Заява аб прызнанні Сяргея Крупеніча і Анастасіі Крупеніч-Кандрацьевай палітвязнямі

13 October 2021, 1:42 PM
Заява аб прызнанні Сяргея Крупеніча і Анастасіі Крупеніч-Кандрацьевай палітвязнямі

Заява прадстаўнікоў беларускай праваабарончай супольнасці

12 кастрычніка 2021 г.

Мы, прадстаўнікі праваабарончай супольнасці, з глыбокай занепакоенасцю адзначаем, што пераслед у межах адміністрацыйнага працэсу ўжываецца ўладамі для падаўлення свабоды выказвання меркаванняў, уключаючы свабоду шукаць, атрымліваць і распаўсюджваць усялякага кшталту інфармацыю і ідэі, незалежна ад дзяржаўных межаў, вусна, пісьмова ці з дапамогай друку ці мастацкіх формаў выказвання, ці іншымі спосабамі на свой выбар.

Муж і жонкаСяргейКрупенічіАнастасіяКрупеніч-Кандрацьевабылі затрыманыя ў сярэдзіне ліпеня 2021 года і 7 разоў запар былі пакараныя адміністрацыйнымі арыштамі за перасланыя адно аднаму ў асабістых паведамленнях навіны з тэлеграм-каналаў, якія ўлады прызналі экстрэмісцкімі. 8 і 11 кастрычніка суд Ленінскага раёна Мінска асудзіў іх паводле арт. 19.11 КаАП (распаўсюд інфармацыйнай прадукцыі, якая змяшчае заклікі да экстрэмісцкай дзейнасці ці прапагандуе такую дзейнасць): С.Крупеніна да чарговых 15 сутак, а А.Крупеніч-Кандрацьеву — да 14. Такім чынам, паводле адміністрацыйных артыкулаў яны правядуць у зняволенні больш за тры месяцы.

Варта адзначыць, што заканадаўства аб процідзеянні экстрэмізму адвольна выкарыстоўваецца беларускімі ўладамі ў мэтах барацьбы з іншадумствам і свабодай выказвання меркаванняў, што з'яўляецца недапушчальным у дэмакратычным грамадстве, паколькі мае іншыя мэты, чым прызнаныя Міжнародным пактам аб грамадзянскіх і палітычных правах дапушчальныя абмежаванні права на свабоду выказвання меркаванняў.

Практыка асуджэння адразу да некалькіх адміністрацыйных арыштаў запар і раней выкарыстоўвалася беларускімі ўладамі ў мэтах палітычна матываванага ціску. Так, Павел Севярынец у 2020 г. адбыў 90 сутак запар адміністрацыйнага арышту ў ЦІП ГУУС Мінгарвыканкама, пасля чаго супраць яго была заведзеная крымінальная справа па масавых беспарадках; каля трох месяцаў правёў у ізалятары ў 2020 г. Ян Салановіч.

Нагадваем, што паводле п. 3.1 Кіраўніцтва па вызначэнні паняцця "палітычны зняволены", зацверджанага беларускай праваабарончай супольнасцю на III Праваабарончым форуме, пазбаўленне волі (у тым ліку і адміністрацыйны арышт) у сувязі з негвалтоўным ажыццяўленнем свабодаў, гарантаваных міжнароднымі нормамі права ў галіне правоў чалавека, з'яўляецца падставай для прызнання такой асобы палітычным зняволеным з патрабаваннем неадкладнага вызвалення.

Гэтыя крытэры ў поўнай ступені тычацца ўсіх адміністрацыйна арыштаваных за ажыццяўленне сваіх грамадзянскіх правоў і свабодаў. Адпаведна,усе пакараныя адміністрацыйным арыштам за рэалізацыю сваіх прызнаных міжнароднай супольнасцю правоў і свабодаў, у тым ліку Сяргей Крупеніч і Анастасія Крупеніч-Кандрацьева, прызнаюцца намі палітычнымі зняволенымі на перыяд іх ізаляцыі.

Мы, прадстаўнікі беларускіх праваабарончых арганізацый, выказваем свой пратэст з нагоды палітычнага пераследу і арышту Сяргея Крупеніча і Анастасіі Крупеніч-Кандрацьевай і патрабуем:

  • адмены судовых пастановаў у адносінах даСяргея КрупенічаіАнастасіі Крупеніч-Кандрацьевай, вынесеных паводле арт.19.11 КаАП, і спыненні раней пачатых адміністрацыйных працэсаў паводле арт. 19.11 КаАП у адносінах да іх;

  • спынення рэпрэсій у дачыненні да іншадумцаў і ўдзельнікаў мірных сходаў; вызвалення ўсіх адміністрацыйна арыштаваных за рэалізацыю сваіх грамадзянскіх правоў і свабодаў;

  • неадкладнага вызвалення ўсіх палітычных зняволеных і спынення палітычных рэпрэсій супраць грамадзянаў краіны.

Праваабарончы цэнтр "Вясна";

Беларускі Хельсінкскі Камітэт;

Lawtrend;

Беларускі ПЭН-цэнтр;

"Прававая ініцыятыва"

Беларускі дом правоў чалавека імя Б. Звозскава;

Беларуская асацыяцыя журналістаў.

See more news

Заява праваабарончых арганізацый Беларусі аб прызнанні шасці новых палітвязняў (Дзяніс Ляхар і іншыя)
13 October 2021, 1:47 PM
Заява праваабарончых арганізацый Беларусі аб прызнанні шасці новых палітвязняў (Дзяніс Ляхар і іншыя)
Мы патрабуем ад уладаў Беларусі неадкладна вызваліць Дзяніса Ляхара, Аляксея Гамезу, Кірыла Жогалева, Аляксея Сянькова, Кастру і Сільва Сержыю, Яўгена Кузьмянкова і спыніць іх крымінальны пераслед.
Заява беларускіх праваабарончых арганізацый аб недапушчальнасці парушэння свабоды асацыяцый
11 October 2021, 8:41 AM
Заява беларускіх праваабарончых арганізацый аб недапушчальнасці парушэння свабоды асацыяцый
На працягу апошняга года беларускія арганізацыі грамадзянскай супольнасці ўвесь час зазнаюць ціск і пераслед: дыскрэдытацыя ў дзяржаўных сродках масавай інфармацыі, крымінальныя справы ў адносінах да грамадзянскіх актывістаў, масавыя праверкі, вобшукі, затрыманні, прымусовая ліквідацыя.
Заява аб прызнанні палітвязнямі 73 чалавек, затрыманых па «Справе Зельцара»
07 October 2021, 8:37 AM
Заява аб прызнанні палітвязнямі 73 чалавек, затрыманых па «Справе Зельцара»
Няма звестак пра тое, каб згаданыя асобы заклікалі да гвалтоўных дзеянняў па нацыянальнай, этнічнай, расавай, рэлігійнай прыкметах.
Патрабуем неадкладнага перагляду прысудаў і вызвалення шасці палітычных зняволеных (Віктар Прусаў і іншыя)
07 October 2021, 7:45 AM
Патрабуем неадкладнага перагляду прысудаў і вызвалення шасці палітычных зняволеных (Віктар Прусаў і іншыя)
Мы прызнаём палітвязнямі Віктара Прусава, Канстанціна Міхальцова, Арсенія Шчарбініна, Мікіту Фільчука, Паўла Камінскага, Андрэя Навіцкага.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці