Еўразвяз заклікаў беларускія ўлады неадкладна вызваліць усіх палітвязняў

23 January 2023, 10:13 AM
Еўразвяз заклікаў беларускія ўлады неадкладна вызваліць усіх палітвязняў

На пасяджэнні Камітэта міністраў Рады Еўропы 18 студзеня шэраг еўрапейскіх краін, якія ўваходзяць у Еўразвяз, выступілі з заявай аб сітуацыі з правамі чалавека ў Беларусі. Свае подпісы пад дакументам паставілі таксама прадстаўнікі іншых краін.

У заяве падкрэсліваецца сур'ёзная занепакоенасць цяжкай сітуацыяй, якая мае тэндэнцыю да далейшага пагаршэння, з правамі чалавека ў Беларусі пры рэжыме Лукашэнкі

«Мы заклікаем менскія ўлады неадкладна вызваліць кожнага з больш чым 1440 палітвязняў. У лік асоб незаконна і несправядліва пазбаўленых волі ўваходзяць лаўрэат Нобелеўскай прэміі міру Алесь Бяляцкі, які знаходзіцца ў зняволенні з ліпеня 2021 года, і іншыя лідары «Вясны», судовы працэс над якімі пачаўся 5 студзеня і пагражае абвінавачаным ад 7 да 12 гадамі пазбаўлення волі»,  – заяўляюць краіны–падпісанты дакумента.

У заяве выказваецца занепакоенасць завочным судом над лідарамі дэмакратычнай апазіцыі: Святланай Ціханоўскай і Паўлам Латушкам, якіх абвінавачваюць у дзяржаўнай здрадзе, стварэнні экстрэмісцкага фарміравання і змове з мэтай звяржэння ўлады. Гэтыя надуманыя абвінавачанні даказваюць непавагу рэжыму да правоў чалавека і асноўных свабод.

Асаблівую трывогу выклікае прынятая Палатай прадстаўнікоў у першым чытанні папраўка да Крымінальнага кодэкса, якая ўводзіць яшчэ большую магчымасць прымянення смяротнага пакарання за «дзяржаўную здраду» ў кантэксце ўзмацнення палітычных рэпрэсій у Беларусі.

Еўразвяз таксама рашуча асуджае рэпрэсіі супраць дэмакратычнай апазіцыі, праваабаронцаў, журналістаў, а таксама прадстаўнікоў нацыянальных меншасцяў і заклікае ўлады Беларусі выконваць міжнародныя абавязацельствы і абавязацельствы сваёй краіны ў рамках ААН і АБСЕ.

Праўдстаўнікі краін Еўразвязу не абыйшлі сваім асуджэннем дзеянні рэжыму ў Мінску, накіраваныя на падтрымку варварскай расейскай агрэсіі супраць Украіны, і аднаўленне спробаў цынічна і гвалтоўна выкарыстоўваць мігрантаў для стварэння крызіснай сітуацыі на межах ЕЗ.

Еўразвяз «па-ранейшаму падтрымлівае народ Беларусі і працягне падтрымку яе грамадзянскай супольнасці і яго законнага імкнення да дасягнення еўрапейскіх стандартаў у галіне правоў чалавека, дэмакратыі і вяршэнства закона».

Артыкул з сайту "Вясны"

See more news

Працоўная група ААН прызнала парушэнні правоў палітзняволенага адваката Віталя Брагінца
24 January 2024, 5:56 PM
Працоўная група ААН прызнала парушэнні правоў палітзняволенага адваката Віталя Брагінца
Працоўная група ААН па адвольных затрыманнях разгледзела справу Віталя Брагінца і прыйшла да высновы, што Беларусь парушыла яго правы.
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
20 January 2024, 4:08 PM
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
Камітэт ААН па правах чалавека прыняў рашэнне па "справе аб экстрэмізме" супраць гамельчука Паўла Катаржэўскага. У 2017 годзе хлопца асудзілі за рэпост "Вконтакте" з групы "Революционное действие".
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
20 January 2024, 3:35 PM
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
Камітэт ААН па правах чалавека даслаў праваабаронцу Леаніду Судаленка рашэнне (№2929/2017) наконт скаргі аб сістэматычных парушэннях недатыкальнасці яго прыватнага жыцця, гарантаванага артыкулам 17 Міжнароднага пакту аб грамадзянскіх ды палітычных правах.
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
20 January 2024, 3:25 PM
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
Суд Івацэвіцкага раёна 15 студзеня пастанавіў замяніць палітвязню Рыгору Кастусёву, асуджанаму да 10 гадоў калоніі, рэжым утрымання на турэмны.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці