«Адмова Следчага камітэта пачаць крымінальныя справы парушае міжнародныя абавязкі Беларусі»

13 September 2021, 10:46 AM
«Адмова Следчага камітэта пачаць крымінальныя справы парушае міжнародныя абавязкі Беларусі»

Міжнародная платформа для Беларусі па прыцягненні вінаватых да адказнасці выступіла з заявай у адказ на рашэнне Следчага камітэта Беларусі, які 26 жніўня абвясціў, што інфармацыя аб катаваннях і іншых злачынствах, у тым ліку жорсткім абыходжанні і сэксуальным гвалце, не будзе расследавацца ў межах крымінальных справаў і, такім чынам, не прывядзе да судовага пераследу вінаватых.

Паведамленне СК “дэманструе нежаданне Беларусі праводзіць аператыўнае, эфектыўнае і бесстаронняе расследаванне абвінавачванняў у датычнасці дзяржаўных органаў да злачынстваў, прадугледжаных міжнародным правам”.

"Адмова Следчага камітэта ва ўзбуджэнні крымінальных справаў парушае абавязальніцтвы Беларусі ў галіне міжнароднага права", — гаворыцца ў заяве.

Згодна з артыкулам 12 Канвенцыі ААН супраць катаванняў (UNCAT), Беларусь абавязана аператыўна і бесстаронне расследаваць дзеянні, калі існуюць абгрунтаваныя падставы меркаваць, што на любой тэрыторыі, якая знаходзіцца пад яе юрысдыкцыяй, былі здзейсненыя любыя формы катаванняў або жорсткага абыходжання. Артыкул 13 Канвенцыі дае ахвярам катаванняў права звяртацца са скаргамі ў кампетэнтныя органы, якія мусяць разгледзець іх заявы аператыўна, эфектыўна і бесстаронне. Дзяржава павінна зрабіць захады для забеспячэння абароны ахвяраў ад далейшага жорсткага абыходжання або запалохвання.

Міжнародная платформа па прыцягненні вінаватых да адказнасці яшчэ раз пацвярджае свой намер працягваць збор, захаванне і аналіз інфармацыі і доказаў злачынстваў, прадугледжаных міжнародным правам, учыненых беларускімі ўладамі напярэдадні прэзідэнцкіх выбараў 2020 года і пасля іх. Мэта Платформы — “зрабіць унёсак у працэсы адказнасці, якія б забяспечылі справядлівасць для ахвяраў гвалту і іх суполак, а таксама прыцягненне да адказнасці асобаў, адказных за гэтыя злачынствы.”

Пераклад на беларускую мову - ПЦ "Вясна"


Міжнародная платформа для Беларусі па прыцягненні вінаватых да адказнасці (International Accountability Platform for Belarus) — гэта кансорцыум беларускіх і міжнародных праваабарончых арганізацый. Дзейнасць IAPB падтрымлівае 21 дзяржава.

See more news

Працоўная група ААН прызнала парушэнні правоў палітзняволенага адваката Віталя Брагінца
24 January 2024, 5:56 PM
Працоўная група ААН прызнала парушэнні правоў палітзняволенага адваката Віталя Брагінца
Працоўная група ААН па адвольных затрыманнях разгледзела справу Віталя Брагінца і прыйшла да высновы, што Беларусь парушыла яго правы.
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
20 January 2024, 4:08 PM
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
Камітэт ААН па правах чалавека прыняў рашэнне па "справе аб экстрэмізме" супраць гамельчука Паўла Катаржэўскага. У 2017 годзе хлопца асудзілі за рэпост "Вконтакте" з групы "Революционное действие".
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
20 January 2024, 3:35 PM
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
Камітэт ААН па правах чалавека даслаў праваабаронцу Леаніду Судаленка рашэнне (№2929/2017) наконт скаргі аб сістэматычных парушэннях недатыкальнасці яго прыватнага жыцця, гарантаванага артыкулам 17 Міжнароднага пакту аб грамадзянскіх ды палітычных правах.
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
20 January 2024, 3:25 PM
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
Суд Івацэвіцкага раёна 15 студзеня пастанавіў замяніць палітвязню Рыгору Кастусёву, асуджанаму да 10 гадоў калоніі, рэжым утрымання на турэмны.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці