Запрашаем на дыскусію: агульныя мэты і прынцыпы беларускіх праваабаронцаў

Беларускі дом правоў чалавека імя Барыса Звозскава запрашае на дыскусію аб абнаўленні і актуалізацыі Прынцыпаў дзейнасці беларускіх праваабаронцаў, якая адбудзецца ў Вільні 21 лістапада, пачатак а 18:30.

Дарагія калегі, сябры і партнёры!

Цяпер, як ніколі, важна абмеркаваць, якой мы бачым будучыню беларускага праваабарончага сектара, а таксама вызначыць агульныя мэты і каштоўнасці, якія аб'ядноўваюць праваабарончыя арганізацыі і ініцыятывы. Мы запрашаем вас на дыскусію, на якой мы разам разгледзім Прынцыпы дзейнасці праваабаронцаў Беларусі 2017 года і вырашым, ці патрэбныя змены.

Прыходзьце падзяліцца сваімі думкамі і прапановамі! Разам мы можам стварыць рамку для будучых дзеянняў, якая адлюстроўвае рэаліі і выклікі, з якімі сутыкаюцца беларускія праваабаронцы сёння.

Дата: 21 лістапада 2024 года.

Месца: Вільня, Літва, толькі афлайн. Дакладны адрас будзе дасланы пасля пацвярджэння рэгістрацыі.

Час: пачынаем а 18:30.

Будзем рады бачыць усіх зацікаўленых у фармаванні будучыні беларускага праваабарончага руху.

СПАСЫЛКА НА РЭГІСТРАЦЫЮ

Усе пытанні можна задаць па адрасе: capacity@belhumanrights.house.