Псіхалагічная і псіхіятрычная падтрымка для актывістаў

Беларуская нацыянальная платформа і Беларускі нацыянальны моладзевы савет «РАДА» разам з партнёрамі абвяшчае пра магчымасць псіхалагічнай і псіхіятрычнай падтрымкі для актывістаў грамадзянскай супольнасці.

Дапамога ў межах праекта «Экстраная падтрымка грамадзянскай супольнасці Беларусі 2022-23» накіраваная на актывістаў, якія:

• знаходзяцца пад ціскам або пацярпелі ад рэпрэсій з боку беларускага палітычнага рэжыму;

• адчуваюць псіха-эмацыйнае выгаранне;

• якім патрабуецца псіхалагічная, псіхатэрапеўтычная дапамога і падтрымка.

У межах дапамогі кампенсуюцца наступныя выдаткі:

• індывідуальная псіхалагічная падтрымка;

• групавая псіхалагічная падтрымка;

• кансультацыя псіхіятра/псіхатэрапеўта.

Падтрымка аказваецца на падставе заявак, якія разгледзіць адмысловая камісія.

Каб падаць заяўку на падтрымку, трэба запоўніць форму: https://forms.gle/yvjqHWHXWQ6ZnSgdA

Калі засталіся пытанні, пішыцце на пошту: orgpro@protonmail.com
У тэме паведамлення трэба пазначыць «Псіхалагічная дапамога».