Заява аб прызнанні праваабаронцамі Беларусі васьмі палітзняволеных (Ганна Пышнік і іншыя)

19 April 2022, 7:09 AM
Заява аб прызнанні праваабаронцамі Беларусі васьмі палітзняволеных (Ганна Пышнік і іншыя)

Заява праваабарончай супольнасці Беларусі

15 красавіка 2022 г.

Мы, прадстаўнікі праваабарончай супольнасці Беларусі, ізноў адзначаем, што пазбаўленне волі і крымінальная адказнасць за розныя пратэсныя дзеянні выкарыстоўваецца ўладамі дзеля падаўлення грамадскай і палітычнай актыўнасці, іншадумства і антываенных выступаў

Крымінальнае заканадаўства зрабілася істотна больш жорсткім і дапоўнена новымі складамі злачынстваў, якія выкарыстоўваюцца ўладамі выключна ў мэтах палітычных рэпрэсій.

У пазасудовым парадку МУС і КДБ адвольна прызнаюць экстрэмісцкімі групы грамадзян, што аб'яднаныя грамадскімі ці палітычнымі інтарэсамі, крытыкуюць дзеянні ўлад і патрабуюць змен у дзяржаве і палітыцы, якую яна праводзіць. Гэта ў сваю чаргу адкрывае шлях да адвольнага прыцягнення да крымінальнай адказнасці і пазбаўлення волі іх удзельнікаў у якасці непрапарцыйнай меры абмежавання права на асацыяцыю і свабоды выказвання меркаванняў. Так:

  1. Ганна Пышнік узятая пад варту ў СІЗА па абвінавачванні ў садзейнічанні экстрэмісцкай дзейнасці паводле арт. 361-4 КК у сувязі з тым, што «зняла відэа з перасоўваннем верталётаў для ангажаванага дэструктыўнага рэсурсу»;

  2. Андрэй Уткін узяты пад варту ў СІЗА за тое, што сфатаграфаваў калону расійскай вайсковай тэхнікі і адправіў здымак каналу «Беларускі Гаюн», прызнаны экстрэмісцкім фармаваннем, у сувязі з чым абвінавачаны паводле арт. 361-1 КК ва ўдзеле ў экстрэмісцкім фармаванні і паводле арт. 361-4 КК у садзейнічанні экстрэмісцкай дзейнасці;

  3. Віктар Кулінка ўзяты пад варту паводле арт. 361-4 і арт. 361-1 КК за здымкі калоны ваеннай тэхнікі войскаў агрэсара, што накіроўвалася ў бок Гомеля, якія ён перадаў у тэлеграм-канал «Беларускі Гаюн», і за рэгістрацыю ў плане «Перамога», якую сілавікі выявілі ў тэлефоне;

  4. Ірына Абдукерына ўзятая пад варту паводле арт. 361-4 і арт. 361-1 КК за відэа калоны расійскай ваеннай тэхнікі, што накіроўвалася ў бок Гомеля, якое яна перадала ў тэлеграм-канал;

  5. Алег Барадзін узяты пад варту паводле арт. 361-4 і арт. 361-1 КК за відэа расійскай вайсковай тэхнікі ў Гомелі, якое ён перадаў у тэлеграм-канал;

  6. Іван Яснікаў узяты пад варту паводле арт. 361-4 КК за фота расійскай вайсковай тэхнікі, якія ён перадаў тэлеграм-каналу «Калінкавічы для жыцця»;

  7. Мікіта Слепянок узяты пад варту паводле арт. 361-1 КК за стварэнне культурніцка-гістарычнага тэлеграм-канала Rezystans, прызнанага МУС экстрэмісцкім фармаваннем;

  8. Віктар Бедрый прызнаны вінаватым паводле ч. 1 арт. 361-1 КК у кіраўніцтве экстрэмісцкім фармаваннем — рэгіянальным тэлеграм-каналам, і яму прызначана пакаранне ў выглядзе пазбаўлення волі тэрмінам на 3 гады ў папраўчай калоніі;

Ацэньваючы паказаную інфармацыю ў кантэксце грамадска-палітычнай сітуацыі апошніх тыдняў, асноўнай падзеяй якіх сталася ваеннае ўварванне Расійскай Федэрацыі ва Украіну і акты антываеннага пратэсту і салідарнасці з народам Украіны, якія з'явіліся пасля гэтага, мы прыходзім да высновы пра тое, што ў дадзеных выпадках грамадзяне пераследуюцца праз іх палітычныя перакананні, а таксама ў сувязі з негвалтоўным ажыццяўленнем свабоды выказвання меркаванняў і асацыяцыі.

Таму мы прызнаем іх палітвязнямі ў адпаведнасці з п. 3.1(а) Кіраўніцтва па вызначэнні паняцця «палітычны зняволены», і патрабуем ад улад Беларусі:

  • неадкладна вызваліць палітвязняў Ірыну Абдукерыну, Алега Барадзіна, Віктара Бедрыя, Віктара Кулінку, Ганну Пышнік, Івана Яснікава, Мікіту Слепянка, Андрэя Уткіна;

  • неадкладна вызваліць усіх палітычных зняволеных і спыніць палітычныя рэпрэсіі супраць грамадзян краіны.

Праваабарончы цэнтр «Вясна;

Беларуская асацыяцыя журналістаў;

Lawtrend;

Беларускі ПЭН;

Беларускі дом правоў чалавека імя Барыса Звозскава;

Прававая ініцыятыва.

See more news

Заява праваабаронцаў Беларусі аб прызнанні трох новых палітвязняў (Павел Наздра і іншыя)
23 May 2022, 10:38 AM
Заява праваабаронцаў Беларусі аб прызнанні трох новых палітвязняў (Павел Наздра і іншыя)
Мы прызнаем палітвязнямі і патрабуем ад улад Беларусі неадкладна вызваліць палітвязняў Дзмітрыя Кандраценку, Паўла Наздру, Аляксандра Лучыновіча.
Заява праваабаронцаў Беларусі аб прызнанні 11 новых палітвязняў (Алена Балтрукова і іншыя)
23 May 2022, 10:08 AM
Заява праваабаронцаў Беларусі аб прызнанні 11 новых палітвязняў (Алена Балтрукова і іншыя)
Мы патрабуем ад уладаў Беларусі неадкладна вызваліць Івана Чарнаморчанку, Іллю Вайцеховіча, Андрэя Лакцевіча, Алену Балтрукову, Івана Куляшова, Іну Шырокую, Дар’ю Верамейчык, Владислава Новицкого, Дар’ю Ляўко, Дзяніса Карэйа-Ландзіма і Дзмітрыя Лукшу і спыніць іх крымінальны пераслед.
Заява беларускіх праваабаронцаў аб прызнанні сямі новых палітвязняў (Марыя Шагіева і іншыя)
16 May 2022, 8:14 AM
Заява беларускіх праваабаронцаў аб прызнанні сямі новых палітвязняў (Марыя Шагіева і іншыя)
Мы патрабуем ад уладаў Беларусі неадкладна вызваліць Яўгена Андрэева, Віталя Мелеха, Яўгена Люлькавіча, Марыю Шагіеву, Сяргея Каменева, Уладзіміра Бялова, Аляксандра Дзям’янцава, спыніць іх крымінальны пераслед.
Заява аб прызнанні палітвязнямі прадстаўнікоў незалежных прафсаюзаў
16 May 2022, 8:08 AM
Заява аб прызнанні палітвязнямі прадстаўнікоў незалежных прафсаюзаў
Мы патрабуем ад улад Беларусі неадкладна вызваліць палітзняволеных Аляксандра Ярашука, Сяргея Антусевіча, Генадзя Фядыніча, Вацлава Арэшку, Міхаіла Громава, Ірыну Буд-Гусаім, Міраслава Сабчука, Яніну Малаш, Віталя Чычмарова, Васіля Бераснёва і спыніць крымінальны пераслед.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці