Праграма «Грамадзянская супольнасць для развіцця Беларусі» абвяшчае конкурс на падтрымку праектаў

Праграма «Грамадзянская супольнасць для развіцця Беларусі» аднаўляе конкурс на падтрымку праектаў беларускіх арганізацый грамадзянскай супольнасці. Падтрымаюць праекты з бюджэтам ад 8 000 да 30 000 еўра, працягласць – да 1 траўня 2024 года. Дэдлайн: 24 верасня.

ПРЫЯРЫТЭТЫ КОНКУРСУ

• Развіццё патэнцыялу беларускіх арганізацый грамадзянскай супольнасці, у тым ліку стварэнне і развіццё кааліцый, супрацоўніцтва і партнёрства паміж структурамі і арганізацыямі грамадзянскай супольнасці

• Развіццё інфраструктуры бізнес-асацыяцый, клубаў і іншых бізнес-супольнасцей у Беларусі і за мяжой, якія абараняюць інтарэсы беларускага бізнесу

• Развіццё грамадзянскіх кампетэнцый, міратворчасць, спрыянне грамадзянскаму ўдзелу беларусаў, якія знаходзяцца ў Беларусі і за мяжой

• Прасоўванне каштоўнасцяў правоў чалавека, інклюзіі, гендарнай роўнасці, экапрыязнасці, добрага кіравання (good governance) у беларускім грамадстве

Вітаюцца праекты, распрацаваныя моладзевымі арганізацыямі і ініцыятывамі для маладых людзей

Праекты могуць быць часткова накіраваны на ўмацаванне арганізацыйнага патэнцыялу заяўніка (да 40% бюджэту).

УМОВЫ КОНКУРСУ

Для каго

грамадскія арганізацыі, ініцыятыўныя групы грамадзян, СМІ, медыя-рэсурсы, бізнес-асацыяцыі, камерцыйныя арганізацыі

Рэсурсы

Гранты ад 8 000 да 30 000 еўра

Працягласць

Праекты павінны завяршыцца да 1 мая 2024 года

Тэрміны

1-ы набор: да 20.08.2023
2-і набор: да 24.09.2023

ГЛЯДЗЕЦЬ УСЕ ЎМОВЫ КОНКУРСУ

Індывідуальныя заяўнікі не могуць удзельнічаць у дадзеным конкурсе.

Сродкі гранта могуць быць пераведзены толькі на банкаўскі рахунак арганізацыі, зарэгістраванай за межамі Беларусі. Арганізацыя-атрымальніца сродкаў павінна быць заяўніцай ці партнёркай праекта.

Падрабязней на старонцы праграмы «Грамадзянская супольнасць для развіцця Беларусі»