Amnesty International абвясціла кампанію ў падрымку Сяргея Ціханоўскага

Міжнародная праваабарончая арганізацыя Amnesty International абвясціла кампанію ў падрымку Сяргея Ціханоўскага. Палітвязня ўжо больш за 50 дзён трымаюць у штрафным ізалятары.

Тэлеграм-канал «Турма для жыцця» паведамляе, што палітвязень Сяргей Ціханоўскі ўжо 50 дзён бесперапынна знаходзіцца ў штрафным ізалятары жодзінскай турмы.

14 снежня 2021 года Ціханоўскага асудзілі да 18 гадоў зняволення ў калоніі ўзмоцненага рэжыму. У папраўчай калоніі ён знаходзіўся толькі адзін месяц, а потым яму змянілі рэжым на турэмны.

Amnesty International заклікае звярнуцца да начальніка Дэпартамента выканання пакарання (ДВП) МУС Беларусі з патрабаваннем спыніць жорсткае абыходжанне і дамагчыся поўнага вызвалення Сяргея Ціханоўскага. Кампанія працягнецца да 30 лістапада.

Падтрымаць Сяргея лістамі салідарнасці і паштоўкамі: турма № 8, 222163, г. Жодзіна, вул. Савецкая, 22А, Сяргей Леанідавіч Ціханоўскі

Напісаць анлайн 👉 bit.ly/3PIOcjz