Amnesty International патрабуе вызвалення Леаніда Судаленкі і Таццяны Ласіцы

14 January 2022, 4:49 PM
Amnesty International патрабуе вызвалення Леаніда Судаленкі і Таццяны Ласіцы

Леанід Судаленка і Таццяна Ласіца ў судзе. Фота "Гомельская Вясна"

Беларускія ўлады павінны неадкладна вызваліць кіраўніка і валанцёрку гомельскага аддзялення Праваабарончага цэнтра "Вясна" — Леаніда Судаленку і Таццяну Ласіцу, заявіла Amnesty International пасля таго, як Гомельскі абласны суд у пятніцу, 14 студзеня, пацвердзіў іх абвінаваўчы прысуд, вынесены судом ніжэйстаячай інстанцыі 3 лістапада 2021 года.

Тады Цэнтральны раённы суд Гомеля асудзіў Судаленку і Ласіцу да трох і двух з паловай гадоў зняволення адпаведна, прызнаўшы іх вінаватымі ў арганізацыі і падрыхтоўцы "дзеянняў, якія груба парушаюць грамадскі парадак". Amnesty International мяркуе, што іх пераследуюць па абсалютна надуманых абвінавачваннях, звязаных з мірнымі пратэстамі ў адказ на парушэнні падчас прэзідэнцкіх выбараў у 2020 годзе.

"Леанід Судаленка і Таццяна Ласіца не здзейснілі ніякай міжнароднай прызнанай крымінальнай дзеі, прысуд ім — пакаранне за іх законную праваабарончую дзейнасць, якое разам з крымінальным пераследам іх калегаў па Праваабарончым цэнтры "Вясна" з'яўляецца часткай развязанай уладамі Беларусі кампаніі па знішчэнні грамадзянскай супольнасці і задушэнні асноватворных правоў чалавека ў краіне. Судаленка і Ласіца павінны быць неадкладна і безумоўна вызваленыя", — заявіла дырэктарка Amnesty International па Усходняй Еўропе і Цэнтральнай Азіі Мары Стразерс.

Яна таксама дадала: 

"Беларускія ўлады дзейнічаюць злачынна, праводзячы кампанію запалохвання і фабрыкуючы крымінальныя справы супраць сваіх крытыкаў і тых, хто іх абараняе. Мы патрабуем неадкладнай свабоды для нашых калегаў у Беларусі і для ўсіх, хто пазбаўлены волі за праваабарончую дзейнасць або мірны пратэст".

Леанід Судаленка быў арыштаваны 18 студзеня 2021 года разам са сваёй калегай Марыяй Тарасенка. Праз тры дні яна была вызваленая пад падпіску аб невыяздзе, пасля чаго ў яе атрымалася пакінуць краіну. Таццяна Ласіца была затрыманая 21 студзеня 2021 года ў мінскім аэрапорце пры спробе вылецець з Беларусі ў Літву.

Пераслед Судаленкі і ягоных калегаў з'яўляецца часткай шырокай кампаніі супраць Праваабарончага цэнтра "Вясна" — адной з самых паважаных праваабарончых арганізацый Беларусі. Летась у сакавіку супраць "Вясны" была заведзеная крымінальная справа па надуманым падазрэнні ў "арганізацыі і падрыхтоўцы дзеянняў, якія груба парушаюць грамадскі парадак" (арт. 342 КК РБ), пасля чаго былі арыштаваныя ейны кіраўнік Алесь Бяляцкі, ягоныя паплечнікі Валянцін Стэфановіч і Уладзімір Лабковіч. Яшчэ раней, 17 верасня 2020 года, была арыштаваная паводле беспадстаўных абвінавачванняў у "арганізацыі і ўдзеле ў масавых беспарадках" каардынатарка валанцёрскай службы "Вясны" Марфа Рабкова, а 3 кастрычніка 2020 года па справе аб "арганізацыі масавых беспарадкаў" быў узяты пад варту валанцёр "Вясны" Андрэй Чапюк.

У снежні 2021 года ўлады Беларусі адвольна прызналі "экстрэмісцкімі матэрыяламі" публікацыі "Вясны" ў Telegram-канале і сацыяльных сетках.

У першую гадавіну пачатку пераследу супрацоўнікаў "Вясны" 17 верасня 2021 года 20 міжнародных і беларускіх праваабарончых арганізацый абвясцілі аб пачатку кампаніі #FreeViasna з патрабаваннем вызваліць семярых затрыманых сябраў "Вясны".

See more news

Резолюция Европарламента: Остановить репрессии в Беларуси и отменить смертную казнь
24 May 2022, 11:24 AM
Резолюция Европарламента: Остановить репрессии в Беларуси и отменить смертную казнь
Европарламент подписал резолюцию о санкциях в отношении Беларуси и России. Телеграм-канал «Мая краіна Беларусь» собрал основные тезисы.
Віцэ-спікер Бундэстага Клаўдыя Рот: «Прэмія Карла Вялікага для Ціханоўскай, Калеснікавай і Цапкала – гэта сігнал далёка за межы Беларусі»
24 May 2022, 10:17 AM
Віцэ-спікер Бундэстага Клаўдыя Рот: «Прэмія Карла Вялікага для Ціханоўскай, Калеснікавай і Цапкала – гэта сігнал далёка за межы Беларусі»
Лідэры беларускага дэмакратычнага руху будуць узнагароджаныя сёлета прэміяй Карла Вялікага. Нямецка-швейцарская праваабарончая арганізацыя “Ліберэка” ўзяла каментар у Таццяны Хоміч, сястры Марыі Калеснікавай, і Клаўдыі Рот, віцэ-спікера Бундэстага.
Комитет защиты журналистов: «Задержание Дмитрия Лукши держалось в секрете, пока активисты случайно не узнали об этом через два месяца»
24 May 2022, 9:47 AM
Комитет защиты журналистов: «Задержание Дмитрия Лукши держалось в секрете, пока активисты случайно не узнали об этом через два месяца»
Правозащитная организация «Комитет защиты журналистов» выступила с заявлением по поводу появившейся информации о тайном аресте в Беларуси журналиста-фрилансера Дмитрия Лукши.
«Рэпарцёры без межаў» публікюць партрэты 27 зняволеных прадстаўнікоў СМІ ў Беларусі
24 May 2022, 9:16 AM
«Рэпарцёры без межаў» публікюць партрэты 27 зняволеных прадстаўнікоў СМІ ў Беларусі
23 траўня адзначаецца год з таго, як рэжым Аляксандра Лукашэнкі захапіў самалёт, каб арыштаваць журналіста Рамана Пратасевіча. Арганізацыя «Рэпарцёры без межаў» нагадвае свету, што ў беларускіх турмах зняволеныя 27 супрацоўнікаў СМІ, і заклікае іх вызваліць.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці