Заява праваабарончай супольнасці аб прызнанні васьмі новых палітычных зняволеных (Ігар Фёдараў і іншыя)

01 June 2022, 7:51 AM
Заява праваабарончай супольнасці аб прызнанні васьмі новых палітычных зняволеных (Ігар Фёдараў і іншыя)

заява прадстаўнікоў беларускай праваабарончай супольнасці

31 траўня 2022г.

У сувязі з павелічэннем колькасці выпадкаў асуджэння і пазбаўлення волі грамадзянаў краіны па шэрагу дыфамацыйных артыкулаў Крымінальнага кодэкса Рэспублікі Беларусь, а таксама ў сувязі са знявагай дзяржаўных сімвалаў Рэспублікі Беларусь ды і іншымі дзеяннямі, накіраванымі на правамерную реалізацыю свабоды выказвання меркаванняў, мы, прадстаўнікі беларускай праваабарончай супольнасці патрабуем спыніць пераслед правамерных форм выказвання меркаванняў, і ў  чарговы раз пацвярджаючы свае неаднаразова выказаныя патрабаванні па дэкрыміналізацыі дыфамацыі і недапушчальнасці пазбаўлення волі грамадзян за абразу службовых асобаў, дзяржавы, дзяржаўных органаў і сімвалаў (супольная заява ад 22 снежня 2020 г.),  адзначаем наступнае:

Намі атрыманая інфармацыя пра наступных асобаў, пазбаўленых волі за абразу А.Лукашэнкі, прадстаўнікоў улады (супрацоўнікаў міліцыі), суддзяў і знявагу дзяржаўных сімвалаў:

  1. Андрэй Валасач, узяты пад варту па арт. 369 КК за абразу прадстаўніка ўлады;

  2. Уладзімір Пархоменка, асуджаны па ч.1 арт. 368 КК за абразу А. Лукашэнкі да 1 года пазбаўлення волі ў папраўчай калоніі;

  3. Ігар Фёдараў, асуджаны па ч.1 арт. 368 КК за абразу А. Лукашэнкі 2 гадоў пазбаўлення волі ў папраўчай калоніі;

  4. Антон Баброў, асуджаны па ч.1 арт. 368 КК за абразу А. Лукашэнкі 2 гадоў пазбаўлення волі ў папраўчай калоніі;

  5. Іван Паршын, асуджаны па ч.1 арт. 368 КК за абразу А. Лукашэнкі і па ч. 1 арт 130 КК за каментары ў сацыяльных сетках у адносінах да супрацоўнікаў МУС, у якіх, паводле тэксту прысуду, прамых заклікаў да гвалту не было, да  2 гадоў і 6 мес.  пазбаўлення волі ў папраўчай калоніі;

  6. Андрэй Барысюк, асуджаны па арт. 369 КК за абразу прадстаўніка ўлады да 2 гадоў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;

  7. Дзяніс Кісялёў, асуджаны па ч. 1 арт.368 КК за абразу А. Лукашэнкі да 1 года і 6 мес абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;

  8. Валерый Захарчык, асуджаны да 3 гадоў калоніі па арт. 368 КК за абразу А. Лукашэнкі, па арт. 369 КК за абразу прадстаўніка ўлады і па арт. 203-1 КК за распаўсюд персанальных дадзеных.

Ў сувязі з гэтым мы лічым пераслед і пазбаўленне волі названых асоб палітычна матываваным, звязаным з мірнай рэалізацыяй выказвання меркавання, а іх саміх палітычнымі зняволенымі ў адпаведнасці з п. 3.1(а) Кіраўніцтва па вызначэнні паняцця “Палітычны зняволены”, і патрабуем ад уладаў Беларусі:

  1. Неадкладна вызваліць палітвязняў Андрэя Валасача, Уладзіміра Пархоменка, Ігара Фёдарава, Антона Баброва, Івана Паршына, Андрэя Барысюка, Дзяніса Кісялёва, Валерыя Захарчыка і спыніць крымінальны пераслед у дачыненні да іх.

  2. Прыняць захады, скіраваныя на дэкрыміналізацыю дыфамацыйных правапарушэнняў і адмену артыкулаў Крымінальнага кодэкса, якія прадугледжваюць адказнасць за абразу дзяржавы, дзяржаўных сімвалаў і службовых асобаў, а менавіта – арт. 188, 189, 367, 368, 369, 369-1, 370, 391 Крымінальнага кодэкса Рэспублікі Беларусь, і спыніць усе раней узбуджаныя па дадзеных артыкулах крымінальныя справы.

  3. Неадкладна вызваліць усіх палітычных зняволеных і спыніць палітычныя рэпрэсіі супраць грамадзян краіны.

Праваабарончы цэнтр "Вясна";

Прававая ініцыятыва;

Беларускі ПЭН;

Беларуская асацыяцыя журналістаў;

Беларускі дом правоў чалавека імя Барыса Звозскава;

Беларускі Хельсінкскі камітэт.

See more news

 Заява аб прызнанні 14 новых палітычных зняволеных (Данута Пярэдня і іншыя)
29 June 2022, 11:11 AM
Заява аб прызнанні 14 новых палітычных зняволеных (Данута Пярэдня і іншыя)
Мы патрабуем ад уладаў Беларусі неадкладна вызваліць палітвязняў Дануту Пярэдню, Юрыя Грыгера, Аляксандра Кудловіча, Уладзіміра Бранавіцкага, Аляксандра Пінчука, Таццяну Купчыну, Аляксея Вялешку, Канстанціна Дударава, Максіма Антановіча, Міхаіла Ляпейку, Аляксандра Кіселя, Аляксандра Пруднікава, Ігара Карпіцкага, Аляксандра Данілевіча і спыніць іх крымінальны пераслед.
Заява праваабаронцаў Беларусі аб прызнанні 7 новых палітвязняў (Сяргей Індзюкоў і іншыя)
13 June 2022, 12:46 PM
Заява праваабаронцаў Беларусі аб прызнанні 7 новых палітвязняў (Сяргей Індзюкоў і іншыя)
Мы патрабуем ад уладаў Беларусі неадкладна вызваліць палітвязняўСяргея Індзюкова, Паўла Бялянава, Андрэя Шульгата, Максіма Плятнёва, Яўгена Мерунко, Ягора Багдзевіча, Міхаіла Заранкова і спыніць іх крымінальны пераслед.
Заява праваабаронцаў аб прызнанні 10 чалавек палітычнымі зняволенымі (Сяргей Гунь і іншыя)
13 June 2022, 12:30 PM
Заява праваабаронцаў аб прызнанні 10 чалавек палітычнымі зняволенымі (Сяргей Гунь і іншыя)
Мы патрабуем ад уладаў Беларусі неадкладна вызваліць Дзяніса Гурэцкага, Кірыла Пятрэнку, Арсенія Дзядка, Вольгу Галубовіч, Дзяніса Краўчука, Сяргея Гуня, Рыгора Міхалапа, Дзмітрыя Максімчыка, Аляксандра Талмачова, Аляксандра Мішука і спыніць іх крымінальны пераслед.
Заява аб прызнанні палітвязнямі Алеся Любенчука і Канстанціна Залатых
08 June 2022, 11:54 AM
Заява аб прызнанні палітвязнямі Алеся Любенчука і Канстанціна Залатых
Мы, прадстаўнікі беларускіх праваабарончых арганізацыяй, заяўляем аб прызнанні Канстанцiна Залатых i Аляксандра (Алеся) Любенчука палітычнымi зняволенымi.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці