Civil Rights Defenders: "Ён адзін з самых моцных галасоў за дэмакратыю і правы чалавека ў Беларусі"

У судзе Ленінскага раёну Мінска 3 сакавіка лаўрэату Нобелеўскай прэміі міру, старшыню ПЦ "Вясны", праваабаронцу і літаратару Алесю Бяляцкаму прызначылі 10 гадоў калоніі. Намесніку старшыні "Вясны" Валянціну Стэфановічу - 9 гадоў калоніі. Каардынатару кампаніі "Праваабаронцы за свабодны выбары" Уладзіміру Лабковічу - 7 гадоў калоніі. 

"Вясна" збірае рэакцыі міжнароднай супольнасці на ганебны прысуд вясноўцам.

“Ён адзін з самых моцных галасоў за дэмакратыю і правы чалавека ў Беларусі. Адчайная спроба беларускага рэжыму прымусіць яго і іншых крытыкаў рэжыму замаўчаць доўгімі турэмнымі тэрмінамі жудасная, але не нечаканая. Дэмакратычны рух у краіне сутыкнуўся з жорсткімі рэпрэсіямі з боку рэжыму пасля пратэстаў 2020 года, і сітуацыя пастаянна пагаршаецца. Міжнародная супольнасць павінна працягваць падтрымліваць тых, хто выступае за правы чалавека і дэмакратыю ў Беларусі”, - кажа Андэрс Л. Петтэрсан, выканаўчы дырэктар Civil Rights Defenders.

Пераклад на беларускую мову: сайт "Вясны"