ААН зьбірае інфармацыю аб парушэньнях правоў чалавека ў Беларусі, якія адбыліся з 1 траўня 2020 году

10 October 2022, 5:56 PM
ААН зьбірае інфармацыю аб парушэньнях правоў чалавека ў Беларусі, якія адбыліся з 1 траўня 2020 году

На фота: Сілавікі падчас разгонаў акцый пратэсту ў 2020 годзе, Радыё Свабода

Офіс Вярхоўнага камісара у правах чалавека ААН запрашае асоб, групы і арганізацыі слаць ім інфармацыю і дакумэнтальныя пацьверджаньні, якія адносяцца да мандата разгляду пытаньня аб становішчы ў галіне правоў чалавека ў Беларусі, піша Радыё Свабода.

Офіс правоў чалавека ААН зацікаўлены ў атрыманьні інфармацыі, якая тычыцца ўсіх меркаваных парушэньняў правоў чалавека, учыненых у Беларусі з 1 траўня 2020 году, уключаючы магчымыя гендэрная аспэкты такіх парушэньняў.

Нягледзячы на тое, што крайні тэрмін падачы інфармацыі — 30 лістапада 2022 году, рэкамэндуецца дасылаць матэрыялы як мага раней, каб сакратарыят меў дастаткова часу для апрацоўкі інфармацыі і, пры неабходнасьці, наступных дадатковых дзеяньняў.

Адзначаецца, што Офіс правоў чалавека надае першараднае значэньне абароне крыніц. Раскрыцьцё асобы людзей, якія супрацоўнічаюць з Офісам, і выкарыстаньне дадзенай імі інфармацыі будзе магчымым выключна зь іхнай інфармаванай згоды.

У мэтах бясьпекі і канфідэнцыйнасьці пададзенай інфармацыі рэкамэндуецца накіроўваць яе праз абароненае воблака, створанае Офісам для гэтых мэтаў.

Пасьля прэзыдэнцкіх выбараў 2020 году ў Беларусі рэзка павялічыўся маштаб рэпрэсій у дачыненьні да людзей, якія выказалі сваю грамадзянскую пазыцыю. У выніку — дзясяткі тысяч беларусаў прайшлі празь перасьлед і эмігравалі.

Праваабаронцы працягваюць фіксаваць факты парушэньняў правоў чалавека — штодзённа ў краіне выносяцца палітычна матываваныя прысуды, людзі падвяргацца катаваньням у зьняволеньні і падчас затрыманьняў.

На стане на 11 кастрычніка 2022 году праваабарончы цэнтар «Вясна» прызнаў палітычнымі зьняволенымі 1344 чалавекі.

На фоне саўдзелу Беларусі ў расейскай агрэсіі супраць Украіны апошнія месяцы адбываецца таксама перасьлед беларусаў, якія нейкім чынам выказаліся супраць вайны.

Артыкул з сайта Радыё Свабода

See more news

Працоўная група ААН прызнала парушэнні правоў палітзняволенага адваката Віталя Брагінца
24 January 2024, 5:56 PM
Працоўная група ААН прызнала парушэнні правоў палітзняволенага адваката Віталя Брагінца
Працоўная група ААН па адвольных затрыманнях разгледзела справу Віталя Брагінца і прыйшла да высновы, што Беларусь парушыла яго правы.
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
20 January 2024, 4:08 PM
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
Камітэт ААН па правах чалавека прыняў рашэнне па "справе аб экстрэмізме" супраць гамельчука Паўла Катаржэўскага. У 2017 годзе хлопца асудзілі за рэпост "Вконтакте" з групы "Революционное действие".
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
20 January 2024, 3:35 PM
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
Камітэт ААН па правах чалавека даслаў праваабаронцу Леаніду Судаленка рашэнне (№2929/2017) наконт скаргі аб сістэматычных парушэннях недатыкальнасці яго прыватнага жыцця, гарантаванага артыкулам 17 Міжнароднага пакту аб грамадзянскіх ды палітычных правах.
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
20 January 2024, 3:25 PM
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
Суд Івацэвіцкага раёна 15 студзеня пастанавіў замяніць палітвязню Рыгору Кастусёву, асуджанаму да 10 гадоў калоніі, рэжым утрымання на турэмны.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці