Трэнінг для беларускіх юрыстаў «Прынцып вяршэнства права ў працы Рады Эўропы і Эўрапейскага суда па правах чалавека»

З 16 па 18 кастрычніка ў Празе будзе праходзіць трэнінг для беларускіх юрыстаў «ПРЫНЦЫП ВЯРШЭНСТВА ПРАВА Ў ПРАКТЫЦЫ РАДЫ ЕЎРОПЫ І ЕЎРАПЕЙСКАГА СУДА ПА ПРАВАХ ЧАЛАВЕКА».

Трэнінг аргунізуецца сумесна Інстытутам CEELI і Радай Еўропы.

Мерапрыемства з'яўляецца часткай плана дзеянняў Рады Еўропы па супрацоўніцтву з беларускай грамадзянскай супольнасцю і дэмакратычнымі сіламі.

ТЭМЫ ТРЭНІНГУ:
На трэнінгу будуць разгледжаны наступныя тэмы:
● Еўрапейская камісія за дэмакратыю праз права (Венецыянская камісія) і стандарты вяршэнства права.
● Вяршэнства права ў практыцы ЕСПЧ: прынцып законнасці і яго розныя грані.
● Патрабаванне прававой вызначанасці ў адпаведнасці з Еўрапейскай канвенцыяй.

Трэнінг будзе ўключаць у сябе прэзентацыі, працу ў групах і групавыя дыскусіі.

МОВЫ ТРЭНІНГУ:
беларуская, руская

CEELI Institute пакрывае выдаткі на праезд, пражыванне і харчаванне падчас трэнінгу.

Адзінае абавязковае патрабаванне - мець юрыдычную адукацыю. 

Паколькі колькасць месцаў на трэнінгу з'яўляецца абмежаванай, перавагу будуць мець кандыдаты, якія маюць базавыя веды аб правах чалавека і міжнародных механізмах іх абароны, а таксама досвед працы ў сферы абароны правоў чалавека. Таксама будзе ацэньвацца матывацыя кандыдатаў, у тым ліку па выкарыстанні атрыманых ведаў у практычнай працы.

Анкету неабходна даслаць не пазней за 23:59 15 верасня. Аб выніках адбору кандыдатам будзе паведамлена не пазней за 17 верасня. 

ЗАПОЎНІЦЬ АНКЕТУ