«Абарона права на жыццё». Спецдакладчыкі ААН звярнуліся да ўладаў Беларусі

29 March 2023, 11:46 AM
«Абарона права на жыццё». Спецдакладчыкі ААН звярнуліся да ўладаў Беларусі

Спецыяльны дакладчык па пытанні аб стане ў галіне правоў чалавека ў Беларусі і Спецыяльны дакладчык па пытанні аб пазасудовых пакараннях, пакараннях без належнага судовага разбору ці адвольных пакараннях у рамках спецыяльных працэдур АНН звярнуліся да ўладаў Беларусі ў сувязі з папраўкамі ў Крымінальны кодэкс, якія пашыраюць прымяненне смяротнага пакарання ў Беларусі. Такое паведамленне было размешчана на Сайце Упраўлення ААН па правах чалавека.

"Просім растлумачыць, як абноўлены Крымінальны кодэкс, асабліва ў частцы, якая тычыцца смяротнага пакарання за злачынствы дзяржаўнай здрады, будзе сумяшчальны з міжнароднымі абавязацельствамі Беларусі ў галіне правоў чалавека, асабліва ў дачыненні да абароны права на жыццё, заяўленага ў Міжнародным пакце аб грамадзянскіх і палітычных правах", — напісалі спецдакладчыкі ў сваім звароце да Беларусі.

Спецдакладчыкі заклікалі Беларусь прыпыніць набыццё моцы перагледжанага Крымінальнага кодэкса.

Акрамя таго, спецдакладчыкі паўтарылі заклік разглядзець пытанне аб устанаўленні афіцыйнага мараторыя на ўсе пакаранні як першы крок да поўнай адмены смяротнага пакарання ў краіне.

Паведамленне на Сайце Упраўлення ААН па правах чалавека да Беларусі з'явілася 22 сакавіка. Тым не менш, 25 сакавіка 2023 года ўвайшлі ў сілу папраўкі ў Крымінальны кодэкс Беларусі, якія прадугледжваюць пашырэнне прымянення смяротнага пакарання ў дачыненні да дзяржаўных службовых асобаў і вайскоўцаў, асуджаных за дзяржаўную здраду.

Артыкул з сайту "Вясны"

See more news

Беларускі ПЭН: Хроніка парушэнняў правоў чалавека ў сферы культуры 1–15 красавіка 2025 года
17 April 2025, 12:57 PM
Беларускі ПЭН: Хроніка парушэнняў правоў чалавека ў сферы культуры 1–15 красавіка 2025 года
На 15 красавіка 2025 года: Людзей Слова ў няволі (ці з абмежаваннем волі – адбываюць «хатнюю хімію») – не менш за 36, дзеячаў культуры ў няволі (ці з абмежаваннем волі – адбываюць «хатнюю хімію») – не менш за 165.
Агляд «Вясны». Сітуацыя з правамі чалавека ў Беларусі ў сакавіку 2025 года
14 April 2025, 1:08 PM
Агляд «Вясны». Сітуацыя з правамі чалавека ў Беларусі ў сакавіку 2025 года
Сітуацыя з правамі чалавека ў Беларусі застаецца крытычна цяжкай.
Тбіліскі Дом правоў чалавека вінавацяць у сабатажы і падтрымцы гвалту, яго рахункі заблакаваныя
07 April 2025, 3:51 PM
Тбіліскі Дом правоў чалавека вінавацяць у сабатажы і падтрымцы гвалту, яго рахункі заблакаваныя
На рахунках арганізацыі, якія былі замарожаныя на патрабаванне пракуратуры Грузіі, знаходзіліся ахвяраванні, сабраныя для пакрыцця штрафаў.
«Рэакцыя на грамадскі супраціў». У Беларусі за «экстрэмісцкія фармаванні» асудзілі мінімум 258 чалавек
07 April 2025, 12:27 PM
«Рэакцыя на грамадскі супраціў». У Беларусі за «экстрэмісцкія фармаванні» асудзілі мінімум 258 чалавек
У апошнія гады рэжым Лукашэнкі маштабна выкарыстоўвае антыэкстрэмісцкае заканадаўства для пераследу іншадумцаў.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці