Апытанне: даследванне праваабарончага сектара Беларусі

13 September 2022, 8:59 AM
Апытанне: даследванне праваабарончага сектара Беларусі

Дапамажыце зразумець, што адбываецца з беларускім праваабарончым сектарам – калі ласка, прайдзіце апытанне!

Праваабаронцы за ўвесь час сваёй дзейнасці дапамаглі дзясяткам тысяч беларусаў. А з 2020 года, ад пачатку палітычнага крызіса ў Беларусі, выразы «правы чалавека» і «праваабаронцы» загучалі нашмат часцей, чым раней. Праваабаронцы і валанцёры праваабарончых арганізацый дакументавалі катаванні, маніторылі мітынгі і палітычныя судовыя працэсы, давалі юрыдычныя кансультацыі, паведамлялі аб рэпрэсіях міжнародным арганізацыям… Дзяржава адрэагавала на гэта пераследам праваабаронцаў і ліквідацыяй арганізацый.

Што адбылося з праваабарончым рухам Беларусі з 2020 года? Як адрэагавалі праваабаронцы на рэпрэсіі? Адаптаваліся і пачалі працаваць падпольна? Сышлі з праваабарончага сектара? Змянілі стаўленне да канцэпцыі правоў чалавека?

ЧАГО МЫ ХОЧАМ?

Беларускі дом правоў чалавека імя Барыса Звозскава разам з партнёрамі збірае інфармацыю аб стане праваабарончага руху Беларусі. Даследванне вызначыць:

  • якім чынам людзі далучаюцца да праваабарончай дзейнасці;

  • што адбылося з ініцыятывамі, створанымі пасля 2020 года;

  • ці адрозніваюцца ўяўленні аб правах чалавека ў розных групах праваабаронцаў;

  • як буйныя праваабарончыя арганізацыі, фонды, неабыякавыя людзі могуць падтрымаць праваабаронцаў Беларусі.

З ініцыятывамі, якія заявяць пра сябе падчас апытання, мы зможам працаваць у будучыні: запрашаць на адкрытыя і закрытыя сустрэчы, канферэнцыі, каардынаваць дзеянні, больш эфектыўна размяркоўваць рэсурсы і дапамагаць ініцыятывам у развіцці.

 

ШТО ТРЭБА РАБІЦЬ?

Калі ласка, прайдзіце апытанку па спасылцы. Гэта зойме прыкладна 20 хвілін. Таксама мы просім падзяліцца спасылкай са знаёмымі, якія падыходзяць пад апісанне ў пункце ніжэй. Вы можаце проста пераслаць ім гэтую спасылку:

ПРАЙСЦІ АПЫТАННЕ ДЛЯ ДАСЛЕДВАННЯ ПРАВААБАРОНЧАГА СЕКТАРА БЕЛАРУСІ.

 Адказы збіраем да 30 верасня.

ХТО МОЖА ПРАЙСЦІ АПЫТАНКУ?

Арганізацыі, ініцыятывы і людзі, якія хоць нейкім чынам далучаліся да праваабароны ў Беларусі цягам апошніх пяці гадоў. Нас цікавяць усе: хто сёння працуе або прыпыніў сваю дзейнасць; хто знаходзіцца ў Беларусі і хто выехаў з краіны; хто з’яўляецца прафесійным праваабаронцам або проста мяркуе, што ён далучаецца да праваабароны.

 

ЦІ ГЭТА БЯСПЕЧНА?

Мы не перадаем сабраную інфармацыю ніякім іншым арганізацыям і не апублікуем звесткі, якія маглі б раскрыць асобы рэспандэнтаў. Над даследваннем працуюць людзі, якія сёння знаходзяцца па-за Беларуссю і не плануюць прыяжджаць у Беларусь бліжэйшым часам. Апытанка зробленая на платформе IntraResearch, сабраныя звесткі будуць захоўвацца на серверах у Эстоніі.

 

З КІМ КАНТАКТАВАЦЬ ПРА АПЫТАНКУ?

Калі ў вас засталіся пытанні або вы хочаце верыфікаваць апытанку – напішыце, калі ласка, Марыі Ландо па электроннай пошце capacity@belhumanrights.house.

Дзякуй за ўдзел!

See more news

Руководство для иностранных граждан по организации работы в Грузии
14 November 2022, 9:55 AM
Руководство для иностранных граждан по организации работы в Грузии
Руководство для иностранных граждан по организации работы в Грузии подготовили эксперты Института гражданского общества и Международного центра некоммерческого права. Вклад в работу над данным руководством внесла и правозащитная организация «Lawtrend».
Псіхалагічная і псіхіятрычная падтрымка для актывістаў
19 October 2022, 8:55 AM
Псіхалагічная і псіхіятрычная падтрымка для актывістаў
Беларуская нацыянальная платформа і Беларускі нацыянальны моладзевы савет «РАДА» разам з партнёрамі абвяшчае пра магчымасць псіхалагічнай і псіхіятрычнай падтрымкі для актывістаў грамадзянскай супольнасці.
Набор на адукацыйны курс па асновах мэнэджмента арганізацый грамадзянскай супольнасці
17 October 2022, 5:44 PM
Набор на адукацыйны курс па асновах мэнэджмента арганізацый грамадзянскай супольнасці
Гэты курс аб тым, як кіраваць грамадскімі арганізацыямі і ініцыятывамі, – вызначаць мэты, планаваць праекты, матываваць каманду і забяспечыць яе эфектыўную працу, ацэньваць эфектыўнасць дзейнасці і падвышаць устойлівасць.
Vacancy at the Belarusian HRH: Program manager
13 October 2022, 6:41 AM
Vacancy at the Belarusian HRH: Program manager
The Program Manager is responsible for the planning, development, overall coordination/implementation, and supervision of strategic areas and projects of the BHRH activities; for fundraising, liaising with donors and partners.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці