Беларусь у гадавой справаздачы Міжнароднай Амністыі: арышты, катаванні, судовы пераслед

08 April 2021, 3:51 PM
Беларусь у гадавой справаздачы Міжнароднай Амністыі: арышты, катаванні, судовы пераслед

Праваабарончая арганізацыя Міжнародная Амністыя апублікавала чарговую гадавую справаздачу аб сітуацыі з правамі чалавека ў свеце. Са 190 старонак чатыры прысвечаныя Беларусі; агулам у дакуменце вядзецца пра 25 краін і чатыры рэгіёна.

Праваабаронцы Амністыі у сваёй справаздачы звяртаюць увагу на такія парушэнні:

  • апазіцыйныя кандыдаты, сябры іх выбарчых штабоў і іх паплечнікі былі арыштаваныя;

  • міліцыя празмерна і неразборліва прымяняла гвалт для разгону дэманстрацый;

  • дзясяткі тысяч мірных дэманстрантаў і выпадковых мінакоў былі арыштаваныя, многія з іх пацярпелі ад катаванняў і іншых відаў жорсткага абыходжання;

  • затрыманні, збіццё, судовы пераслед крануўся мноства людзей, у тым ліку журналістаў, медыкаў, студэнтаў, прафсаюзных лідараў;

  • у Беларусі абмяжоўвалася права на свабоду слова з мэтай не дапусціць ніякіх апазіцыйных выказванняў і іншадумства;

  • улады выкарысталі свой уплыў на інтэрнэт-правайдэраў, каб амаль цалкам адключыць мабільны інтэрнэт у першыя тры дні пратэстаў пасля выбараў (а потым зноў адключалі інтэрнэт падчас штотыднёвых пратэстаў) і тым самым перашкодзіць каардынаванню дэманстрацый і абмену інфармацыяй.

«Улады Беларусі прызналі, што ў сувязі з пратэстамі яны атрымалі каля 900 скаргаў на адвольныя дзеянні міліцыі. Аднак на канец года не ўзбудзілі ніводнай крымінальнай справы, і ніводны супрацоўнік унутраных органаў не быў абвінавачаны ў парушэннях» - удакладняе справаздача.

Прачытаць справаздачу цалкам, каб параўнаць становішча з правамі чалавека ў Беларусі і ў астатнім свеце, можна на рускай мове па спасылцы.

Відэа прэзентацыі справаздачы тут.

Апрача Беларусі, значная ўвага ў справаздачы надаецца правам чалавека ў сувязі з пандэміяй COVID-19, наступствам пандэміі для ўразлівых і дыскрымінаваных катэгорый людзей (бежанцаў, мігрантаў, людзей з інваліднасцю, ЛГБТІ і жанчын), росту пратэстных настрояў у свеце і ва ўсходнееўрапейскім і цэнтральнаеўрапейскім рэгіёне: #BlackLivesMatter, #EndSARS, пратэсты ў Беларусі, Ганконгу, Польшчы, Чылі, а таксама дэградацыі сітуацыі з правамі чалавека ў Азербайджане, Беларусі, Казахстане, Расіі і іншых краінах рэгіёну.

У шэрагу краін ўлады працягвалі аслабляць незалежнасць судовай сістэмы. Спрэчныя прэзідэнцкія выбары ў Беларусі пацягнулі за сабой надзвычайную сітуацыю з правамі чалавека, у выніку якой была знішчаная нават бачнасць права на справядлівы суд і падсправаздачнасці. Недазволеныя рэгіянальныя канфлікты негатыўна адбіваліся на свабодзе перамяшчэння і захаванні правоў, у прыватнасці права на здароўе. У ходзе ўзброенага канфлікту паміж Арменіяй і Азербайджанам ўсе бакі выкарыстоўвалі касетныя боепрыпасы ў грамадзянскіх раёнах і здзяйснялі ваенныя злачынствы.

Напісана паводле Onliner і Spring96.org.

See more news

Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
15 February 2024, 4:44 PM
Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
"Вясна" распавядае пра вынікі пераследу беларусаў за прадукты для сем'яў палітзняволеных.
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
15 February 2024, 4:41 PM
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
“Пакаранне ў зняволенні: інструмент выпраўлення ці знявагі? Міжнароднае і нацыянальнае права і практыка” – канферэнцыю на гэтую тэму праводзіць 20 лютага ў Вільні праваабарончая ўстанова “Лекары за праўду і справядлівасць”.
«Не будзе АБСЕ, ну дык што?» Хто будзе назіраць за выбарамі* ад місіі СНД
15 February 2024, 4:33 PM
«Не будзе АБСЕ, ну дык што?» Хто будзе назіраць за выбарамі* ад місіі СНД
Ужо на наступным тыдні пройдзе адзіны дзень галасавання, падчас якога прапануюць выбраць дэпутатаў у парламент і мясцовыя саветы.
Аналітычны агляд БХК. «Для парушэнняў правоў чалавека ствараецца законная рамка»
15 February 2024, 4:25 PM
Аналітычны агляд БХК. «Для парушэнняў правоў чалавека ствараецца законная рамка»
Беларускі Хельсінкскі Камітэт падрыхтаваў агляд найбольш значных зменаў у беларускай дзяржаўнай палітыцы ў галіне правоў чалавека і рэакцыях на яе з боку міжнароднай супольнасці. Аналітыка дапамагае лепш зразумець трэнды ў галіне правоў чалавека, дае магчымасць адсочваць сістэмныя і якасныя змены сітуацыі, пашырыць правачалавечны фокус аналітыкі ў сумежных галінах.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці