Заява аб прызнанні шасці чалавек палітычнымі зняволенымі (Анастасія Мацяш і іншыя)

24 May 2024, 10:21 AM
Заява аб прызнанні шасці чалавек палітычнымі зняволенымі (Анастасія Мацяш і іншыя)

Заява праваабарончай супольнасці Беларусі

24 мая 2024 г.

Мы, прадстаўнікі праваабарончай супольнасці Беларусі, зноў адзначаем, што змяшчэнне пад варту і далейшае пазбаўленне волі за розную пратэсную актыўнасць выкарыстоўваецца ўладамі для ўціску грамадскай і палітычнай актыўнасці, салідарнасці, іншадумства ды антываенных выступаў.

Крымінальнае заканадаўства ў 2021 годзе было істотна больш жорсткім і дапоўненае новымі складамі злачынстваў, што выкарыстоўваюцца ўладамі выключна ў мэтах палітычных рэпрэсій.

МУС і КДБ у пазасудовым парадку адвольна прызнаюць экстрэмісцкімі групы грамадзян, аб'яднаных грамадскімі або палітычнымі інтарэсамі, якія крытыкуюць дзеянні ўладаў і патрабуюць зменаў у дзяржаве і палітыцы, што ёй праводзіцца, таксама экстрэмісцкімі фармаваннямі прызнаныя некаторыя СМІ. Гэта ў сваю чаргу адкрывае шлях да адвольнага прыцягнення да крымінальнай адказнасці і пазбаўлення волі іх удзельнікаў і рэспандэнтаў, а таксама за падтрымку гэтых суб'ектаў у якасці непрапарцыйнай меры абмежавання права на асацыяцыю і свабоды выказвання меркаванняў.

Вядома пра асуджэнне:

Анастасіі Мацяш паводле артыкула 361-1 КК па абвінавачванні ва ўваходжанні ў склад экстрэмісцкага фармавання — за выкананне працы ў інтарэсах тэлевізійнай кампаніі "Белсат" да двух гадоў пазбаўлення волі ў папраўчай калоніі;

Аляксандра Максімовіча паводле арт. 290-1, 361-2 КК паводле абвінавачвання ў фінансаванні экстрэмісцкай тэрарыстычнай дзейнасці за ахвяраванні беларускім пратэсным ініцыятывам;

Сяргея Высоцкага паводле арт. 361-1 КК па абвінавачванні ва ўваходжанні ў склад экстрэмісцкага фармавання;

а таксама аб змяшчэнні пад варту:

Максіма Хвашчынскага паводле арт. 361-1 КК па абвінавачванні ў арганізацыі або ўваходжанні ў склад экстрэмісцкага фармавання;

Паўла Лукашэвіча паводле арт. 369, 391, 361-1 КК па абвінавачванні ў абразе прадстаўніка ўлады і суддзі, арганізацыі або ўваходжанні ў склад экстрэмісцкага фармавання — за выказванні ў сетцы інтэрнэт, рэгістрацыю ў "Плане "Перамога";

Вадзіма Рушкевіча паводле арт. 342, 361 ч. 3 КК па абвінавачванні ў арганізацыі і падрыхтоўцы дзеянняў, што груба парушаюць грамадскі парадак, альбо актыўным удзеле ў іх, а таксама ў закліках да захадаў абмежавальнага характару ў дачыненні да Рэспублікі Беларусь;

Мы прызнаем названых людзей палітвязнямі ў адпаведнасці з п. 3.1 (а) Кіраўніцтва па вызначэнні паняцця "палітычны зняволены" і патрабуем ад уладаў Беларусі:

  • неадкладна вызваліць палітвязняў Анастасію Мацяш, Аляксандра Максімовіча, Сяргея Высоцкага, Максіма Хвашчынскага, Паўла Лукашэвіча, Вадзіма Рушкевіча;

  • неадкладна вызваліць усіх палітычных зняволеных і спыніць палітычныя рэпрэсіі супраць грамадзян краіны.

Праваабарончы цэнтр "Вясна";

Human Constanta;

Прававая ініцыятыва;

Офіс па правах людзей з інваліднасцю;

Lawtrend;

Беларускі дом правоў чалавека імя Барыса Звозскава.

See more news

Беларускі ПЭН пратэстуе супраць пераследу ўдзельнікаў святкавання Дня Волі
09 July 2024, 8:45 AM
Беларускі ПЭН пратэстуе супраць пераследу ўдзельнікаў святкавання Дня Волі
Беларускі ПЭН выказвае пратэст і звяртае ўвагу міжнароднай супольнасці на новы кірунак рэпрэсій супраць грамадзянскай супольнасці Беларусі – пераслед за ўдзел у святкаванні Дня Волі.
Заява праваабаронцаў Беларусі аб прызнанні 17 палітычных зняволеных (Дар'я Заяц і іншыя)
09 July 2024, 7:40 AM
Заява праваабаронцаў Беларусі аб прызнанні 17 палітычных зняволеных (Дар'я Заяц і іншыя)
Патрабуем ад уладаў Беларусі неадкладна вызваліць палітвязняў Дзмітрыя Пузікава, Дзяніса Семяніхіна, Дар’ю Заяц, Валерыю Драгун, Алену Карпенку, Андрэя Каралёва, Антона Пугача, Алену Дуброўскую, Івана Дзярновіча, Аляксандра Захарчыка, Юрыя Юрчука, Таццяну Макееву, Руслана Зголіча, Дзмітрыя Сіўко, Аляксандра Цюпу, Івана Мікшу, Аляксандра Сырыцу і спыніць крымінальны пераслед.
Заява аб прызнанні васьмі чалавек палітычнымі зняволенымі (Ірына Клязовіч і іншыя)
09 July 2024, 7:29 AM
Заява аб прызнанні васьмі чалавек палітычнымі зняволенымі (Ірына Клязовіч і іншыя)
Мы патрабуем ад уладаў Беларусі неадкладна вызваліць палітвязняў Ірына Клязовіч, Марыну Гацуру, Віктара Нікіфарава, Надзею Лескавец, Ірыну Погодаеву, Глеба Дудко, Жанну Дашкевіч, Іллю Гумбара.
Заява аб прызнанні Анджэя Юхневіча палітычным зняволеным
25 June 2024, 12:27 PM
Заява аб прызнанні Анджэя Юхневіча палітычным зняволеным
Мы, прадстаўнікі беларускіх праваабарончых арганізацый, выказваем свой пратэст з нагоды палітычнага пераследу і арышту Анджэя Юхневіча.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці