Заява праваабарончых арганізацый Беларусі аб прызнанні 9 новых палітвязняў (Мікалай Яромскі і іншыя)

13 January 2022, 12:23 PM
Заява праваабарончых арганізацый Беларусі аб прызнанні 9 новых палітвязняў (Мікалай Яромскі і іншыя)

На фота: Мікалай Яромскі

заява прадстаўнікоў беларускай праваабарончай супольнасці

13 студзеня 2022 г.

У сувязі з павелічэннем колькасці выпадкаў асуджэння і пазбаўлення волі грамадзянаў краіны па шэрагу дыфамацыйных артыкулаў Крымінальнага кодэкса Рэспублікі Беларусь, а таксама ў сувязі са знявагай дзяржаўных сімвалаў Рэспублікі Беларусь, мы, прадстаўнікі беларускай праваабарончай супольнасці, у чарговы раз пацвярджаючы свае неаднаразова выказаныя патрабаванні па дэкрыміналізацыі дыфамацыі і недапушчальнасці пазбаўлення волі грамадзян за абразу службовых асобаў, дзяржавы, дзяржаўных органаў і сімвалаў (супольная заява ад 22 снежня 2020 г.), адзначаем наступнае:

Намі атрыманая інфармацыя пра наступных асобаў, пазбаўленых волі за абразу прэзідэнта, прадстаўнікоў улады (супрацоўнікаў міліцыі), суддзяў і знявагу дзяржаўных сімвалаў:

  1. Аляксандр Гаўрыленка асуджаны па арт. 369 КК за абразу прадстаўніка ўлады – абразлівыя каментары ў сацсетках ў адрас супрацоўніка КДБ Д.Федасюка, забітага подчас уварвання ў кватэру А.Зельцара, да 2 гадоў пазбаўлення волі ў папраўчай калоніі і штрафу;

  2. Аляксандр Нікалаеў асуджаны па арт. 368, 369, 391 КК за абразу А.Лукашэнкі, прадстаўніка ўлады і суддзі да 2 гадоў пазбаўлення волі ў папраўчай калоніі;

  3. Сяргей Васільеў асуджаны па арт. 367 КК за паклеп на А.Лукашэнку да 3 гадоў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;

  4. Андрэй Каваленка асуджаны па арт. 369 КК за абразу прадстаўніка ўлады да 1 года і шасці месяцаў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;

  5. Мікалай Яромскі асуджаны па ч.1 арт. 368 КК за абразу А.Лукашэнкі да 2 гадоў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;

  6. Сяргей Сак асуджаны па ч.1 арт. 368 КК за абразу А.Лукашэнкі да 2 гадоў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;

  7. Вячаслаў Смірноў асуджаны па ч.1 арт. 368 КК за абразу А.Лукашэнкі да 2 гадоў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;

  8. Наталля Васілевіч узята пад варту па абвінавачванні па арт. 368, 369 КК за абразу А.Лукашэнкі і службовай асобы;

  9. Ягор Леўчык узяты пад варту па абвінавачванні па ч.1 арт. 342, ч.1 арт.368, арт. 369 і 391 КК за абразу А.Лукашэнкі, прадстаўніка ўлады і суддзі, удзел у групавых дзеяннях, груба парушаючых грамадскі парадак.

У сувязі з гэтым мы лічым пераслед і пазбаўленне волі палітычна матываваным, звязаным з мірнай рэалізацыяй выказвання меркавання, а іх саміх палітычнымі зняволенымі ў адпаведнасці з п. 3.1(а) Кіраўніцтва па вызначэнні паняцця “Палітычны зняволены”, і патрабуем ад уладаў Беларусі:

  1. Неадкладна вызваліць палітвязняў Аляксандра Гаўрыленку, Аляксандра Нікалаева, Сяргея Васільева, Андрэя Каваленку, Мікалая Яромскага, Сяргея Сака, Вячаслава Смірнова, Наталлю Васілевіч, Ягора Леўчыка і спыніць крымінальны пераслед у дачыненні да іх.

  2. Прыняць захады, скіраваныя на дэкрыміналізацыю дыфамацыйных правапарушэнняў і адмену артыкулаў Крымінальнага кодэкса, якія прадугледжваюць адказнасць за абразу дзяржавы, дзяржаўных сімвалаў і службовых асобаў, а менавіта – арт. 188, 189, 367, 368, 369, 369-1, 370, 391 Крымінальнага кодэкса Рэспублікі Беларусь, і спыніць усе раней узбуджаныя па дадзеных артыкулах крымінальныя справы.

  3. Неадкладна вызваліць усіх палітычных зняволеных і спыніць палітычныя рэпрэсіі супраць грамадзян краіны.

Праваабарончы цэнтр "Вясна";

Беларуская асацыяцыя журналістаў;

Прававая ініцыятыва;

Lawtrend;

Беларускі ПЭН-цэнтр;

Беларускі дом правоў чалавека імя Барыса Звозскава.

See more news

Патрабуем рэабілітацыі 16 былых палітычных зняволеных (Дар'я Андрэйчыкава і іншыя)
06 February 2025, 8:41 AM
Патрабуем рэабілітацыі 16 былых палітычных зняволеных (Дар'я Андрэйчыкава і іншыя)
Мы ацэньваем пераслед названых асоб як палітычна матываваны пераслед у сувязі з рэалізацыяй імі свабоды мірных сходаў, права на асацыяцыю і свабоды выказвання свайго меркавання ў адносінах да абвешчаных вынікаў выбараў прэзідэнта Рэспублікі Беларусь ды іншых грамадска-значных падзей.
Заява пра недапушчальнасць выкарыстання мовы варожасці і нацыянальнай нецярпімасці
06 January 2025, 12:06 PM
Заява пра недапушчальнасць выкарыстання мовы варожасці і нацыянальнай нецярпімасці
Мы, Беларускі ПЭН і іншыя праваабарончыя і культурніцкія арганізацыі, што падпісалі гэтую заяву, звяртаем увагу міжнароднай супольнасці і ўладаў Літвы на шэраг актаў вандалізму і праяў мовы варожасці, скіраваных супраць беларускай супольнасці, у Вільні ў 2024 годзе.
Заява аб прызнанні 12 чалавек палітычнымі зняволенымі (Чэслаў Герасімовіч і іншыя)
28 December 2024, 10:25 AM
Заява аб прызнанні 12 чалавек палітычнымі зняволенымі (Чэслаў Герасімовіч і іншыя)
Мы патрабуем ад уладаў Беларусі неадкладна вызваліць палітвязняў Чэслава Герасімовіча, Алену Мохараву, Уладзіміра Сітковіча, Артура Мемеха, Ігара Сідаровіча, Аляксандра Куксу, Аляксандра Мазура, Міхаіла Галінскага, Сяргея Чабоцьку, Паўла Каранюхіна, Яну Царук, Марыю Батальёнак.
Заява аб прызнанні 10 чалавек палітычнымі зняволенымі (Ганна Кміт і іншыя)
27 December 2024, 11:20 AM
Заява аб прызнанні 10 чалавек палітычнымі зняволенымі (Ганна Кміт і іншыя)
Мы патрабуем ад уладаў Беларусі неадкладна вызваліць Ганну Кміт, Андрэя Селянінава, Яўгена Нікалаевіча, Дзмітрыя Ляха, Дзмітрыя Чарнуху, Аляксандра Крупнікава, Дзмітрыя Глушчанку, Сяргея Чэкеля, Уладзіміра Апановіча, Арцёма Пуценіча і спыніць іх крымінальны пераслед.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці