Акселератар журналісцкіх расследаванняў «Гарачая капа»

23:59
панядзелак 05 верасня 2022
Акселератар журналісцкіх расследаванняў «Гарачая капа»

КРЫНІЦА

⚡️Акселератар журналісцкіх расследаванняў для Беларусі пачынае прыём заявак!

✊У жніўні 2020 смелыя беларусы выступілі за праўду і свабоду. Гэта барацьба працягваецца, і Пражскі грамадзянскі цэнтр падтрымлівае тых, хто выносіць праўду на свет.

Што гэта: Акселератар журналісцкіх расследаванняў для актывістаў, журналістаў, аналітыкаў і прадстаўнікоў грамадскіх арганізацый і IT-сектара з Беларусі. Праграма ўключае майстар-класы з вядучымі журналістамі-расследавальнікамі з рэгіёну, адразу за якімі будзе конкурс на атрыманне грантаў для правядзення журналісцкіх расследаванняў.

Калі: Анлайн-лекцыі і майстар-класы будуць праходзіць з 10 кастрычніка па 10 лістапада 2022 года. Максімум дзве гадзіны ў дзень, два разы на тыдзень. Конкурс на атрыманне грантаў адбудзецца ў лістападзе 2022 года, а праца над расследаваннямі будзе адбывацца да сярэдзіны 2023 года.

Хто можа прыняць удзел: Прыём заявак адкрыты для журналістаў, а таксама актывістаў, аналітыкаў і прадстаўнікоў грамадзянскіх арганізацый і IT-сектара, якія цікавяцца расследавальніцкай журналістыкай. Чаканая колькасць удзельнікаў – 15. Адбор конкурсны.

Мова: Руская

Апошні дзень прыёму заявак: 5.09.2022

Навошта: Журлалісцкія расследаванні з’яўляюцца важным інструментам грамадскага кантролю, з дапамогай якога выяўляюцца злоўжыванні ўладай, незаконныя фінансавыя плыні і іншыя правапарушэнні. Дакументаванне і выкрыццё злоўжыванняў уладай асабліва важна ў аўтарытарных краінах, дзе няма незалежнай судовай сістэмы, а грамадзянскі ўдзел і доступ да інфармацыі абмежаваныя. Злачынствы і правапарушэнні, раскрытыя журналістамі-расследавальнікамі, могуць выкарыстоўвывацца для ўвядзення сектаральных і персанальных санкцый.

За апошняе дзесяцігоддзе журналісты-расследавальнікі з усяго свету апублікавалі мноства трансмежавых і краінавых расследаванняў, якія выклікалі шырокі грамадскі рэзананс. Некаторыя з іх набралі мільёны праглядаў і спарадзілі незлічоную колькасць мемаў.

ЧАГО ЧАКАЦЬ

Вы прымеце ўдзел у серыі майстар-класаў ад найлепшых прафесіяналаў і аўтараў самых рэзанансных расследаванняў. Разам с імі вы разбярэце самыя цікавыя расследавальніцкія кейсы з іх практыкі, даведаецеся, як тэставаць намечаную тэму свайго расследавання, зможаце задаць пытанні і атрымаць індывідуальныя кансультацыі.

Падчас праграмы ў вас будзе магчымасць абмеркаваць ідэю свайго расследавання з ментарам і падаць праект на грантавы конкурс. Добра прадуманыя, цікавыя праекты атрымаюць фінансавую падтрымку, пасля чаго вы зможаце пачаць працу над сваімі расследаваннямі разам з ментарам, які стане і напарнікам.

Акцэнты праграмы:

Папярэдняя прапрацоўка тэмы расследавання

OSINT (open-source intelligence): выведка на падставе адкрытых дадзеных

Трансмежавыя расследаванні і праца з замежнымі рэестрамі

Краінавыя расследаванні ва ўмовах закрытасці базаў дадзеных і абмежаванага доступу да інфармацыі

Журналістыка дадзеных: аналіз і апрацоўка

Фактчэкінг: як правяраць факты і крыніцы

Апрацоўка, падача і прамоўшн расследавання

Бяспека

Санкцыйнае заканадаўства ў краінах ЕЗ як інструмент стрымлівання расійскіх і беларускіх брудных грошай: прыклад Чэхіі

Мы зможам падтрымаць як складаныя расследаванні, на якія спатрэбіцца больш часу, так і расследаванні, якія змогуць прынесці хуткі вынік.

ЯК ПАДАЦЬ ЗАЯЎКУ

Запоўніце заяўку да 5 верасня 2022 года.

Мы паведамім вам вынікі адбору да 16 верасня 2022 года.

Пражскі грамадзянскі цэнтр прыме ўсе меры для забяспечання кібербяспекі ўдзельнікаў праграмы.

Калі ў вас есць пытанні, пішыце на email harachajakapa@gmail.com

Крыніца

Глядзiце таксама

Камітэт абароны журналістаў заклікае да неадкладнага вызвалення журналіста Андрэя Толчына
27 сакавіка 2024, 09:58
Камітэт абароны журналістаў заклікае да неадкладнага вызвалення журналіста Андрэя Толчына
Камітэт абароны журналістаў заклікаў да неадкладнага вызвалення журналіста Андрэя Толчына. 21 сакавіка суддзя Гомельскага абласнога суда Дзмітрый Казлоў прысудзіў беларускаму відэааператару 2,5 гады пазбаўлення волі за спрыянне экстрэмізму і паклёп на Аляксандра Лукашэнку.
БХК: Канцэпцыя сістэмы мер па барацьбе з дыскрымінацыяй і забеспячэнні роўнасці ў Беларусі
27 сакавіка 2024, 09:50
БХК: Канцэпцыя сістэмы мер па барацьбе з дыскрымінацыяй і забеспячэнні роўнасці ў Беларусі
Дакумент распрацаваны ў рамках рэалізацыі Плана дзеянняў на 2023 год, прынятага Кантактнай групай па Беларусі Савета Еўропы, з удзелам экспертаў беларускіх арганізацый грамадзянскай супольнасці, экспертаў Рады Еўропы пры агульнай каардынацыі Беларускага Хельсінкскага Камітэта.
Заява БАЖ: Праз 3 гады пасля падаўлення пратэстаў у Беларусі працягваюць распраўляцца з журналістамі. Патрабуем вызвалення Ігара Карнея і іншых калег
23 сакавіка 2024, 13:29
Заява БАЖ: Праз 3 гады пасля падаўлення пратэстаў у Беларусі працягваюць распраўляцца з журналістамі. Патрабуем вызвалення Ігара Карнея і іншых калег
Праз 3 гады пасля падаўлення пратэстаў у Беларусі працягваюць распраўляцца з журналістамі. Патрабуем вызвалення Ігара Карнея і іншых калег.
Human Constanta: Обзор борьбы с «экстремизмом» в Беларуси за октябрь-декабрь 2023
22 сакавіка 2024, 15:09
Human Constanta: Обзор борьбы с «экстремизмом» в Беларуси за октябрь-декабрь 2023
В обзоре отражены основные тенденции использования маркеров «экстремизм» и «терроризм» в Беларуси с октября по декабрь 2023 года.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці