Амерыканская асацыяцыя адвакатаў выступіла ў падтрымку зняволеных праваабаронцаў «Вясны»

27 March 2023, 8:42 AM
Амерыканская асацыяцыя адвакатаў выступіла ў падтрымку зняволеных праваабаронцаў «Вясны»

Амерыканская асацыяцыя адвакатаў накіравала ў Мінскі гарадскі суд сваё экспертнае заключэнне аб несправядлівым і незаконным прысудзе тром праваабаронцам «Вясны» – Алесю Бяляцкаму, Валянціну Стэфановічу і Уладзіміру Лабковічу, якія асудзілі на дзесяць, дзевяць і сем гадоў зняволення адпаведна.

Экспертнае заключэнне з пункту гледжання міжнароднага права была падрыхтавана pro bono камандай юрыстаў сусветна вядомай міжнароднай юрыдычнай фірмы Hughes Hubbard & Reed LLP, якая надае юрыдычныя паслугі ў розных галінах практыкі, у тым ліку міжнароднае публічнае права.

У заключэнні асноўная ўвага надавалася таму, як абвінавачванні супраць праваабаронцаў “Вясны” ў гэтым выпадку парушаюць Міжнародны пакт аб грамадзянскіх і палітычных правах, удзельнікам якога з'яўляецца Беларусь, і падкрэслівалася, што, як дзяржава-удзельніца Пакта, Беларусь абавязаная "абараняць правы, гарантаваныя Пактам, і пашыраць гэтыя гарантыі". Азнаёміўшыся са справаздачамі пра публічны судовы разгляд, Hughes Hubbard лічыць, што судовы пераслед абвінавачаных вясноўцаў па гэтай справе "з'яўляецца вынікам ажыццяўлення іх грамадзянскіх і палітычных правоў" і "імкнецца заглушыць іншадумства і пакараць абвінавачаных за працу па абароне асноўных правоў".  У дакуменце робіцца выснова, што абвінавачванні супраць праваабаронцаў "не маюць законных падставаў і ўяўляюць сабой недапушчальныя абмежаванні свабоды выказвання меркаванняў, сходаў і асацыяцый, гарантаваных артыкулам 19, артыкулам 21 і артыкулам 22 Пакта". На думку экспертаў, ураду не ўдалося прадэманстраваць, што гэтыя абмежаванні з'яўляюцца неабходнымі або суразмернымі. Акрамя таго, папярэдняе зняволенне Бяляцкага, Стэфановіча і Лабковіча парушыла палажэнні Пакта, бо яно было адвольным.  У заключэнні таксама ўтрымліваўся заклік да апраўдання абвінавачаных і іх вызвалення з-пад варты ў адпаведнасці з абавязацельствамі Беларусі па міжнародным праве.

“Падача экспертнай заключэння мае важнае значэнне, паколькі для Беларусі важна працягваць выконваць асноўныя міжнародныя стандарты ў галіне правоў чалавека і выконваць свае абавязацельствы па забеспячэнні таго, каб народ Беларусі меў доступ да тых жа сродкаў абароны, якія даступныя іншым”,  - адзначаюць эксперты.

Нагадаем, праваабаронцаў "Вясны" Алеся Бяляцкага, Валянціна Стэфановіча і Уладзіміра Лабковіча затрымалі 14 ліпеня 2021 года і абвінавацілі ў нясплаце падаткаў у буйным памеры. Незадоўга да сканчэння следства справу супраць іх перакваліфікавалі ў "кантрабанду арганізаванай групай" і "фінансаванне актыўных дзенняў, што груба парушаюць грамадскі парадак". 3 сакавіка 2023 года суд Ленінскага раёна г. Мінска асудзіў Алеся Бяляцкага да 10 гадоў пазбаўлення волі, Валянціна Стэфановіча – да 9 гадоў пазбаўлення волі, Уладзіміра Лабковіча – да 7 гадоў пазбаўлення волі, а таксама сябра арганізацыіЗмітра Салаўёва – да 8 гадоў пазбаўлення волі завочна. Акрамя таго, усім абвінавачаным суд прызначыў вялізныя штрафы (ад 111 тысяч да 185 тысяч беларускіх рублёў) і пастанавіў спагнаць у салідарным парадку суму ў памеры 752 тысячы рублёў (каля 300 тыс. долараў ЗША).

Інфармацыя з сайту "Вясны"

See more news

«Репортеры без границ» призывают европейские страны увеличить поддержку белорусских СМИ в изгнании
15 April 2024, 12:41 PM
«Репортеры без границ» призывают европейские страны увеличить поддержку белорусских СМИ в изгнании
Белорусские журналисты, оказавшиеся в изгнании в Европе, сталкиваются с экономическими проблемами, которые угрожают выживанию их СМИ, говорится в докладе аналитического центра для профессионалов СМИ The Fix, и созданного организацией «Репортеры без границ» (RSF) фонда поддержки журналистики в изгнании JX Fund.
КПЧ ААН зарэгістраваў індывідуальны зварот супраць Беларусі экс-палітвязня Змітра Фурманава
15 April 2024, 11:23 AM
КПЧ ААН зарэгістраваў індывідуальны зварот супраць Беларусі экс-палітвязня Змітра Фурманава
Былы палітзняволены Зміцер Фурманаў падаў індывідуальны зварот супраць Беларусі ў Камітэт па правах чалавека ААН.
Прадстаўнікі журналісцкіх арганізацый Афрыкі запатрабавалі вызвалення беларускіх калег
15 April 2024, 11:05 AM
Прадстаўнікі журналісцкіх арганізацый Афрыкі запатрабавалі вызвалення беларускіх калег
Прадстаўнікі кантынентальнай сеткі AFEX па свабодзе слова і правах медыя ў Афрыцы далучыліся да Марафону салідарнасці са зняволенымі беларускімі журналістамі.
Працягнуты мандат Спэцыяльнага дакладчыка аб стане правоў чалавека ў Беларусі і створаны ворган рассьледаваньня парушэньняў правоў чалавека
10 April 2024, 8:52 AM
Працягнуты мандат Спэцыяльнага дакладчыка аб стане правоў чалавека ў Беларусі і створаны ворган рассьледаваньня парушэньняў правоў чалавека
Рада па правах чалавека (РПЧ) ААН 4 красавіка на пасяджэнні 55-й сесіі ў Жэневе прыняла рэзалюцыю, якой працягнуа мандат Спецыяльнага дакладчыка па Беларусі.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці