Amnesty International: прысуд беларускай праваабаронцы Насты Лойцы — гэта разбуральны ўдар па супольнасці актывістаў

03 July 2023, 8:48 AM
Amnesty International: прысуд беларускай праваабаронцы Насты Лойцы — гэта разбуральны ўдар па супольнасці актывістаў

Рэагуючы на навіну пра тое, што Наста Лойка, беларуская праваабаронца і адукатарка, была асуджаная да сямі гадоў калоніі на падставе сфабрыкаваных абвінавачванняў падчас закрытага судовага працэсу, Мары Стразерс, рэгіянальная дырэктарка Amnesty International па Усходняй Еўропе і Цэнтральнай Азіі, заявіла: 

«Прысуд Насты Лойцы на падставе сфабрыкаваных абвінавачванняў у выніку сакрэтнага судовага фарсу наносіць сакрушальны ўдар па супольнасці актывістаў у Беларусі і сітуацыі з правамі чалавека наагул. Подлае рашэнне ўладаў судзіць яе за зачыненымі дзвярыма сведчыць пра поўную адсутнасць легітымнасці яе судовага пераследу і маштабах парушэнняў яе права на справядлівае судовае разбіральніцтва. Наста Лойка — мужная актывістка і адукатарка, якая нястомна працавала над прасоўваннем і абаронай правоў чалавека ў Беларусі. Яна павінна быць неадкладна і безумоўна вызваленай. 

«Існуюць таксама сур’ёзныя перасцярогі што да здароўя і бяспекі Насты Лойкі, а нядаўні сакрэтны судовы працэс выклікае на гэты конт толькі дадатковыя пытанні. Улады Беларусі павінны неадкладна спыніць выкарыстоўваць сістэму крымінальнага правасуддзя краіны ў якасці інструменту, каб прымусіць замаўчаць крытыкаў дзяржавы, у тым ліку Лойку і іншых праваабаронцаў, для якіх падрыхтаваная падобная доля. 

Улады Беларусі павінны неадкладна спыніць выкарыстоўваць сістэму крымінальнага правасуддзя краіны ў якасці інструменту, каб прымусіць замаўчаць крытыкаў дзяржавы, у тым ліку Лойку і іншых праваабаронцаў, для якіх падрыхтаваная падобная доля

Мары Стразерс, рэгіянальная дырэктарка Amnesty International па Усходняй Еўропе і Цэнтральнай Азіі

«Улады Беларусі павінны неадкладна прыняць рашэнне аб расследаванні фактаў адвольнага затрымання Насты Лойкі і інфармацыі пра яе катаванні падчас утрымання пад вартай, пра што паведамлялася летась. Любыя службовыя асобы, якія абгрунтавана падазраюцца ў здзяйсненні гэтых злачынстваў або ў саўдзеле ў іх, павінны быць прыцягнутыя да адказнасці ў рамках справядлівага судовага разгляду без прымянення смяротнага пакарання. 

Наста Лойка — вядомая праваабаронца. Раней яна дакументавала прымяненне рэпрэсіўнага «антыэкстрэмісцкага» заканадаўства ў Беларусі, працавала над абаронай замежных грамадзянаў і асобаў без грамадзянства ў сваёй краіне і ладзіла адукацыю па правах чалавека. 

6 верасня 2022 года Наста Лойка была адвольна затрыманая, калі выходзіла з Мінскага гарадскога суда пасля наведвання слуханняў па справе супраць калегаў-праваабаронцаў Марфы Рабковай, Андрэя Чапюка і васьмі іх іншых абвінавачаных тае справы. 

Першапачаткова Лойка была змешчаная пад «адміністрацыйны арышт» за нібыта «дробнае хуліганства». Яе ўтрыманне пад вартай неаднаразова падаўжалася, пакуль у кастрычніку 2022 года яна не была адвольна ўзятая пад варту ў якасці падазраванай у здзяйсненні крымінальнага злачынства. 

Падчас яе ўтрымання пад вартай ёй было адмоўлена ў доступе не толькі да адваката, але і ў неабходнай медыцынскай дапамозе і іншых прадметах першай неабходнасці, у тым ліку ў цёплай вопратцы і пітной вадзе.

Арыгінальны артыкул на сайце "Міжнароднай амністыі"

See more news

Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
15 February 2024, 4:44 PM
Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
"Вясна" распавядае пра вынікі пераследу беларусаў за прадукты для сем'яў палітзняволеных.
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
15 February 2024, 4:41 PM
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
“Пакаранне ў зняволенні: інструмент выпраўлення ці знявагі? Міжнароднае і нацыянальнае права і практыка” – канферэнцыю на гэтую тэму праводзіць 20 лютага ў Вільні праваабарончая ўстанова “Лекары за праўду і справядлівасць”.
«Не будзе АБСЕ, ну дык што?» Хто будзе назіраць за выбарамі* ад місіі СНД
15 February 2024, 4:33 PM
«Не будзе АБСЕ, ну дык што?» Хто будзе назіраць за выбарамі* ад місіі СНД
Ужо на наступным тыдні пройдзе адзіны дзень галасавання, падчас якога прапануюць выбраць дэпутатаў у парламент і мясцовыя саветы.
Аналітычны агляд БХК. «Для парушэнняў правоў чалавека ствараецца законная рамка»
15 February 2024, 4:25 PM
Аналітычны агляд БХК. «Для парушэнняў правоў чалавека ствараецца законная рамка»
Беларускі Хельсінкскі Камітэт падрыхтаваў агляд найбольш значных зменаў у беларускай дзяржаўнай палітыцы ў галіне правоў чалавека і рэакцыях на яе з боку міжнароднай супольнасці. Аналітыка дапамагае лепш зразумець трэнды ў галіне правоў чалавека, дае магчымасць адсочваць сістэмныя і якасныя змены сітуацыі, пашырыць правачалавечны фокус аналітыкі ў сумежных галінах.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці