Конкурс на правядзенне даследвання праваабарончага сектара Беларусі

15 красавіка 2022, 08:11
Конкурс на правядзенне даследвання праваабарончага  сектара Беларусі

Беларускі Дом правоў чалавека імя Барыса Звозскава запрашае даследчыя арганізацыі і экспертаў прыняць удзел у конкурсе на правядзенне даследвання праваабарончага сектара Беларусі.

За паўтара гады, якія прайшлі пасля прэзідэнцкіх выбараў у жніўні 2020 года, сітуацыя ў беларускай грамадзянскай супольнасці крытычна пагоршылася. Праваабарончыя арганізацыі сутыкнуліся з істотнымі рызыкамі, якія выкліканыя крызiсам з правамі чалавека ў Беларусі і мэтанакіраваным пераследам праваабаронцаў, актывістаў і арганізацый грамадзянскай супольнасці, а таксама з выклікамі, звязанымі з пандэміяй COVID-19. 

У гэтай сітуацыі большасць праваабарончых арганізацый працягвае сваю дзейнасць, хаця некаторыя сталі менш актыўнымі. У той жа час у 2020 – 2021 гг. з'явіліся новыя арганізацыі і ініцыятывы, якія працуюць з правамі чалавека. Паколькі з 2016 года даследаванні сектара не праводзіліся, як у саміх праваабарончых арганізацый, так і ў стэйкхолдэраў, няма дастатковых дадзеных аб тым, у якім стане зараз знаходзіцца сектар.

 Задачы, метадалогія і тэрміны ацэнкі

Мэта даследвання: правядзенне аналізу стана, структуры, тэндэнцый развіцця і патрэбаў беларускага праваабарончага сектара.

Плануецца, што ў межах даследвання будзе праведзены аналіз: 

  • актараў сектара, іх роляў і ўзаемадзеянняў, уключаючы мэпінг арганізацый і ініцыятыў, якія ўзніклі пасля прэзідэнцкіх выбараў у жніўні 2020 года;

  • асноўных працэсаў развіцця і тэндэнцый, характэрных для праваабарончага сектара;

  • бачання прыярытэтаў развіцця сектара асноўнымі актарамі;

  • патрэбаў праваабарончых АГС.

Метадалогія даследвання: праграма даследвання, змест і дызайн яго інструментаў распрацоўваюцца пераможцам конкурсу і ўзгадняюцца з БДПЧ.

Чакаемы вынік: аналітычная справаздача на беларускай ці рускай мове, у якой будуць прадстаўлены абагульненыя дадзеныя даследвання адпаведна яго задачам. Справаздача павінна, акрамя іншага, уключаць рэзюмэ, апісанне метадалогіі ацэнкі, аналіз атрыманых дадзеных, высновы і рэкамендацыі.

БДПЧ плануе, што вынікі даследавання будуць выкарыстоўвацца рознымі зацікаўленымі бакамі (праваабарончымі АГС, іншымі прадстаўнікамі грамадзянскай супольнасці, міжнароднымі арганізацыямі, донарамі і імплементарамі) для вызначэння прыярытэтаў, планавання дзейнасці і ўзаемадзеяння з праваабарончай супольнасцю.

Тэрміны правядзення даследавання: 1 траўня - 31 жніўня 2021 г.

Месца ажыццяўлення: плануецца, што праца па ацэнцы будзе весціся пераважна ў анлайн-фармаце. У залежнасці ад месцазнаходжання даследчыкаў магчыма правядзенне сустрэч з замоўнікам і рэспандэнтамі афлайн.

Максімальны бюджэт: 4500 еўра. 

 Правілы ўдзелу ў конкурсе і падача конкурснай прапановы

 

Прыняць удзел у конкурсе на правядзенне ацэнкі могуць арганізацыі, асобныя эксперты і групы экспертаў, якія:

  • маюць досвед правядзення падобных даследванняў па вывучэнні арганізацый грамадзянскай супольнасці;

  • разумеюць спецыфіку працы беларускіх праваабарончых арганізацый;

  • валодаюць кампетэнцыямі, неабходнымі для правядзення індывідуальных і групавых інтэрв’ю, анкетных апытанняў, у тым ліку, анлайн;

  • маюць выдатныя аналітычныя навыкі, уключаючы навыкі аналізу, падрыхтоўкі справаздач і распрацоўкі рэкамендацый.

 

У конкурсную прапанову неабходна ўключыць:

  1. Інфармацыю аб асобах/арганізацыі, што будуць праводзіць даследванне, уключаючы папярэдні досвед выканання падобнай працы;

  2. Кароткае апісанне метадалогіі ацэнкі і яе абгрунтаванне (чаму менавіта гэтыя метады і інструменты прапануецца выкарыстоўваць);

  3. План і графік ацэнкі;

  4. Бюджэт ацэнкі.

 

Конкурсную прапанову на рускай або беларускай мове неабходна даслаць на электронную пошту capacity@belhumanrights.house не пазней за 25 красавіка 2022 г. Па гэтым жа адрасе можна звяртацца пры ўзнікненні пытанняў або неабходнасці ўдакладніць інфармацыю датычна конкурсу.

Глядзiце таксама

БДПЧ шукае даследнікаў для ацэнкі праграмнай дзейнасці ў 2021-2024 гг.
05 сакавіка 2024, 08:37
БДПЧ шукае даследнікаў для ацэнкі праграмнай дзейнасці ў 2021-2024 гг.
Беларускі дом правоў чалавека імя Барыса Звозскава шукае даследнікаў, якія зладзяць ацэнку праграмнай дзейнасці БДПЧ у 2021-2024 годзе.
БДПЧ абвяшчае конкурс грантаў для развіцця арганізацыйнага патэнцыялу
05 студзеня 2024, 10:17
БДПЧ абвяшчае конкурс грантаў для развіцця арганізацыйнага патэнцыялу
Беларускі дом правоў чалавека імя Барыса Звозскава абвяшчае конкурс на падтрымку арганізацыяў грамадзянскай супольнасці, што працуюць з тэмамі правоў чалавека.
Арганізацыйная падтрымка ад «РАДА»
27 кастрычніка 2023, 11:06
Арганізацыйная падтрымка ад «РАДА»
Праграма арганізацыйнай падтрымкі Беларускага нацыянальнага моладзевага савета «РАДА» прызначана для аказання кароткатэрміновай дапамогі прадстаўнікам_цам моладзевых арганізацый і ініцыятыў, актывістам_кам моладзевага сектара, якія пацярпелі ад палітычнага пераследу.
Стыпендыяльная праграма для журналістаў ад Free Belarus Center
25 верасня 2023, 08:23
Стыпендыяльная праграма для журналістаў ад Free Belarus Center
Free Belarus Center запускае стыпендыяльную праграму для беларускіх актывістаў_ак, журналістаў_ак і праваабаронцаў. Адабраныя стыпендыянты_кі змогуць рэалізаваць свой уласны праект альбо пройдуць стажыроўку ў профільнай арганізацыі цягам 3 месяцаў.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці