Беларускі дом правоў чалавека абвяшчае конкурс на правядзенне даследавання

05 April 2020, 11:49 PM
Беларускі дом правоў чалавека абвяшчае конкурс на правядзенне даследавання

Беларускі Дом правоў чалавека імя Барыса Звозскава запрашае экспертаў і даследчыя арганізацыі прыняць удзел у конкурсе на правядзенне даследавання. Заяўкі прымаюцца да 31 траўня 2020 года.Агульная інфармацыя і мэта даследавання

БДПЧ падтрымлівае праваабаронцаў і грамадскіх актывістаў, якія сталі ахвярамі палітычных рэпрэсій; займаецца міжнароднай адвакацыяй; узмацняе патэнцыял праваабарончай супольнасці, у тым ліку праз падтрымку праектаў; праводзіць адукацыйныя прагарамы па тэме правоў чалавека і прапануе падтрымку ў сферы лічбавай бяспекі.

У межах даследавання будзе:

  • прааналізаваны ўплыў БДПЧ на развіцце сектара праваабарончых і іншых арганізацый грамадзянскай супольнасці (АГС);

  • вызначана, наколькі падтрымка БДПЧ дапамагае сектару працаваць больш устойліва, якія інструменты падтрымкі эфектыўныя, а якія не, і чаму;

  • выяўленыя патрэбы праваабарончых АГС і выклікі, з якімі яны сутыкаюцца падчас сваёй дзейнасці.

Метадалогія даследавання:

праграма даследвання, змест і дызайн яго інструментаў распрацоўваюцца пераможцам конкурсу і ўзгадняюцца з БДПЧ перад пачаткам даследавання.

Тэрмін правядзення даследавання:

3-6 месяцаў. Чакаецца, што выканаўца прыступіць да працы 15 чэрвеня 2020 года.

Чаканы вынік:

аналітычная справаздача на рускай ці беларускай мове, у якой прадстаўлены абагульненыя звесткі даследавання адпаведна мэтам і задачам. Справаздача павінна, акрамя іншага, уключаць кароткае рэзюмэ справаздачы, апісанне метадалогіі, аналіз і вынікі, высновы і рэкамендацыі.

Хто можа прыняць удзел у конкурсе:

даследчыя цэнтры, НДА і групы фізічных асобаў, якія займаюцца правядзеннем даследаванняў у Беларусі.

У конкурсную прапанову трэба ўключыць:

  • інфармацыю аб арганізацыі/асобах, што будуць праводзіць даследванне, разам з досведам правядзення падобных даследванняў;

  • кароткае апісанне метадалогіі даследвання і яе абгрунтаванне (чаму менавіта гэтыя метады і інструменты прапануецца выкарыстоўваць);

  • план і графік ацэнкі;

  • бюджэт ацэнкі.

Конкурсную прапанову на рускай або беларускай мове дасылайце на электронную пошту  belarus@humanrightshouse.org да 31 траўня (уключна) 2020 года з пазнакай “Заяўка на правядзенне даследавання”.

Падрабязную інфармацыю глядзіце ў прыкладзеным файле.

Каб задаць пытанне або ўдакладніць інфармацыю аб конкурсе, калі ласка, звяртайцеся па адрасе: belarus@humanrightshouse.org.

See more news

Як зарэгістраваць некамерцыйную арганізацыю? Крок за крокам з новым дапаможнікам
10 March 2021, 3:32 PM
Як зарэгістраваць некамерцыйную арганізацыю? Крок за крокам з новым дапаможнікам
Да 31 сакавіка паспейце замовіць бясплатны дапаможнік па рэгістрацыі НКА, які напісала Вольга Смалянка, дырэктар Цэнтра прававой трансфармацыі.
Конкурс на правядзенне знешняй ацэнкі праекта
29 May 2020, 7:48 AM
Конкурс на правядзенне знешняй ацэнкі праекта
Беларускі дом правоў чалавека імя Барыса Звозскава запрашае вас прыняць удзел у конкурсе на правядзенне знешняй ацэнкі праекта. Просім даслаць свае прапановы да 30 чэрвеня 2020 года.
Беларускі дом правоў чалавека абвяшчае конкурс на правядзенне даследавання. Лістапад 2019
06 November 2019, 5:55 PM
Беларускі дом правоў чалавека абвяшчае конкурс на правядзенне даследавання. Лістапад 2019
Беларускі Дом правоў чалавека імя Барыса Звозскава запрашае экспертаў і даследчыя арганізацыі прыняць удзел у конкурсе на правядзенне даследавання.
Беларускі Дом правоў чалавека імя Барыса Звозскава шукае каардынатара па нарошчванні патэнцыялу
10 April 2019, 7:40 AM
Беларускі Дом правоў чалавека імя Барыса Звозскава шукае каардынатара па нарошчванні патэнцыялу
Адным з важных стратэгічных напрамкаў БДПЧ з’яўляецца садзейнічанне ўзмацненню дзейнасці і нарошчванню патэнцыялу беларускіх праваабаронцаў і арганізацый грамадзянскай супольнасці Беларусі.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці