BYSOL далучыўся да Прынцыпаў дзейнасьці беларускіх праваабаронцаў
)
Фонд беларускай салідарнасьці BYSOL абвясьціў аб падпісаньні Прынцыпаў 10 сьнежня 2023 года, на цырымоніі ўручэньня Прэміі беларускай праваабарончай супольнасьці:
"10 сьнежня – Міжнародны дзень правоў чалавека. У гэты здень у 1948 годзе была прынятая Усеагульная дэклярацыя правоў чалавека, якая абвясьціла і зацьвердзіла правы асобы, грамадзянскія і палітычныя правы і свабоды.
Менавіта ў гэты дзень BYSOL падпісаў “Прыцыпы дзейнасьці праваабаронцаў Беларусі”, чым узяў на сябе абавязкі прыкладаць усе намаганьні для падтрыманьня і абароны людзей, якія церпяць перасьлед і рэпрэсіі.
– Фонд BYSOL трымаецца пастулятаў і стандартаў правоў чалавека, і падпісаньне Прынцыпаў сёньня, у Дзень правоў чалавека, ёсьць вельмі сымбалічным сьведчаньнем вызначэньня дзейнасьці нашай арганізацыі як той, якая шануе, распаўсюджвае і вызнае ўнівэрсальнасьць правоў чалавека, - адзначыў кіраўнік фонда Андрэй Стрыжак.
Прынцыпы дзейнасьці праваабаронцаў – гэта звод прафэсыйных і этычных правілаў, якія вызначаюць патрабаваньні да праваабаронцаў і іх прафэсыйнай дзейнасьці. Іх можна прачытаць на сайце Беларускага дома правоў чалавека імя Барыса Звозскава. На сёньня да гэтага дакумэнта далучыліся каля 30 беларускіх арганізацыяў.
У Міжнародны дзень правоў чалавека BYSOL віншуе калегаў і дзякуе ім за прынцыповасьць, адвагу і ахвярнасьць!"
Глядзiце таксама
)
)
)
)
)
Атрымаць падтрымку
