Еўрапейская федэдацыя журналістаў: «Як мы можам святкаваць, калі 124 журналісты сустрэнуць Новы год у турме?»

04 January 2023, 8:53 AM
Еўрапейская федэдацыя журналістаў: «Як мы можам святкаваць, калі 124 журналісты сустрэнуць Новы год у турме?»

Праваабарончая арганізацыя "Еўрапейская федэрацыя журналістаў" падсумоўвае вынікі году:

"Час напярэдадні Новага года – заўсёды складаны для журналісцкіх арганізацый і іх еўрапейскай федэрацыі EFJ. Як мы можам святкаваць, калі мы ведаем, што ў 2022 годзе ў Еўропе, збольшага ва Украіне, было забіта 13 журналістаў? Як мы можам святкаваць, ведаючы, што 124 журналісты ў Еўропе прабавяць навагоднюю ноч у турме? Еўрапейская федэрацыя журналістаў мае толькі адно жаданне на наступны год: каб гэтыя 124 калегі былі вызваленыя. Няхай у 2023 годзе ніводны журналіст не будзе забіты або зняволены проста за тое, што выконваў сваю працу.

У гэты асаблівы дзень ЕФЖ узгадвае 13 журналістаў, забітых ва Украіне і Турцыі ў 2022 годзе, і журналістаў, якія знаходзяцца ў зняволенні ў Турцыі (52), Беларусі (33), Расіі (19), Украіне (13), Азербайджане (4), Грузіі (1), Польшчы (1) і Вялікабрытаніі (1).

ЕФЖ і яе сяброўскія арганізацыі яшчэ раз заклікаюць урады краін прыняць неабходныя меры для забеспячэння свабоды прэсы ў Еўропе і бяспекі журналістаў. Існуюць прававыя стандарты і перадавая практыка. Але вельмі нямногія дзяржавы ўжываюць іх на практыцы.

У прыватнасці, мы заклікаем дзяржавы-сябры Рады Еўропы неадкладна выканаць Рэкамендацыю Камітэта міністраў 2016/4 аб абароне журналістыкі і аб бяспецы журналістаў. Прыняцце нацыянальных планаў, звязаных з гэтай Рэкамендацыяй, з'яўляецца прыярытэтнай задачай.

Мы таксама заклікаем урады краін-сябраў Еўрапейскага саюза і выдаўцоў СМІ гэтых краін не перашкаджаць прыняццю Еўрапейскага закона аб свабодзе СМІ. Было б злачынна блакаваць гэты тэкст. Наадварот, яго палажэнні аб барацьбе з канцэнтрацыяй СМІ, празрыстасці ўласнасці СМІ і незалежнасці грамадскіх рэгулятараў павінны быць узмоцнены.

Праз гэта ЕФЖ і яе ўкраінскія філіялы вельмі занепакоеныя прыняццем новага ўкраінскага Закона аб СМІ. Прэзідэнт Украіны Уладзімір Зяленскі ў чацвер падпісаў законапраект, які пашырае паўнамоцтвы ўрада па рэгуляванні СМІ.

EFJ мяркуе, што прыняты закон па-ранейшаму супярэчыць еўрапейскім стандартам свабоды прэсы, бо незалежнасць дзяржаўнага рэгулятара СМІ, сябры якога прызначаюцца прэзідэнтам і парламентам, не можа быць гарантаваная. Генеральны сакратар EFJ Рыкарда Гуцьерэс заявіў у газеце «Нью-Ёрк Таймс» 30 снежня, што «Украіна прадэманструе сваю еўрапейскую прыхільнасць, прасоўваючы свабодныя і незалежныя СМІ, а не ўстанаўліваючы дзяржаўны кантроль над інфармацыяй».

Арыгінал артыкулу на сайце Еўрапейскай федэрэцыі журналістаў (на ангельскай мове)

Пераклад на беларускую мову: БДПЧ

See more news

Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
15 February 2024, 4:44 PM
Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
"Вясна" распавядае пра вынікі пераследу беларусаў за прадукты для сем'яў палітзняволеных.
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
15 February 2024, 4:41 PM
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
“Пакаранне ў зняволенні: інструмент выпраўлення ці знявагі? Міжнароднае і нацыянальнае права і практыка” – канферэнцыю на гэтую тэму праводзіць 20 лютага ў Вільні праваабарончая ўстанова “Лекары за праўду і справядлівасць”.
«Не будзе АБСЕ, ну дык што?» Хто будзе назіраць за выбарамі* ад місіі СНД
15 February 2024, 4:33 PM
«Не будзе АБСЕ, ну дык што?» Хто будзе назіраць за выбарамі* ад місіі СНД
Ужо на наступным тыдні пройдзе адзіны дзень галасавання, падчас якога прапануюць выбраць дэпутатаў у парламент і мясцовыя саветы.
Аналітычны агляд БХК. «Для парушэнняў правоў чалавека ствараецца законная рамка»
15 February 2024, 4:25 PM
Аналітычны агляд БХК. «Для парушэнняў правоў чалавека ствараецца законная рамка»
Беларускі Хельсінкскі Камітэт падрыхтаваў агляд найбольш значных зменаў у беларускай дзяржаўнай палітыцы ў галіне правоў чалавека і рэакцыях на яе з боку міжнароднай супольнасці. Аналітыка дапамагае лепш зразумець трэнды ў галіне правоў чалавека, дае магчымасць адсочваць сістэмныя і якасныя змены сітуацыі, пашырыць правачалавечны фокус аналітыкі ў сумежных галінах.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці