Заява аб прызнанні шасці чалавек палітычнымі зняволенымі (Дар'я Лосік і іншыя)

03 November 2022, 12:46 PM
Заява аб прызнанні шасці чалавек палітычнымі зняволенымі (Дар'я Лосік і іншыя)

На фота: Дар'я Лосік

Заява праваабарончай супольнасці Беларусі

1 лістапада 2022 г.

Мы, прадстаўнікі праваабарончай супольнасці Беларусі, ізноў адзначаем, што пазбаўленне волі і крымінальная адказнасць за розную пратэсную дзейнасць выкарыстоўваецца ўладамі дзеля падаўлення грамадскай і палітычнай актыўнасці, іншадумства і антываенных выступаў.

Крымінальнае заканадаўства стала істотна больш жорсткім і дапоўнілася новымі складамі злачынстваў, якія выкарыстоўваюцца ўладамі выключна ў мэтах палітычных рэпрэсій.

МУС і КДБ у пазасудовым парадку адвольна прызнаюць экстрэмісцкімі групы грамадзян, аб'яднаных грамадскімі ці палітычнымі інтарэсамі, што крытыкуюць дзеянні ўладаў і патрабуюць зменаў у дзяржаве і палітыцы, якую яна праводзіць, таксама экстрэмісцкімі фармаваннямі прызнаныя некаторыя СМІ. Гэта, у сваю чаргу, прыводзіць да адвольнага прыцягнення да крымінальнай адказнасці і пазбаўлення волі іх удзельнікаў і рэспандэнтаў у якасці непрапарцыйнай меры абмежавання права на асацыяцыю і свабоды выказвання меркаванняў. Так:

Юлія Юргілевіч і Дар'я Лосік узятыя пад варту паводле абвінавачвання ў садзейнічанні экстрэмісцкай дзейнасці па арт. 361-4 КК;

Валянцін Самасюк асуджаны да пазбаўлення волі ў папраўчай калоніі за адпраўку ў Telegram-чат, прызнаны экстрэмісцкім фармаваннем, некалькіх фатаграфій чыгуначнай тэхнікі па арт. 361-4 КК;

Ацэньваючы гэтую інфармацыю ў кантэксце грамадска-палітычных падзей пасля 24 лютага 2022 г., асноўнай падзеяй якіх стала ваеннае ўварванне Расійскай Федэрацыі ва Украіну і пасля яго — акты антываеннага пратэсту і салідарнасці з народам Украіны, мы прыходзім да высновы пра тое, што ў дадзеных выпадках грамадзяне пераследуюцца праз свае палітычныя перакананні, а таксама ў сувязі з негвалтоўным ажыццяўленнем свабоды выказвання меркаванняў, распаўсюду інфармацыі і асацыяцыі. Таксама ў гэтым кантэксце змянілася ацэнка грамадскай небяспекі ўдзелу грамадзян Беларусі ў ваенных дзеяннях на тэрыторыі Украіны ў складзе вайсковых фармаванняў, створаных украінскай дзяржавай:

Яўген Карпаў асуджаны за замах на ўдзел у ваенных дзеяннях на тэрыторыі замежнай дзяржавы — ажыццяўленне намеру далучыцца да абаронцаў суверэннай Украіны паводле ч. 1 арт. 14 і ч. 1 арт. 361-3 КК да двух гадоў і шасці месяцаў пазбаўлення волі ў папраўчай калоніі;

Максім Стасюк узяты пад варту паводле абвінавачвання ва ўдзеле ў групавых дзеяннях, якія груба парушаюць грамадскі парадак, і замаху на ўдзел у ваенных дзеяннях на тэрыторыі замежнай дзяржавы — ажыццяўленне намеру далучыцца да абаронцаў Украіны паводле ч. 1 арт. 342 і ч. 1 арт. 361-3 КК;

Аляксандр Айнутдзінаў узяты пад варту паводле абвінавачвання ў неаднаразовым кіраванні транспартным сродкам без адпаведнага права (злачынства, якое не ўяўляе вялікай грамадскай небяспекі) і замаху на ўдзел у ваенных дзеяннях на тэрыторыі замежнай дзяржавы - ажыццяўленне намеру далучыцца да абаронцаў Украіны па ч. 1 арт. 317-2 і ч. 1 арт. 361-3 КК.

Мы прызнаем названых людзей палітвязнямі ў адпаведнасці з п. 3.1 (а) Кіраўніцтва па вызначэнні паняцця "палітычны зняволены", і патрабуем ад уладаў Беларусі:

  • неадкладна вызваліць палітзняволеных Юлію Юргілевіч, Дар'ю Лосік, Яўгена Карпава, Максіма Стасюка, Аляксандра Айнутдзінава, Валянціна Самасюка;

  • неадкладна вызваліць усіх палітычных зняволеных і спыніць палітычныя рэпрэсіі супраць грамадзянаў краіны.

Праваабарончы цэнтр "Вясна";

Прававая ініцыятыва;

Lawtrend;

Беларускі ПЭН.

See more news

Заява праваабаронцаў аб прызнанні 23 палітычных зняволеных (Барыс Кучынскі і іншыя)
02 June 2023, 10:49 AM
Заява праваабаронцаў аб прызнанні 23 палітычных зняволеных (Барыс Кучынскі і іншыя)
Намі атрыманая інфармацыя пра наступных асобаў, пазбаўленых волі за абразу А.Лукашэнкі, прадстаўнікоў улады (супрацоўнікаў міліцыі), суддзяў і знявагу дзяржавы і дзяржаўных сімвалаў, іншыя формы рэалізацыі свабоды меркавання.
Супольная заява беларускіх праваабарончых арганізацый наконт распаўсюду юрыдычным факультэтам Белдзяржуніверсітэта «пакаяльных» відэа
02 June 2023, 8:51 AM
Супольная заява беларускіх праваабарончых арганізацый наконт распаўсюду юрыдычным факультэтам Белдзяржуніверсітэта «пакаяльных» відэа
Стварэнне і распаўсюд такіх відэазапісаў недапушчальнае і ёсць супрацьпраўным дзеяннем. Акрамя гэтага, асобна хочам падкрэсліць, што ў дадзеным выпадку ў супрацьпраўныя дзеянні ўцягнутая адміністрацыя юрыдычнага факультэта БДУ, а таксама квазі-грамадскія студэнцкія арганізацыі, якія дзейнічаюць пад кантролем адміністрацыі.
Сумесная заява ЗБС, БНМС «РАДА» і Грамадскага Балонскага Камітэта наконт прымусовага публічнага «пакаяльнага відэа» студэнта юрфака БДУ
31 May 2023, 11:52 AM
Сумесная заява ЗБС, БНМС «РАДА» і Грамадскага Балонскага Камітэта наконт прымусовага публічнага «пакаяльнага відэа» студэнта юрфака БДУ
Мы, Задзіночанне Беларускіх Студэнтаў, БНМС «РАДА» і Грамадскі Балонскі Камітэт, рашуча асуджаем нядаўні інцыдэнт на юрыдычным факультэце БДУ, дзе студэнта прымусілі зняцца ў «пакаяльных відэа». Гэты ўчынак — не толькі парушэнне правоў і свабод студэнтаў, але і грубае парушэнне акадэмічных свабод.
Заклікаем да салідарнасці з палітвязнямі і ахвярамі ўсіх формаў палітычнага пераследу
23 May 2023, 11:17 AM
Заклікаем да салідарнасці з палітвязнямі і ахвярамі ўсіх формаў палітычнага пераследу
Мы абураныя тым, што супрацоўнікі органаў унутраных спраў, пракуратуры, падраздзяленняў Следчага камітэта і больш за траціну беларускіх суддзяў з усведамленнем уласнай ролі ў супрацьпраўных працэсах ўцягнуліся ў пераслед і пазбаўленне волі па палітычных матывах.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці