Заява праваабаронцаў аб прызнанні 11 чалавек палітычнымі зняволенымі (Юрый Ваўчкевіч і іншыя)

22 May 2024, 10:08 AM
Заява праваабаронцаў аб прызнанні 11 чалавек палітычнымі зняволенымі (Юрый Ваўчкевіч і іншыя)

заява прадстаўнікоў беларускай праваабарончай супольнасці

22 траўня 2024г.

У сувязі з павелічэннем колькасці выпадкаў асуджэння і пазбаўлення волі грамадзянаў краіны па шэрагу дыфамацыйных артыкулаў Крымінальнага кодэкса Рэспублікі Беларусь, а таксама ў сувязі са знявагай дзяржаўных сімвалаў Рэспублікі Беларусь ды і іншымі дзеяннямі, накіраванымі на правамерную реалізацыю свабоды выказвання меркаванняў, мы, прадстаўнікі беларускай праваабарончай супольнасці патрабуем спыніць пераслед правамерных форм выказвання меркаванняў, і ў  чарговы раз пацвярджаючы свае неаднаразова выказаныя патрабаванні па дэкрыміналізацыі дыфамацыі і недапушчальнасці пазбаўлення волі грамадзян за абразу службовых асобаў, дзяржавы, дзяржаўных органаў і сімвалаў (супольная заява ад 22 снежня 2020 г.), адзначаем наступнае:

Намі атрыманая інфармацыя пра пазбаўленне волі за абразу А.Лукашэнкі, прадстаўнікоў улады (супрацоўнікаў міліцыі), суддзяў і знявагу дзяржавы і дзяржаўных сімвалаў, іншыя формы рэалізацыі свабоды мяркаванняў, у тым ліку аб асуджэнні:

  1. Юрыя Ваўчкевіча па арт. 368 Крымінальнага кодэкса за абразу А. Лукашэнкі да аднаго года пазбаўлення волі ў папраўчай калоніі;

  2. Дзяніcа Нікіты па арт. 368 КК за абразу А.Лукашэнкі да трох гадоў пазбаўлення волі ў папраўчай калоніі;

  3. Сяргея Шэха па арт. 368 і 367 КК за абразу А.Лукашэнкі і паклёп на яго да двух гадоў і 6 месяцаў пазбаўлення волі ў папраўчай калоніі;

  4. Сяргея Мельнікава па арт. 368 Крымінальнага кодэкса за абразу А. Лукашэнкі да аднаго года і 1 месяца пазбаўлення волі ў папраўчай калоніі;

  5. Юрыя Томашава арт. 370 КК за здзек з дзяржаўных сімвалаў да трох месяцаў арышту;

  6. Паўла Макаранкі па арт. 368 КК за абразу А. Лукашэнкі да трох гадоў пазбаўлення волі ў папраўчай калоніі;

  7. Канстанціна Біча па арт. 369 КК за абразу прадстаўніка ўлады да аднаго года абмежавання волі у папраўчай установе адкрытага тыпу, накіраваны для адбыцця пакарання;

  8. Сяргея Кунашэнкі па арт. 368 КК за абразу А. Лукашэнкі да двух гадоў абмежавання волі у папраўчай установе адкрытага тыпу, накіраваны для адбыцця пакарання;

  9. Дзмітрыя Першына, які па арт. 368 і 367 КК за абоазу А. Лукашэнкі і паклёп на яго накіраваны на прымусовае лекаванне,

  10. так сама пра пра змяшчэнне пад варту Ліліі Касценіч і Аляксандра Камлёнка па арт. 369 КК за абразу прадстаўніка ўлады.

Мы лічым пераслед і пазбаўленне волі названых асоб палітычна матываваным, звязаным з мірнай рэалізацыяй выказвання меркавання, а іх саміх палітычнымі зняволенымі ў адпаведнасці з п. 3.1(а) Кіраўніцтва па вызначэнні паняцця “Палітычны зняволены”, і патрабуем ад уладаў Беларусі:

  • неадкладна вызваліць палітвязняў Юрыя Ваўчкевіча, Дзяніcа Нікіту, Сяргея Шэха, Сяргея Мельнікава, Юрыя Томашава, Паўла Макаранкі, Канстанціна Біча, Сяргея Кунашэнкі, Дзмітрыя Першына, Ліліі Касценіч, Аляксандра Камлёнка і спыніць крымінальны пераслед у дачыненні да іх;

  • прыняць захады, скіраваныя на дэкрыміналізацыю дыфамацыйных правапарушэнняў і адмену артыкулаў Крымінальнага кодэкса, якія прадугледжваюць адказнасць за абразу дзяржавы, дзяржаўных сімвалаў і службовых асобаў, а менавіта – арт. 188, 361, 367, 368, 369, 369-1, 370, 391 Крымінальнага кодэкса Рэспублікі Беларусь, і спыніць усе раней узбуджаныя па дадзеных артыкулах крымінальныя справы;

  • неадкладна вызваліць усіх палітычных зняволеных і спыніць палітычныя рэпрэсіі супраць грамадзян краіны.

Праваабарончы цэнтр "Вясна";

Lawtrend;

Human Constanta;

Беларуская асацыяцыя журналістаў;

Беларускі Хельсінкскі камітэт;

Беларускі дом правоў чалавека імя Барыса Звозскава;

Беларускі ПЭН;

Офіс па правах людзей з інваліднасцю.

See more news

Беларускі ПЭН пратэстуе супраць пераследу ўдзельнікаў святкавання Дня Волі
09 July 2024, 8:45 AM
Беларускі ПЭН пратэстуе супраць пераследу ўдзельнікаў святкавання Дня Волі
Беларускі ПЭН выказвае пратэст і звяртае ўвагу міжнароднай супольнасці на новы кірунак рэпрэсій супраць грамадзянскай супольнасці Беларусі – пераслед за ўдзел у святкаванні Дня Волі.
Заява праваабаронцаў Беларусі аб прызнанні 17 палітычных зняволеных (Дар'я Заяц і іншыя)
09 July 2024, 7:40 AM
Заява праваабаронцаў Беларусі аб прызнанні 17 палітычных зняволеных (Дар'я Заяц і іншыя)
Патрабуем ад уладаў Беларусі неадкладна вызваліць палітвязняў Дзмітрыя Пузікава, Дзяніса Семяніхіна, Дар’ю Заяц, Валерыю Драгун, Алену Карпенку, Андрэя Каралёва, Антона Пугача, Алену Дуброўскую, Івана Дзярновіча, Аляксандра Захарчыка, Юрыя Юрчука, Таццяну Макееву, Руслана Зголіча, Дзмітрыя Сіўко, Аляксандра Цюпу, Івана Мікшу, Аляксандра Сырыцу і спыніць крымінальны пераслед.
Заява аб прызнанні васьмі чалавек палітычнымі зняволенымі (Ірына Клязовіч і іншыя)
09 July 2024, 7:29 AM
Заява аб прызнанні васьмі чалавек палітычнымі зняволенымі (Ірына Клязовіч і іншыя)
Мы патрабуем ад уладаў Беларусі неадкладна вызваліць палітвязняў Ірына Клязовіч, Марыну Гацуру, Віктара Нікіфарава, Надзею Лескавец, Ірыну Погодаеву, Глеба Дудко, Жанну Дашкевіч, Іллю Гумбара.
Заява аб прызнанні Анджэя Юхневіча палітычным зняволеным
25 June 2024, 12:27 PM
Заява аб прызнанні Анджэя Юхневіча палітычным зняволеным
Мы, прадстаўнікі беларускіх праваабарончых арганізацый, выказваем свой пратэст з нагоды палітычнага пераследу і арышту Анджэя Юхневіча.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці