Заява Міжнароднага ПЭНа: Вызваліць турэцкіх журналістаў Хамзы Каа́на і Мехмета Учара

21 траўня 2025 года: Журналісты Хамза Каан і Мехмет Учар утрымліваюцца пад вартай з 26 лістапада 2024 года на сфабрыкаваных падставах, звязаных з тэрарызмам, за сваю журналісцкую дзейнасць. Іх справы будуць разглядацца асобна 3 і 8 ліпеня адпаведна. Абодвум пагражае да 15 гадоў пазбаўлення волі ў выпадку прызнання вінаватымі.

PEN International мяркуе, што Каан і Учар сталі мішэнню выключна за мірную рэалізацыю свайго права на свабоду выказвання меркаванняў, і заклікае да іх неадкладнага і безумоўнага вызвалення. Усе абвінавачанні супраць іх павінны быць знятыя.

ЗАКЛІК ДА ДЗЕЯННЯЎ:

Калі ласка, дашліце звароты да ўладаў Турцыі з наступнымі патрабаваннямі:

• Заклікаем да неадкладнага і безумоўнага вызвалення Хамзы Каана і Мехмета Учара, а таксама да спынення ўсіх абвінавачанняў супраць іх;

• Заклікаем спыніць пераслед і ўтрыманне пад вартай пісьменнікаў і журналістаў выключна за змест іх публікацый і вызваліць усіх, хто зняволены за карыстанне правам на свабоду меркаванняў і іх выказвання.

Звароты дасылайце на адрас:

Імя: Yılmaz Tunç
Пасада: Міністр юстыцыі
Адрас: Ministry of Justice, Adalet Bakanlığı, 06659 Kizilay, Ankara, Türkiye
Электронная пошта: info@adalet.gov.tr

Таксама дашліце копіі зваротаў у Пасольства Турцыі у вашай краіне. Спіс пасольстваў можна знайсці тут:
https://cd.mfa.gov.tr/mission/mission-list?clickedId=3

Звярніцеся таксама ў Міністэрства замежных спраў вашай краіны і да дыпламатычных прадстаўнікоў у Турцыі з заклікам падняць справу Каана і Учара ў двухбаковых перамовах.

Калі ласка, дасылайце звароты неадкладна. У выпадку, калі вы дасылаеце звароты пасля 21 ліпеня 2025 года, праверце актуальнасць інфармацыі з PEN International.

Просім паведамляць PEN International пра любыя дзеянні, якія вы здзяйсняеце, і пра атрыманыя адказы. Паведамленні можна дасылаць Аўрэлі Дондо, кіраўніцы рэгіёна Еўропа і Цэнтральная Азія: Aurelia.dondo@pen-international.org

АСВЯТЛЕННЕ Ў СМІ

Сябры PEN заклікаюцца:

• Публікаваць артыкулы і аналітычныя тэксты у нацыянальных або мясцовых СМІ, прысвечаныя справе Хамзы Каана і Мехмета Учара і сітуацыі са свабодай выказвання ў Турцыі;

• Распаўсюджваць інфармацыю пра Каана і Учара, а таксама пра свае кампанійныя дзеянні ў сацыяльных сетках.

Калі ласка, інфармуйце нас пра ўсе вашыя ініцыятывы.

САЛІДАРНАСЦЬ

Салідарнасць — ключавы кампанент нашай кампаніі.

Калі ласка, дашліце лісты салідарнасці па наступным адрасе:

Hamza Kaan і Mehmet Üçar
Eskişehir L Tipi Kapalı Ceza İnfaz Kurumu
Akpınar
26004 Odunpazarı / Eskişehir
Türkiye

Разгледзьце магчымасць даслаць Хамзе Каану і Мехмету Учару кнігі, часопісы, малюнкі і паштоўкі. Калі ласка, не выкарыстоўвайце палітычныя сімвалы і не дасылайце палітычны змест.

Даведацца больш і прачытаць заяву PEN International можна тут.

Пераклад на беларускую: Беларускі ПЭН