Вакансія ў Беларускім доме правоў чалавека імя Барыса Звозскава: Эксперт(ка) па арганізацыйным развіцці

Пазіцыя: Эксперт(ка) па арганізацыйным развіцці

Праект: Развіццё арганізацыйнага патэнцыялу БДПЧ

Працягласць: 13 працоўных дзён у верасні - снежні 2025

Тып занятасці: Кароткатэрміновы кансультант

Мэта пазіцыі: Удасканаленне арганізацыйнай структуры і прынцыпаў кіравання ў БДПЧ праз аналіз, распрацоўку новага рэгламента размеркавання адказнасцей і прыняцця рашэнняў і суправаджэнне ў працэсе змен.

Задачы і асноўныя абавязкі:

Аналіз бягучай структуры і працэсаў:

• Апытанне супрацоўнікаў і вывучэнне дакументаў.

• Выяўленне слабых месцаў у сістэме прыняцця рашэнняў і размеркавання адказнасці.

Распрацоўка новага рэгламенту размеркавання адказнасцей і прыняцця рашэнняў:

• Стварэнне абноўленай арганізацыйнай структуры.

• Фармалізацыя механізмаў прыняцця рашэнняў.

Стратэгічная сесія:

• Прэзентацыя праекта рэгламента для абмеркавання і зацвярджэння з камандай і Радай БДПЧ.

Кансультацыі:

• Суправаджэнне працэсу ўкаранення новай структуры і механізмаў прыняцца рашэнняў.

Патрабаванні да кваліфікацыі:

• Мінімум 3 гады досведу ў сферы арганізацыйнага развіцця і кіравання зменамі.

• Прафесійная дасведчанасць у дэмакратычным кіраванні НДА.

• Добрае валоданне метадалогіямі аналізу арганізацыйных працэсаў.

• Досвед у супрацоўніцтве з грамадзянскай супольнасцю.

• Гнуткасць і адаптыўнасць у падыходах да працы.

Чаканыя вынікі:

• Аналітычная запіска пра сільныя і слабыя бакі існуючай структуры.

• Праект рэгламенту (з апісаннем размеркавання адказнасці і механізмаў прыняцця рашэнняў).

• Прэзентацыйныя матэрыялы.

• Пісьмовыя рэкамендацыі і справаздачы па кансультацыях.

Аўтарскае права і канфідэнцыйнасць:

Усе матэрыялы, распрацаваныя кансультантам(кай), з’яўляюцца ўласнасцю БДПЧ. Уся інфармацыя, атрыманая падчас работы, з’яўляецца канфідэнцыйнай.

Падача заяўкі:

Каб прапанаваць сваю кандыдатуру, калі ласка, дашліце CV з актуальнымі кантактамі не менш за двух асоб або арганізацый, якія могуць пацвердзіць ваш прафесійны досвед, а таксама пажаданы ганарар за працоўны дзень на program@belhumanrights.house да 22 жніўня 2025 года (уключна). Адабраныя кандыдаты/кандыдаткі будуць запрошаны на сумоўе да 1 верасня.