў чалавека імя Барыса Звозскава;

РПГА "Беларускі Хельсінкскі камітэт";

"Прававая ініцыятыва".

See more news

Заява праваабарончай супольнасці Беларусі з нагоды смерці палітвязня Ігара Ледніка
23 February 2024, 1:20 PM
Заява праваабарончай супольнасці Беларусі з нагоды смерці палітвязня Ігара Ледніка
Права на жыццё ў належнай ступені не ахоўваецца законам і не забяспечваецца на практыцы, што рэгулярна прыводзіць да трагедый.
Заява аб прызнанні шасці чалавек палітычнымі зняволенымі (Ульяна Яковіч і іншыя)
23 February 2024, 1:18 PM
Заява аб прызнанні шасці чалавек палітычнымі зняволенымі (Ульяна Яковіч і іншыя)
Мы патрабуем ад уладаў Беларусі неадкладна вызваліць Ульяну Яковіч, Аксану Ючкавіч, Дзмітрыя Халяўкіна, Сяргея Кульшу, Аляксандра Ільіна, Арцёма Закржэўскага і спыніць іх крымінальны пераслед.
Заява аб прызнанні сямі чалавек палітычнымі зняволенымі (Ірына Такарчук і іншыя)
23 February 2024, 1:13 PM
Заява аб прызнанні сямі чалавек палітычнымі зняволенымі (Ірына Такарчук і іншыя)
Мы патрабуем ад уладаў Беларусі неадкладна вызваліць палітвязняў Дзіяну Стульбу, Аляксандра Вароніна, Ірыну Такарчук, Наталлю Ладуцьку, Яўгенія Глушкова, Таццяну Сцепу, Аляксея Швяцова.
Заява праваабаронцаў аб прызнанні 12 чалавек палітычнымі зняволенымі (Артур Голубеў і іншыя)
06 February 2024, 6:57 PM
Заява праваабаронцаў аб прызнанні 12 чалавек палітычнымі зняволенымі (Артур Голубеў і іншыя)
Мы патрабуем ад уладаў Беларусі неадкладна вызваліць палітвязняў Артура Голубева, Арцёма Антонава, Алега Зыкуна, Максіма Каранькова, Андрэя Ломшу, Вячаслава Панасюка, Аляксандра Скварцова, Міхаіла Чумакова, Руслан Шукалу, Філіпа Залескага, Вераніку Казак, Генадзя Жукеля і спыніцьіх крымінальны пераслед.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці