Заява праваабаронцаў Беларусі аб прызнанні 11 палітычных зняволеных (Кірыл Клімаў і іншыя)

24 July 2023, 11:05 AM
Заява праваабаронцаў Беларусі аб прызнанні 11 палітычных зняволеных (Кірыл Клімаў і іншыя)

Заява праваабарончай супольнасці Беларусі

24 ліпеня 2023 г.

Мы, прадстаўнікі праваабарончай супольнасці Беларусі, зноў адзначаем, што пазбаўленне волі і крымінальная адказнасць за розную пратэсную дзейнасць выкарыстоўваюцца ўладамі дзеля падаўлення грамадскай і палітычнай актыўнасці, іншадумства і антываенных выступаў. 

Крымінальнае заканадаўства ў 2021 годзе стала істотна больш жорсткім і дапоўнілася новымі складамі злачынстваў, якія выкарыстоўваюцца ўладамі выключна ў мэтах палітычных рэпрэсій. 

МУС і КДБ у пазасудовым парадку адвольна прызнаюць экстрэмісцкімі групы грамадзян, якія аб'яднаныя грамадскімі ці палітычнымі інтарэсамі, крытыкуюць дзеянні ўладаў і патрабуюць зменаў у дзяржаве і палітыцы, што яна праводзіць, таксама экстрэмісцкімі фармаваннямі прызнаныя некаторыя СМІ. Гэта, у сваю чаргу, прыводзіць да адвольнага прыцягнення да крымінальнай адказнасці і пазбаўлення волі іх удзельнікаў і рэспандэнтаў у якасці непрапарцыйнай меры абмежавання права на асацыяцыю і свабоды выказвання меркаванняў. Так: 

  1. Кірыл Клімаў асуджаны паводле арт. 361-2 КК за ахвяраванні ініцыятывам "By_help", "BYSOL", "Честные люди" да чатырох гадоў пазбаўлення волі ў папраўчай калоніі;

  2. Васіль Якімаў асуджаны паводле арт. 361-3 КК за падрыхтоўку да ўваходжання ва ўзброенае фармаванне для абароны Украіны ад расійскай агрэсіі;

  3. Ігар Сацюк асуджаны паводле арт. 361-2 КК за ахвяраванні ініцыятывам, прызнаным экстрэмісцкімі, да пазбаўлення волі ў папраўчай калоніі;

  4. Віталь Юрэня асуджаны паводле арт. 361-2 КК за ахвяраванні ініцыятывам, прызнаным экстрэмісцкімі, да пазбаўлення волі ў папраўчай калоніі;

  5. Вольга Рыбіна ўзята пад варту па абвінавачанні паводле арт. 361-2 КК за ахвяраванні ініцыятывам, прызнаным экстрэмісцкімі;

  6. Аляксандр Фікаў узяты пад варту па абвінавачанні паводле арт. 361-2 КК за ахвяраванні ініцыятывам, прызнаным экстрэмісцкімі;

  7. Аляксандр Хмыль асуджаны паводле арт. 361-2 КК за ахвяраванні ініцыятывам, прызнаным экстрэмісцкімі;

  8. Дзмітрый Селядцоў узяты пад варту па абвінавачанні паводле арт. 361-2 КК за ахвяраванні ініцыятывам, прызнаным экстрэмісцкімі;

  9. Павал Харытонаў асуджаны паводле арт. 361-2 КК за ахвяраванні ініцыятывам, прызнаным экстрэмісцкімі;

  10. Максім Драбніца асуджаны паводле ч. 1 арт. 361-1 КК за ўдзел у дзейнасці экстрэмісцкага фармавання і ч. 2 арт. 290-5 КК за ўдзел у дзейнасці тэрарыстычнай арганізацыі — далучэнне да Плана "Перамога" і намер пашкодзіць чыгуначныя пуці да васьмі гадоў пазбаўлення волі ў папраўчай калоніі і штрафу;

  11. Мікіта Бруй (непаўнагадовы) асуджаны па адвольным абвінавачанні ў рэабілітацыі нацызму паводле арт. 130-1 КК, за стварэнне экстрэмісцкага фармавання паводле арт. 361-1 КК за публікацыі ў пратэсным тэлеграм-чаце да трох гадоў пазбаўлення волі ў выхаваўчай калоніі.

Мы прызнаем згаданых людзей палітвязнямі ў адпаведнасці з п. 3.1 (а) Кіраўніцтва па вызначэнні паняцця "палітычны зняволены", і патрабуем ад уладаў Беларусі:

  • Неадкладна вызваліць палітзняволеных Кірыла Клімава, Васіля Якімава, Ігара Сацюка, Віталя Юрэню, Вольгу Рыбіну, Аляксандра Фікава, Аляксандра Хмыля, Дзмітрыя Селядцова, Паўла Харытонава, Максіма Драбніцу, Мікіту Бруя;

  • Неадкладна вызваліць усіх палітычных зняволеных і спыніць палітычныя рэпрэсіі супраць грамадзянаў краіны.

Праваабарончы цэнтр "Вясна";

Прававая ініцыятыва;

Lawtrend;

Беларуская асацыяцыя журналістаў;

Беларускі ПЭН;

Беларускі Хельсінкскі камітэт;

Офіс па правах людзей з інваліднасцю.

See more news

БДПЧ далучыўся да заявы праваабарончай супольнасці ў Міжнародны дзень салідарнасці з Беларуссю
15 November 2023, 11:10 AM
БДПЧ далучыўся да заявы праваабарончай супольнасці ў Міжнародны дзень салідарнасці з Беларуссю
У Міжнародны дзень салідарнасці з Беларуссю мы, прадстаўнікі праваабарончай супольнасці Беларусі, заяўляем:
Заява праваабарончай супольнасці аб прызнанні 15 новых палітвязняў (Вольга Стаброўская і іншыя)
27 October 2023, 9:49 AM
Заява праваабарончай супольнасці аб прызнанні 15 новых палітвязняў (Вольга Стаброўская і іншыя)
Мы лічым пераслед і пазбаўленне волі названых асоб палітычна матываваным, звязаным з мірнай рэалізацыяй выказвання меркавання, а іх саміх - палітычнымі зняволенымі.
Заява праваабаронцаў. Патрабуем рэабілітацыі асуджаных за рэалізацыю свабоды выказвання меркаванняў
27 October 2023, 9:34 AM
Заява праваабаронцаў. Патрабуем рэабілітацыі асуджаных за рэалізацыю свабоды выказвання меркаванняў
Нам вядомыя імёны і абставіны справаў наступных людзей, якія ў пакаранне за ажыццяўленне свабоды выказвання меркаванняў былі пазбаўленыя волі: заключаныя пад варту, хатні арышт, асуджаныя да пазбаўлення або абмежавання волі, арышту, а да цяперашняга часу вызваленыя без рэабілітацыі і кампенсацыі нанесенай шкоды.
Заява праваабаронцаў. Патрабуем неадкладнага і безумоўнага вызвалення Насты Лойкі
27 October 2023, 9:12 AM
Заява праваабаронцаў. Патрабуем неадкладнага і безумоўнага вызвалення Насты Лойкі
«Ты будзеш забытая» – так сказалі Настцы супрацоўні_цы міліцыі на адным са шматлікіх допытаў. Але яна не забытая.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці