Беларускія праваабаронцы сустрэліся са Спецыяльным дакладчыкам ААН аб стане правоў чалавека ў Беларусі

04 March 2020, 7:29 AM
Беларускія праваабаронцы сустрэліся са Спецыяльным дакладчыкам ААН аб стане правоў чалавека ў Беларусі

Праваабарончая супольнасць Беларусі 23 і 24 лютага ўдзельнічала ў каардынацыйнай сустрэчы, зладжанай Беларускім домам правоў чалавека імя Барыса Звозскава ў Вільні. Да сустрэчы далучыліся міжнародныя партнёры, у тым ліку Спецыяльны дакладчык ААН аб стане правоў чалавека ў Беларусі, Фонд дамоў правоў чалавека, Хельсінкскі фонд па правах чалавека, FIDH I CRD.

Беларускі дом правоў чалавека ладзіць такія сустрэчы на пачатку кожнага году, каб спрыяць падтрымцы і развіццю праваабарончай супольнасці Беларусі.

 

Удзельнікі абмеркавалі планы і прыярытэты, выклікі, пагрозы, а таксама супольныя дзеянні. Усе пагадзіліся, што прэзідэнцкія выбары, якія павінны адбыцца ўвосень, – галоўная падзея і пагроза для грамадзянскай супольнасці Беларусі сёлета, бо наступствы электаральных перыядаў, як і масштабы магчымых рэпрэсій і парушэнняў правоў чалавека, заўжды непрадказальныя. Магчыма, грамадзянскай супольнасці ў Беларусі спатрэбіцца міжнародная салідарная дапамога ў перыяд выбараў у 2020 годзе.

 

Спецыяльны дакладчык ААН аб стане правоў чалавека ў Беларусі Анаіс Марын расказала пра сваю працу ў рамках мандата. Таксама яна прапанавала праваабарончай супольнасці дасылаць ёй інфармацыю для будучага даклада па наступных тэмах: здароўе ў месцах несвабоды; дыскрымінацыя ЛГБТ; дыскрымінацыя прадстаўнікоў народнасці рома; ціск на незалежныя прафсаюзы; ЛТП.

Анаіс Марын таксама расказала аб нядаўна падтыхтаваным ёй дакладзе аб непаўнагадовых, асуджаных па “наркатычным” артыкуле 328, які быў падтыхтаваны разам з рабочай групай па адвольных затрыманнях і іншымі спецыяльнымі працэдурамі ААН.

See more news

БДІПЧ АБСЕ шкадуе аб адсутнасці запрашэння назіраць за выбарамі ў Беларусі
22 February 2024, 6:57 PM
БДІПЧ АБСЕ шкадуе аб адсутнасці запрашэння назіраць за выбарамі ў Беларусі
Бюро па дэмакратычных інстытутах і правах чалавека АБСЕ 21 лютага выступіла з заявай з нагоды сітуацыі з правамі чалавека ў Беларусі.
Працоўная група ААН прызнала парушэнні правоў палітзняволенага адваката Віталя Брагінца
24 January 2024, 5:56 PM
Працоўная група ААН прызнала парушэнні правоў палітзняволенага адваката Віталя Брагінца
Працоўная група ААН па адвольных затрыманнях разгледзела справу Віталя Брагінца і прыйшла да высновы, што Беларусь парушыла яго правы.
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
20 January 2024, 4:08 PM
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
Камітэт ААН па правах чалавека прыняў рашэнне па "справе аб экстрэмізме" супраць гамельчука Паўла Катаржэўскага. У 2017 годзе хлопца асудзілі за рэпост "Вконтакте" з групы "Революционное действие".
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
20 January 2024, 3:35 PM
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
Камітэт ААН па правах чалавека даслаў праваабаронцу Леаніду Судаленка рашэнне (№2929/2017) наконт скаргі аб сістэматычных парушэннях недатыкальнасці яго прыватнага жыцця, гарантаванага артыкулам 17 Міжнароднага пакту аб грамадзянскіх ды палітычных правах.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці